بالاجا بير رنگلري  قفسده ايكي جينقلي "فنج" قوشوم وارايدي. گؤزل و ياراشيقلي و قورولوشلي. خوش خوش اوخويوب آدامي لذت وئريرديلر. بير ايكي دفعه ايسته ميشديم اونلاري آزاد ائليم آمما اولماميشدير.

عادت ائلمك چوخ پيس درددير. ايسه بو باهانا اولماميش قوشاريمي آزاد ائليم، قوشچولاردان سوروشموشدوم من بونلاري آزاد ائله سم نه اولار:

-          اونلارين ياشايش يئرلري بورا دير، اؤلرلر،قوشچولاردئميشدي.

تئزليكده دام و دوواردا بير قره قارقا تاپيلميشدي. گلير بيزيم دووار اوسته اوتوروب و منيم جينقلي "فنج"لريمه باخاردي.

اوشاقلار بو قارقادان يليك اولون، بونون بوردا اولماسي سبب سيز دير،من دئميشديم.

"فنج"لريم اوز ديللرينده دانيشيب و اوخويارديللار، اونلارين قاباقين آلان يوخدور.اونلارا قانون قويان يوخدور، كيمسه اونلارا سئپاراتيست دئميزدي.

گونلر كليب و گئديرديلر،من اوز ديليمده و "فنج"لريم اوزديللرينده بير بيريميزله دانيشيب و ياخچي آنلاشارديق،باشقاليق بيزيم آرادا يوخودور.

آمان گئجلرين الينن، قارانليقلارين الينن، هر بلايا دوشموشك بو گئجلردندير.

بير گون صوبح يوخودان قالخيب و گؤردوم گوندكيلر كيمي "فنج"لريم اوخومور، قفسين ديبينده آز قان واردي،هولسك دانيشماقان باشلاديم، قوشلاريمنان جاواب اولمادي. ديقتلشديم ، قوشلاريمين ديلي آغزيندا يوخودور، قره قارقا ايشين گؤرموشدور.