سید جعفرپیشۀ وری                                             فریدون ابراهیمی                                                                                                                                                                                                                                                                                                 گوُنئی آذربایجاندا ـ سید جعفرپیشۀ ورینین باشچیلیغی ؤ میللتی میزین ایستۀ گی ، بیرلیگی ایلۀ 12 شهریور قورولتایندان سوُنرا ، 1324 ینجی ایلین 21 آذرآییندا  قوُرولموش میللی دوُولتیمیزین 68 ینجی ایل دوُنومون یاد اتمئکلۀ یاناشی ،  بو بوُیوک بایرامی میللتیمیزۀ تبریک دئیریک ، أوولی خوُش ، سوُنوقانلی بلالی اوُلان ایللردن بوُگوُنۀ قدروطنیمیزی سوُنگو گوُجو ایلۀ ایشغال ائدن فارس فاشیسمی نین قارانلیق کوُلگۀ سی ؤ اوُنون میللتیمیزۀ قارشی یاراددیقی سانسیزـ حئسابسیزسوُی قیریم فاجیعۀ سی ؤ آردیجیل جینایت لر بوگوُندۀ داوام اتمئکدۀ دیر. 

بو گوُنکو نئسلیمیزآتا بابالاری نین قوُرتولوش یوُلوندا موجادیلۀ لرین مرحلۀ ـ مرحلۀ  نظردن کئچیردیکدۀ ، میللی دوُولتین وارلیقینین أهمییتین ؤ اوُنون قوروجو فدائیلری نین میللتیمیزین میللی شعورونون دیرچئلیشیندۀ بوراخدیغی موُثبت ایزلری ؤ تأثیرلری درک اتمئکلۀ آذربایجانلی ؤ توُرک  اوُلدوقلارینا فخرائدیرلر.     

آنجاق میللی دوُولتیمیزین وارلیقین ، میللتیمیزین آزادلیقین گوُرۀ بیلمۀ ین تهران فارس راسیستلری ، نهایت بیرلئشمیش قارا قوُوۀ لرین قانلی هجوُمولاری ؤ یارادیقلاری سوُی قیریم فاجیعۀ سی بوگوُن یاشلانمیش اوُلان اینسانلاریمیزین کئدرلی یاد داشتلاریندان هئلۀ دۀ سیلینمۀ میشدیر، ؤهئچ زاماندا سیلینمییۀ جئک .

            آذربایجان 1325 ینجی ایلدۀ                            صفرخان قهرمانی میللی قهرمانیمیز

اوُ گوُنلردۀ آرخا سیز، پناهسیزقالمیش میللتیمیزین قتلۀ منظرۀ لرین گوُزلری ایلۀ گوُروُب  اوُنا اوُره یی آغریسی ایلۀ  شاهید اوُلموش اینسانلاریمیز، ایستر آذربایجانین داخیلیندۀ ، ایستر«ایران» آدلانان یئرین چئشیدلی شئهرلریندۀ اوُلدوقلارینا باخمییاراق، اوُریی لری کئدرلۀ دوُلواوُلان میللتیمزین ، فارس رژیمینین فاشیستجۀ سینۀ جینایلرینۀ سوُنسوز نیفرت لرلۀ شاهید اوُلوب ، قاتیلرۀ دائمن لعنت لر یاغدیریردیلار .

قتل عاملاری حئیاتا کئچیرن «شاه» قوُشونلارینین جانیلری اوُلسالاردا ، آنجاق هئرگاه دوُنیا ایمپریالیزمی نین هئرطرفلی مالی یاردیملاری ، آغیرسیلاحلاری ؤ مستشارلارینین گوُستریش لری اوُلماسئیدی ، بیرتعداد تریاکی ، أمنیۀ ، قوُرخاق شاه ژنراللاری میللی اوُردونون فداکار دوُویچولری ؤ فدائی لرینین عهُدۀ سیندن گئلۀ بیلمزدیلر .

بیرطرفدن آمئریکا ؤ اینگیلیس دوُولت لرینین مالی، تسلیحاتی ؤ ایش بیرلیگی ، دیگر طرفدن حیلۀگر قوام ألسلطنۀ ؤ روُس سفیری سادچیکوفون سیمنان نفتینۀ دائیر خائنانۀ ؤ سوُنوندا آلدادیجی اوُلان چیرکین سازیشلری اوُلماسئیدی یئنۀ دۀ  شاه قوُشونلاری ؤ یا بیرنئچۀ تهرانا قاچیب شاها سیغینمیش فئوُداللارین ؤأللری قانلی قوُدورموش لات لوُتلر حتا آذربایجانا آیاقدا قویا بیلمزدیلر.    

میللی دوُولتین یارانماسینا گئلدیکدۀ : آذربایجان میللتی نین قتل عام فاجیعۀ سیندن بوگوُنۀ قدر، 68 ایل بوُیونجا فارس راسیستلرینین قوراشدیردیق لاری بوُتون قوُندارما ؤایچی بوُش شایعۀ لرۀ ؤ ساختالاشدیریلمیش سناریوُ لارینا رغمن ، گرچئک حقیقت بودورکی :

1 ـ آذربایجاندا قوُروُلموش میللی دوُولت میللتیمیزین اوُز ایرادۀ سی ؤایستئگی ایلۀ اوُلموشدور، چؤنکی اوُنون کوُکلری مشروطۀ اینقلابی ، خیابانی قیامی چاقیندان ظوُلمۀ معروض قالمیش میللتیمیزین فیکریندۀ جوُجئریب ، کوُک سالیب ، اوُز میللی شعوروندان قایناقلانمیش میلیونلارلا أللری قابارلی زحمتکش اینسانلارین ایستگی ؤ طبیعی حاققی ایدی .

 2 ـ هئچ شئک یوُخدور کی ریضاخان دوُورونون سوُنا چاتماسی ؤ فاشیزمین مغلوبییتی ایلۀ بیرلیکدۀ دوُنیانین اوُگوُنکوُ شرایطی ؤ دئیشمئکدۀ اوُلان سیاسی ، ایجتیماعی سیماسین نظردۀ آلارساق ، آذربایجاندا ایسۀ میللی شعوُرون جوُشغوسو آزادلیق ـ قوُرتولوُش  پوُتانسیئلی نین گوُجلئنمۀ سی نتیجۀ دۀ ، 21 آذرقیامینین یارانماسیدا رئال بیر مسئلۀ ایدی یوُخسا میللی دوُولتین قورولماسی بیردن بیرۀ بیرگئجۀ دۀ یارانمیش بیر حادیثۀ دئیردی .

آیدین ئیر کی شرق دوُنیاسیندا أسیر میللت لرین آزادلیق ، قورتولوش حئرکت لری هئچ زاماندا نۀ یئرلی مرتجع دیکتاتورلارین ؤ نۀ دۀ دوُنیا  ایمپریالیزمینین خوُشونا گئلن مسئلۀ لردن اوُلمییب ؤ دئییر، اوُزللیکلۀ آذربایجان باشدا اوُلماقلا «ممالیک محروسۀ ایرانین» سیاسی ، ایقتصادی ، ژئوپوُلیتیک موُقعی ، یوُزایللر بوُیونجا دوُنیا غارتچی لرینین دیققت مرکزیندۀ اوُلوب ، خصوصی ایلۀ هیندوستان باشدا اوُلماقلا ، اوُرتا دوُغو مستعمرۀ لریندۀ اوُلان توُکنمزطبیعی ثروت منبع لری ؤ گئنیش بازارلار، بوُیوک نفت یاتاقلاری  دوُنیانین  قان دامارلارینا چئوریلمیشدیرکی هئلۀ دۀ داوام اتمئکدۀ دیر.                           

بو ؤ بیرچوُخ باشقا سببلری نظردۀ آلارساق ، 1324 ینچی ایلدۀ گوُنئی آذربایجاندا قوُروُلموش میللی دوُولتین وارلیغی ؤ اوُنون دموُکراتیک ایدۀ یالارینین باشقا قونشو میللت لرۀ اوُرنک اوُلماسین دئییۀ ، هئر بهانۀ ایلۀ اوُلوسا اوُلسون ، میللی دوُولتی آرادان قالدیرماقی اوُزلرینۀ هدف قرار وئریب ؤ بوُتون قارا قوُوۀ لری بومقصد یوُلوندا صفر براتمیشدیرلر .  

ریضاخان شاهلیقا منصوب اوُلدوقدان سوُنرا ،  اوُنا وئریلن ایلک مأمورییت لردن أن اوُنئملی سی ، قاجار توُرک دوُولتین لغواتمئکلۀ یاناشی ، راسیست آریاچیلیغی اساسیندا فارس دوُولتی قوُروب ، آذربایجان میللتین ، توُرک دیلی ایلۀ بیرلیکدۀ سیستماتیک ؤ تدریجن  محواتمئک میللتیمیزی اوُز میللی وارلیقیندان بوُتونلوکلۀ اوُزاقلاشدیریب آسیمیلۀ ائدیب  دیلین ، کوُلتورون دئیشدیریب ، فارس لاشدیرماق ، تهران حاکیمییتینۀ تابع اتمئک وظیفۀ سی ریضاخانا ؤ اوُنون راسیست ریجال لارینا وئریلمیشدیر.     

  بونا گوُرۀ دۀ 20 ایللیک ریضاخان ایقتداریندا بیرلئشن فارس سیستمین قوران فراماسوُن راسیست لر، پلانلی شئکیلدۀ  آذربایجانین أکینچیلیگین ، یئرآلتی سو منبع لرین قوُروُدوب محو امئکلۀ ، بوُل محصول وئرن توُرپاقلاریمیزی سوُنگو گوُجونۀ دایاناراق، قوراخ لیقا ؤ مخروبۀ یۀ چئویریردیلر، بودوُشمانچیلیغی میللتیمیز بوُتون وارلیغی ایلۀ  حیس ائدیب ؤ درک ائدیردی  . 

لاکین میللی دوُولتۀ وُرولان بوُلشویک لیک دامغاسینا گئلدیکدۀ ، مرحوم پیشۀ وری هئرشئیدن أوول آذربایجانلی ؤ توُرک اوُلدوقونا هئرزاماندا فخرائدرئک ، اوُزمیللتین سئون گرچئک بیرفدائی ایدی ، اوُمارکسیسم علمینۀ حوُرمت قوُیدوقو حالدا ، آنجاق گوُنئی آذربایجاندا بوُلشویک دوُولت قورماق نییتیندۀ دئییردی ؤ بونو دفعۀ لرلۀ دۀ آچیق آشکار بیان اتمیشدی .   

پیشۀ وری ؤ اوُنون همفیکیرلرینین قوردوقو میللی دوُلتین بوُیوک آماجی میللتیمیزی فارس أسارتیندن قورتاریب ، میللی دوُولت چئرچیوۀ سیندۀ اوُزسرنوشتینۀ حاکیم اتمئگ عقیدۀ سیندۀ ایدیلر ، بونو پیشۀ وری اوُزو دریندن دوُشونرئک دفعۀ لرلۀ بئلۀ دئمیشدی : میللی دوُولتیمیزآذربایجاندا مارکسیت دوُولت قوُرماق فیکریندۀ دئییر، حتی بوُتون ایراندا کمونیزم ایدۀ یاسینا دایالی دوُولت قورماق اوُلماز، چونکی بواوُلکۀ بیر موسلمان اوُلکۀ سی دیر، بوردا آنجاق دموُکراسی قایدالاری اساسیندا میللی دموکراتیک دوُولت یارادماق لازیم دیر.               

ؤ شاهید اوُلوب بیلدیگیمیز کیمی دۀ میللی دوُولت قوُرولدوقو زاماندا دموکراسی اساسیندا  کئندلردۀ شئهرلردۀ حئیاتا کئچیردیگی بوُیوک ایصلاحاتلار، اوُجوملۀ دن ایشسیزلرۀ ایش ایمکانی، خستۀ خانالار، اوُنیورسیتۀ ، ایلک رادیومرکزی، آنا دیلدۀ مدرسۀ لر، کئند لردۀ باشلانان أساسی توُرپاق ایصلاحاتلاری ، چئکیلئن یوُللار ؤ أن اؤنئملی سی آنا دیلیمیزین دیرچئلیشی ؤمختلیف ساحۀ لردۀ بیرچوُخ عملی ایشلرین گوُرولمۀ سی ایدی .

آنجاق قئید اوُلوندوقو کیمی سرعت لۀ گوُرولن ایشلرین هئچ بیریسی نۀ ایمپریالیست قوُوۀ لرین ؤ نۀ دۀ فارس راسیست ریجاللارینین ، غارتچی فئوداللارین خوُشونا گئلمۀ دن ، اوُز منافع لرین تهلیکۀ دۀ گوُروب ، آردیجیل اوُلاراق فاجیعۀ لی تخریباتلارا ؤ جینایت لرۀ أل آتیردیلار.   

چوُنکی آذربایجاندا یارانمیش میللی حاکیمییتین موُوفقییت لری ، هم اوُز میللتیمیزۀ ؤ همدۀ باشقا أسیرخالقلارا گوُستریردی کی هئرگاه بیر میللت اوُزسرنوشتینۀ حاکیم اوُلدوقو تقدیردۀ ، اوُ میللت اوُز ریفاهی ، آسایشی ، ترقیسی  یوُلوندا نۀ کیمی اعجاز کارایشلری گوُرمئگۀ قادیراوُلابیلر .     

بوگوُن بیز میللی دوُولتیمیزین 68 ینجی ایللیگین ، ائلۀ بیرشرایط دۀ یاد ائدیریک کی وطنیمیزدۀ باشلانمیش میللی قوُرتولوش حئرکاتیمیز چوُخ حساس پروسئسدۀ قرارتوُتوُب ، یوُزلرجۀ شرفلی ، غیرتلی آذربایجانلی فعاللاریمیزایمپریالیسمین یاراددیقی ایسلام رژیمی نین زیندانلاریندا جوُر بۀ جور روحی ، جیسمی اشکنجۀ لرۀ معروض قالماقادیرلار ، اوُ شرفلی اینسانلار میللتیمیزین شرف ؤ حئیثییتیندن ؤ توُرک وارلیقیمیزدان قهرمانجاسینا مدافعۀ اتمئکدۀ دیرلر، آذربایجان میللتی اوُزاوُلو قهرمانلارینین قارشیسندا باش ائییر.  

 بؤنا گوُرۀ دۀ میللتیمیز 21 آذر قیامی نین بیزۀ بخش اتدیگی معنوی ایرثـلرینۀ صاحیب چیخماق، اوُنو داها یئنیدن دیققتلۀ مرورائدیب، درئک ائدیب ، منیمسئیب آذربایجانچیلیق ؤ تورکچولوک مفکورۀ میزلۀ بیرلئشدیریب ، قارشیمیزدا اوُلان مجادیلۀ میزین یوُللارین ایشیقلاندیران بیرچیراغ  کیمی بئهرۀ لئنیب ، دیققتلۀ حئرکت اتمئلییک ، اوُنودمییاق کی بوُگوُنکو دوُشمان کئچمیش شاه رژیمیندن داها آرتیق قات ـ قات وحشی ؤ تهلیکلی دیر. پیشۀ وری کیمی بوُیوک اینسان ؤ فداکاررهبریمیزین ؤ اوُنون همفیکیرلرینین اوُلو خاطیرۀ لری هئرزاماندا اوُریی لریمیزدۀ یاشامالی دیر . پیشۀ وری  آذربایجان میللتی نین تکجۀ 20 ینجی عصرین رهبری یوُخ ، اوُنون بوُیوک آمالی بوگونوموزدۀ بئلۀ میللی حئرکاتیمزین یوُللارینا ایشیق سالیر  .

فارس راسیست لری بیرعصرۀ یاخین بیزیم میللتیمیزۀ (اجنبی پرست !؟) دامغاسی وُورما قدادیرلار ، بوبیرحالدادیرکی اوُزلری ایمپریالیزمین اصلی نوکرلری دیرلر!

مشروطۀ چاقیندان بو گوُنۀ قدرآذربایجان حاق عدالت یوُلوندا موجادیلۀ ائدن میللتیمیزی هئچ اوُتانیب حئیا اتمۀ دن ، روس فاشیزمینۀ ، ایندی ایسۀ آمئریکا و یا ایسرائیلۀ باغلییرلار ؟!  

بیرحالداکی فارس ریجاللاری   ایمپریالیزمین اصلی نوُکرلری اوُلموشلار.مهترریضاخانی اینگیلیس فراماسون تشکیلاتی ؤ Mi6 ارد شیرجی باچیلیغی ایلۀ ( سید ضیاء طباطبائی ، محمد علی فروغی) نین ویلۀ سی ایلۀ تربییۀ ائدیب ، شاهلیق مقامینا منصوب اتدیلر .

 اوغلو محمد ریضانی یئنۀ دۀ اینگیلیس لر ؤ باش فراماسوُن فروغی تربییۀ ائدیب ، ریضا خانین جانیشینی ائدیر .

آذربایجاندا میللی دوُولتی دئویرمئگ اوُچون ، تهران مرکزلی فارس راسیستلری ، آمئریکا ؤ اینگیلیس لرین پوُلو ایلۀ ، سیاسی ، نیظامی یاردیمیلارینا دایاناراق آذربایجانی میللتی ایلۀ بیرلیکدۀ قان گوُلوندۀ بوُغورلار . 28 مرداد کوُدتاسی یئنۀ دۀ آمئریکا ؤ اینگیلیس لرین بیرگۀ پلانلاری ؤ دوُلارلاری ایلۀ « ایرانی » ترک ائدیب قاچمیش محمد ریضانی بیر داها شاهلیق مقامینا منصوب ائدیرلر.

(بهمن اینقلابی) دئیلن بوُیوک حیلۀ گرلیگین پلانلارین آمئریکا ؤ اینگیلیس ایللرقاباقدان حاضیرلایب ، سوُنوندا خمئینی ؤ بیرسوُرو روضۀ خوان موُللا لاری فرانسانین گوُادلوپ آداسیندا مشوُرت جلسۀ سیندن سوُنرا محمد ریضانین جانیشینی اوُلاراق (اینقلابین رهبری!؟) آدلاندیریب ، طمطراقلی شئکیدۀ گئتیریب حاکیمییتۀ قوُندوردولار، بوُگون 35 ایللیک پروسئسدۀ ایسلام رژیمی نین ممالیک محروسۀ دۀ یاراددیقی تجاوزلار، اوُغورلوقلار، آردیجیل جینایتلر، 21 اینجی عصردۀ بشر تاریخی نین اوُز قاراسی اوُلاراق هئر کئسین گُؤزلری اوُنوندۀ دیر! ؟ ایندی گوُرئک فارس راسیست لری ؤ موُللا لاراجنبی لرین، ایمپریالیزمین ، صهیونیزمین أصلی نوکرلری دیرلر؟ یا مظلوم آذربایجان میللتی ؟؟    

                   آذربایجان آغلاماز ـــ  دوُشمانلارا یالوارماز.

                 یاشاسین آذربایجان ــ آذرخش ــ آذرآیی ــ 1392