SURİYA MÜXALİFƏTİ ANTALYADA TOPLANTI KEÇİRƏCƏK
AZOH: Dünyanın dörd tərəfindən gələn suriyalılar ölkələrindəki müxalifətə dəstək üçün Antalyada toplanmağa başlayıblar.
Antalyadakı toplantı mayın 31-də keçiriləcək. Suriyalılar Türkiyədən Əsad rejiminə xəbərdarlıq etməsini istəyirlər.
Suriya İnsan Haqları Dərnəyinin rəhbəri Ammar Kurabi ölkəsindəki qətliamın dərhal dayandırılmasını istədiklərini söyləyib. Kurabi Türkiyədəki kimi demokratiya və sərbəst partiyaların yaranmasını, insanların sərbəst şəkildə haqlarından istifadə etməsini istədiklərini deyib: "İşgəncə və qətliamlar dayandırılmalıdır. Bunun üçün də demokratiyadan başqa çarəmiz yoxdur".
Kurabi Suriya hökumətinin xalqın istəklərinə atəş açaraq cavab verdiyini bildirib.
TRT