AZOH: Pakistanda Əfqanıstan sərhədinə yaxın bölgədə təhlükəsizlik qüvvələri ilə militanlar arasındakı toqquşmada 67 nəfər ölüb.

Pakistan rəsmiləri Dir bölgəsindəki atışmalarda ölənlərdən 40-nın terrorçu olduğunu bildiriblər.

Rəsmilər ölkənin şimal-qərbindəki bölgədə nəzarətin tamamilə təhlükəsizlik qüvvələrinə keçdiyini qeyd ediblər.

Qeyd edək ki, bölgədə atışmalar 200-ə yaxın terrorçunun çərşənbə günü Əfqanıstan sərhədindən ölkəyə girərək bir nəzarət məntəqəsinə hücum etməsiylə başlayıb.

Dir bölgəsindəki bu olaylardan sonra Pakistanın yüksək vəzifəli rəsmilərindən biri Şimali Vəziristanda əməliyyat başlatmaq kimi bir planlarının olmadığını açıqlayıb.

Şimali Vəziristan qonşu Əfqanıstandakı NATO qüvvələrinə hücum edən militanların gizləndiyi bölgə kimi tanınır.

TRT