AZOH: Xama şəhərində etirazçılara hökumət qüvvələri tərəfindən açılmış atəş əticəsində 60-dan artıq adam öldürülüb. Çox sayda xəsarət alan var.

Cümə günü 11 həftə ərzində davam edən Suriya üsyanının ən qanlı gününə çevrilib, deyilir BBC müxbirinin təhlilində.

Jim Muir yazır ki, Bəşər Əsəd rejimi etirazların qarşısını zor gücü ilə almaq iqtidarında deyil, eyni zamanda məsələnin dinc yolla həllinə dair imkanlar cüzidir.

Müxalifət “xalq qanını” tökən prezidentlə danışmaqdan imtina edərək onun istefasını tələb edir.

Cümə axşamı mövzunu şərh edən Amerikanın dövlət katibi Suriya rəhbərliyini sərt tənqid edib.

Hillary Clinton deyib ki, Bəşər Əsədin hakimiyyətdə qalmağının legitim əsası demək olar ki, "artıq dükənib".

Ötən həftə hökumət Əsəd siyasi məhbusların bir hissəsini azad edib, hərçənd ki, minlərlə adam hələ də dəmir barmaqlıqlar arxasında qalmaqdadır və həbslər davam edir.

Suriyadakı qarışıqlıqlarda 1000-dən artıq adamın öldürüldüyü güman edilir, hərçənd ki, xarici mətbuata qoyulan qadağa ilə bağlı bu ölkədən daxil olan məlumatları alternativ mənbədən yoxlamaq mümkün olmur.

BBC