گونئی آذربایجان مای/خورداد/ آیاقلانماسینین 5-جی ایلدؤنومو ایله باغلی ایسوئچؤن یؤتئبورق شهرینده کئچیریلن “یوروش-میتینق”-این راپور و قتنامهسی”!
آزوح: فارس راسیزمینین آذربایجان تورک میللتینه قارشی گؤستردیگی سیلسیلوی آشاغیلامالاردان دولایی گونئی آذربایجاندا اولوسال آیاقلانمانین 5-جی ایل دؤنوموندییک. 22-مای 2006-جی ایلده، میللتیمیزین فارس راسیزمینه قارشی آیاقلانماسی 10-لارجا شهید، 100-لرجه یارالی، 1000-لرجه توتوقلامالارلا سونوجلانسا دا، آذربایجان میللی حرکاتیندا یئنی دئموکراتیک و چاغداش موجادیله فورماسینی اورتایا قویدو. مای/خورداد/ قالخیشماسی میللتیمیز طرفیندن باغیمسیز و اؤزگورلوک قازانماق یولوندا اورتایا قویولان بیر تاریخسال ایرادهدیر. گونئی ده، گؤستریلمیش بو اینانجین میللتلشمه ایزلملریله یاناشی دونیایا وئردیگی مئساژین دا گئنیش بویوتلارینی اونوتماق اولماز! همین آیاقلانمادان سونا، دونیانین هر هانسی یئرینده یاشاماسیندان آسیلی اولمایاراق میللتیمیزین چئشیدلی قاتمانلاریندا روح یوکشلیشی و اولوسال کیملیگینه ییلنمه سورجی داها خیزلی سورج گازاندی. بو اوزدن، دونیانین باشا-باشیندا میللتیمیزین حاق سسی اوجالدی. 5-ایل بو آیاقلانمادان گئچسه ده، دونیا چاپیندا آیاقلانمالار و میتینقلر گئچیریلمکدهدیر. همین میتینق و یوروشلرین بیر ده ایسوئچین یؤتئبورق شهرینده کئچیریلدی. آوق، آزوح، گادپ، گاقپ، گاموح-اون بیرگه اورتاقلیغییلا کئچیریلن بو یوروشده، ایلگیلی قوروملارین سربستجهسینه منیمسدیکلری سیمگهلر گئنیش کوتله گؤرونتوسونه وئریلدی. چئشیدلی پلاکارتلار و یازیلارا گونئی حقیقتلری ایشیقلاندی. تشکیلاتلار طرفیندن هازیرلانمیش بروشورلار یاییلدی. گونئیین، قاراباغین و میللتیمیزین حاقلی موجادیلهسیله باغلی سلوقانلار و آنلاتمالار وئریلدی. گئنیش سئیریجی کوتلهنین ماراغینی قازانان میتینق-یوروش ساعت 18-اوو دا باشلارکن ساعت 19-اوو دا سونا چاتدی. یوروشچولر طرفیندن “یوروش-میتیق قتنامهسی” تصدیق اولوندو.
گونئی آذربایجان مای/خورداد/ آیاقلانماسینین 5-جی ایلدؤنومو ایله باغلی ایسوئچؤن یؤتئبورق شهرینده کئچیریلن “یوروش-میتینق قتنامهسی”!
1- مای/خورداد /2006-جی ایلده تبریز، اورمو، اردبیل، زنگان، سولدوز، خیاو و 10-لارجا شهید دوشن سویداشلاریمیزین قانینین یئرده قالماماسینی اعلان ائدیریک.
2- بو آیاقلانمادا هر تورلو زرر چکن سویداشلاریمیزین حاقینین آلینماسیندا الیمیزدن گلنی اسیر گمیجییک.
3- گونئییمیزین حاق سسینین دونیایا یاییلماسی اوچون بیرگه امکداشلیغا داها اؤزن گؤسترجییمیزه سؤز وئریریک.
4- گونئی آزربایجانین میللی ایستکلرینین موجادیلهسینه قئیدسیز یاناشان مبت و باشقا اولوسلاراراسی اؤرگوتلرین فال اولماسینی ایستییریک. بو یؤنده، آمنئستی و بونا بنزر اعتبارلی اؤرگوتلرین داها دا فال اولماسینی ایستییریک.
5- ایرانین فارسچی رئژیمینین آذربایجان تورک میللتینه قارشی دوشمن توتومونو شدتله قیناییر، تورک توتوقلولارینین درهال آزادلیغا بوراخیلماسینی ایستییریک.
6- هر گون، رئژیم طرفیندن میلیونلارجا آزربایجانین یئروستو و یئرالتی ثروتلری فارس بؤلگهلرینه داشینیلیر. ایران رئژیمینین بو اوغرولوغا سون قویماسینی ایستییریک.
7- فارسچی رئژیمین “آذربایجان رئسپوبلیکاسینا”قارشی آنتی دؤولت تخریباتی خیزلا دوام ائتمکدهدیر. آزاد و باغیمسیز بیر دؤولتین ایشلرینه قاریشماق عینی تجاووزدور. بو تجاووزا سون قویماغی و بو تجاووزدان دولایی آذربایجان رئسپوبلیکاسیندان رسمی اوزور دیلمیی طلب ائدیریک.
8- قاراباگین ائرمنی ایشغالیندان قورتولوشو هر بیریمیزین ان بؤیوک دیلییمیزدیر. بو یولدا آلدادیجی سامئتلرین و چئشیدلی دیپلوماتیج یؤنلرین نتیجهسیزلیگی گؤز قاباغیندادیر. آذربایجان حاکمیتینین بو یولدا میللته سؤیکنیشینی و تورپاقلاریمیزین هر تورلو یول ایله ایشغالدان آزاد اولماسینی طلب ائدیریک.
آذربایجان اوغوزلار قروپو
آذربایجان اؤیرنجی حرکاتی ( آزوح)
گونئی آذربایجان دئموکرات پارتیاسی (گادپ)
گونئی آذربایجان قورتولوش پارتیاسی (گاقپ)
گونئی آذربایجان میللی اویانیش حرکاتی (گاموح)
یؤتئبورگ-ایسوئچ
2011-05-21
http://www.youtube.com/watch?v=bVhhhXwO5-A