SƏNADA 15 NƏFƏR ÖLÜB
AZOH: Yəməndə paytaxt Səna yaxınlığındakı atışmalarda 15 nəfər ölüb.
Seyx Sadıq Əl Əhmədin lideri olduğu Haşid əşirətinə mənsub yüzlərlə insan paytaxta yürüş etmək istəyib.
Şəhərin şimalındakı Hassabada təhlükəsizlik qüvvələrinin əşirət üzvlərinə mane olmaq istəməsiylə toqquşmalar başlayıb.
Çox sayda da yaralının olduğu paytaxtda hava limanı bağlanıb.
Yəmənin cənubundakı Taiz şəhərindən də toqquşma xəbərləri gəlir.
Prezident Əli Abdulla Saleh 33 illik iqtidarına qarşı 3 aydır davam edən nümayişlər qarşısında üç dəfə müxalifətlə anlaşma sözü verb, ancaq üçündə də son anda geri çəkilib. Ən son şənbə günü əldə edildiyi bildirilən atəşkəsə də nə hökumət, nə də müxalifət əməl edib. Mart ayından bəri silahlı atışmaların yaşandığı aksiyalarda 200-ə yaxın insan ölüb.
TRT