کانادانین ونکووئر شهرینده یاشایان آذربایجانلیلار جمهوریت گونونو قئید ائدیب لر
آذوح: کانادانین ونکووئر شهرینین آذربایجانلی ایجماسینین عضولری مایین 28-ده آذربایجان دئموکراتیک جمهوریتینین 93-جو ایل دؤنومونو قئید ائدیبلر.
بو ایل ونکووئر شهرینین بلدیه باشقانی قرئقور روبئرتسون مایین 28-نی شهرده آذربایجانین میللی گونو اعلان ائتمیشدیر. مئرین ایمضالادیغی بیاننامهده آذربایجان دئموکراتیک جمهوریتینین دونیا تاریخینده ایلک دونیوی موسلمان پارلامئنتار جمهوریت اولدوغو، هر ایل دونیا آذربایجانلیلارینین مای آیینین 28-ده آذربایجانین میللی گونونو قئید ائتدیگی بیلدیریلیر.
تدبیره توپلاشان آذربایجانلیلار ونکووئر شهرینین مئری قرئقور روبئرتسونا مایین 28-نی آذربایجانین میللی گونو اعلان ائتدیگینه گؤره تشککورلرینی بیلدیریبلر. آذربایجان ایجماسینین عضولرینین سؤزلرینه گؤره، بیاننامه ونکووئر شهرینین مئرینین کانادانین حدودلاریندان کناردا آزادلیق و دئموکراتیایا دسته یینی نوماییش ائتدیریر.
تدبیر ایشتیراکچیلاری آذربایجان دئموکراتیک جمهوریتینین اساسیندا قورولدوغو فوندامئنتال ایدئیالار و پرینسیپلره صادق قالدیقلارینی دا بیلدیریبلر. تدبیرده”آذربایجان دئموکراتیک جمهوریتی! بیز سنین ده یه رلرینه صادق قالیریق” مضمونلو پلاکارتلار قویولوب.
یوتیوب ویدیو: http://www.youtube.com/watch?v=sOx1Cm2iEvs
قايناق: آمريكانين سسي