English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

هئر یوخوشون بیر ائنیشی دۀ وار- آذرخش

سئید علی حسینی ( خامنۀ ای) سوُنوندا سرطان خستۀ لیگی نئدنیلۀ چارۀ سیز قالیب خستۀ خانادا یاتماقا ؤ جرّاحلیق عملییاتینا تسلیم اوُلماق مجبورییتیندۀ قالدی .

دئیلئن لرۀ گوُرۀ  یاریم جراحلیق اوُلونموشدور ! نییۀ ؟ بو سئوالا متخصیص جراح حکیم لرداها دوُزگون ، دوُغرو ؤ علمی جاواب وئرۀ بیلرلر، آمما رئاللیق بو دورکی ، گوُردویوموزۀ ، ائشیددیمیزۀ گوُرۀ  اوُ زامانکی خستۀ لیگ حددیندن آرتیق ایرۀ لی لئمیش اوُلسا ، اوُ زامان عملییات دایاندیریلار  چوُنکی توُمورو أللئشدیردیکجۀ داها آرتیق رُشد ائدیب سرعت لۀ بدنین هئر یئرینۀ سرایت ائدر.

ماراقلی بودورکی رهبردئیلن خستۀ نین هئلۀ یاریم نفسی وارکن ، اوُنون یئرین توتماق ایستۀ ینلرین آرالاریندا گیزلی ، آنجاق قیزقین رقابت لرباشلانمیشدیر! اوُختاپوس لار ، مافیا باشچیلاری هئربیری قوُدرتی ألۀ کئچیرمئگ هدفی ایلۀ گروپ لاشماغا ؤ دستۀ بند لیگلرۀ باشلامیشلار، آج قوردلارکیمی بیربیرلرینۀ دیشلرین گوُستره ن موُللالار، سئید علی نین یئرین توُتماق اوُچون گیزلی ، آشکار توطئۀ لر قوروب یاریشیرلار!   

رژیمین چئورۀ سیندۀ اوُلانلاردان باشقا ، اوُنون خاریج اوُلکۀ لردۀ اوُلان تبلیغاتچی قوُیروقلاری 35 ایل گیزلیجۀ رژیم لۀ ایش بیرلیگی ائدن پان ایرانیست لر، تاجیرلر، سیلاح ؤ تکنولوُزی قاچاقچی دللال لاری ، دولار قیزیل دللا لاری ، فرَش تاجیرلری ، نارکوتیک تاجیرلری ؤ رژیمین جوُر بۀ جوُرمافیا ماشالاریدا سرسم لئشمئکدۀ دیرلر.

بونلاردان باشقا تروریست لرین رهبرینین شیددتلی خستۀ لیگی اوُزۀ چیخیب یاییلدیقی گوُندن قان اوُستوندۀ قورولموش رژیمین پایالارینا زلزلۀ دوُشن کیمی باشدان آیاقا تیترۀ مئگۀ ؤ ایچدن سارسیلماغا باشلامیشدیر.

أللری قانلی قاتیللری ، اوُغرولاری وحشت ، قورخو بوُروموشدور. بیرگئجۀ دۀ وزیر ، وکیل ، سردارسپاه ، فرماندۀ اوُلانلارین جانلارینا اوُد دوُشموشدور،هئر بیری لری یاخین گئلۀجئکدۀ باشلارینا نئلرین گئلئجئگینین عاقبتین دوُشونموئکدۀ دیرلر!

اینسانلیق مفهوموندان اوُزاق اوُلانلار ، هئچ اوُلمییان ویجدانلارین آیاق آلتینا قوُیوب یازیق چارۀ سیز اینسانلارا قارشی اتدیکلری جینایت لرین ، تجاوزلارین، اوُغورلوق لارین ، ظوُلملرین جاوابین خالق محکمۀ سیندۀ نئجۀ وئرۀ جئکلرین حتی بئلۀ دوُشونۀ دۀ بیلمۀ دیکلری حالدا ، آنجاق ایندی دوُشونمئک مجبورییتیندۀ دیرلر؟ !

بو حساس پروسئسدۀ گوُنئی آذربایجان میللتی هئر زاماندان داها آرتیق آییق ساییق اوُلوب وطنیمیزین، میللتیمیزین گئلۀ جئک منافعین دوُشونرئک ، داها آرتیق سیخلاشیب بیرلئشیب ، حاضیرلیقدا اوُلمالی دیرلار. چوُنکی قارانلیق گئجۀ نین سوُنو آیدینلیق دیر، گئلۀ جئک بیزیم دیر. یاشاسین بیرلیک ، یاشاسین آذربایجان .

                                  آذرخش ــ 11 / 9 / 2014   

  

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter