English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

مشروطۀ اینقلابی اوُمت لیک ، رعییت لیک دن میللت لئشمۀ یۀ گئدن یوُللار( اوُچونجو بوُلوم )- آذرخش

بو سیلسیلۀ مقالۀ دۀ مشروطۀ اینقلابی چاغیندا آرازین اوُتاییندان گئلیب اینقلابدا ایشتراک ائدن ؤطنداشلاریمیزین نقشینۀ و اوُنلارین صمیمی فداکارلیق ؤ گوُستریش لریندن کئسینلیکلۀ یاد اتمئلییک ، بونا گوُرۀ دۀ گئلن بوُلوملردۀ اوُ بوُیوک اینسانلاری عکس لری ایلۀ بیرلیکدۀ یاد ائدۀ جئییک ، چوُنکی آذربایجان میللتی اوُز شرفلی بوُیوک اینسانلارین هئچ زامان اوُنودمازلار.

             کئچمیشین بیلمۀ ین میللت ، گئلۀ جئین تعیین ائدۀ بیلمز.

توُرکمان چای معاهیدۀ سیندن قاباق ایللردۀ ، هئلۀ آرادا هئچ بیر سرحد ، سینیر یوُخ ایکن، آذربایجانلیلار واحید بیر اوُلکۀ نین اهالیسی اوُلاراق طبیعی شئکیلدۀ اوُز آنا ؤطنلرینین ایستۀ دیکلری شئهرؤ کئند لرینۀ ؤ بوتون بوُلگۀ لرۀ آزاد سربست اوُلاراق. اقربالارینین گوُروشونۀ ؤ یا ، چالیشماق ، آلیش وئریش ، تیجارت ، بعضن دۀ تحصیل هدفی ایلۀ گئت گئل ائدیب ، حتی روسییۀ ؤ اوُرادان آوروپا اوُلکۀ لرینۀ دۀ سفرلرائدیردیلر، ألبتۀ کی اوُ گئت گئللر نتیجۀ سیندۀ دوُنیانین اینکیشاف تامیش شئهرلری ، آوروپا میللت لرینین حئیات سئوییۀ سی ، یئنی ؤ چئشیدلی سیاسی ، ایجتیماعی ، فرهنگی کوُلتور ؤ عنعنۀ لری ایلۀ دۀ تانیش اوُلوب ، ؤطنۀ گئلدیکدۀ اوُزائل اوُبالاریندا، شئهر ؤ کئند لریندۀ ظوُلم، جهالت جیناغیندا یاشییان اینسانلارا گوُردوکلریندن ، اوُیره ن دیکلریندن دانیشیب ، خالقی اوُیاندیرماقا جهد گوُستریردیلر.

معاهیدۀ دن اوُن ایللرسوُنرادا همان گئت گئللر، ایرتیباط لار داوام اتسۀ دۀ ، آنجاق زامان ـ زامان روُس تزار حاکیمییتی طرفیندن اوُنلارا چئتینلیکلر ؤ بعضن دۀ مانع لر توُرۀ دیلیردی ، نتیجۀ دۀ گئت گئللر یاواش ـ یاواش محدودلاشماقا باشلییر ، آنجاق بیرچوُخ اینسانلار أغربالارین گوُرمئگ اوُچون بعضن دۀ بیلۀ سووار ، موُغان ؤ باشقا قاچاق یوُللاردان گئدیب گئلیردیلر، بئلۀ لیکلۀ دۀ روس ایمپریاسی قوُزئی ـ گونئییۀ بوُلونموش آذربایجانی "روُس مالییۀ ؤزیری" ( ت . أ . کانکرین ) نین گوُستریشی ایلۀ چوُخدان آذربایجانی  اوُزموستعمرۀ سینۀ چئویرمیشدی ؤ بئلۀ لیکلۀ دۀ  قوُزئی ـ گوُنئی آراسیندا  آیری سئچگیلیگ سیاستی نین چهرۀ سی قاباری شئکیلدۀ اوُزون گوُستریردی.

سوُنرالارقوُزئیدن، گوُنئییۀ قاییدیب گئلنلری آیری سئچگیلیک هدفی ایلۀ بیرمعنالی اوُلاراق مهاجیرلر  آدلاندیریرلار! آنجاق ؤطنین اوُتاییندان بو تایینا قاییدیب گئلئنلراوُزلری ایلۀ بیرلیکدۀ آزادلیق مفوُرۀ سی ایلۀ دوُنیادا باش وئرمیش دئیشیک لیکلردن دانیشیب ؤ همدۀ آنا دیلیمیز آذربایجان توُرکجۀ سیندۀ یازیلمیش بعضی شعرکیتابلاری ویا حئکایۀ لر کیتابلارین گئتیریب  توُپلومون ألینۀ چاتدیریب ،  اوُنلارا حاکیم اوُلان ایستیبدادین ماهییتی نین نۀ اوُلدوقون ؤ آزادلیقین ،  خاصییت لری حاققیندا یئنی معلومات لارلا تانیش اوُلمالارینا  داها آرتیق یاردیم ائدیردیلر .         

بواثرلرین خالقین ألینۀ چاتیب ؤ یا اوُ زامانین آدینلاری وسیلۀ سی ایلۀ ائولردۀ ، توُپلوملاردا اوُخونماسی گئریجی ،  موُرتجع شریعتچیلرین ، ظالیم  فئوداللارین هئچدۀ خوُشلارینا  گئلن سوُزلر دئییردی ؤ حتی بعضن تام سَرت شئکیلدۀ اوُنون اوُخونماسین کفر، لامذهبلیک آدلاندیریب ، یاساق ائدیردیلر.

بو سبب لرۀ گوُرۀ آذربایجان میللتی نین یوُزلرجۀ آیدین، داهی اینسانلاری اوُلدوقو حالدا ، آنجاق ممالیک محروسۀ نین جنوب بوُلگۀ لریندۀ یاشییان ، عرب ، فارس ، لرُ، بلوُچ خالقلاری هم ساواد سیزلیق ؤ همدۀ توُرک دیلین بیلمۀ دیکلرینۀ گوُرۀ ، بئلۀ بوُیوک نعمت لر دن ؤ داهی اینسانلارین اثرلریندۀ یازیلمیش حقیقت لری نۀ اوُخوماقا ساوادلاری واریدی ، نۀ دۀ اوُخوسالاردا بئلۀ جهالت نئدنیلۀ اوُنون مفهومون ، معناسین اوُلدوقو کیمی درک ائدۀ بیلمیردیلر.  

چوُنکی گئریدۀ ساخلانمیش بوُلگۀ لردۀ ایستۀ دیکجۀ موللا لارین مرثیۀ کیتابلاری ، آیت الکوُرسی  مجتهیدلرین، روضۀ خوانلارین، فال بین لرین ، جادگرلرین جفنگییات لاری شیفاهی شئکیلدۀ مسجید لردۀ روضۀ خوانلیق لاردا اوُیدوروجو موعضۀ لرینۀ قوُلاق آسیب ، تاسوعا ، عاشورا  گوُنلریندۀ باشلارینا سامان توُکوب پالچیق یاخیب ، اوُزلرین تاپدییب ؤ هئچ بیلمۀ دیکلری نئدنلر اوُچون ، زار ـ زار آغلییردیلار! ائلۀ بوردا دیرکی صابیر دئییر: آغلاماق کیشینی غئیرت سیز ائدر، نئجۀ کی آغلادی ایران اوُلدو.   

روُسییۀ ؤ عثمانلیدا باشلانمیش کوُتلوی حئرکت لرین آیری ـ آیری ایئولوژولاری اوُلسئیدی دا، آنجاق بیرنقطۀ دۀ مشترک هدف لری وارایدی ، اوُهدف قورتولوش ، آزادلیق ،جهالتۀ سوُن قویماق، توپلومو دیسپوت تزارایمپریا سینین ؤعثمانلی سلطانلارینین جیناغیندان قورتارماق، دموکراتیک لائیک حاکیمییت قوروب دوُولتی خالقین اوُز ألینۀ تاپشیرماق ایدی، بوعقیدۀ ؤ هدف همان دوُراندا هم روُس  میللتی ؤ همدۀ گئنج توُرکلرین باشدا گئلن هدف لریندن ایدی .

بئلۀ لیکلۀ باشلانماقدا اوُلان رئنسانس یا( یئنیدن دوُغوش) پروسئسی توُپلومولاری عصرلرین قارانلیق جهالت دوُوروندن قورتارماق ، جامعۀ دۀ  یئنی دوُزن قوُرماق، اینسانلاری خرُافاتدان ، شریعت چیلرین اوُمت ، رعیت زنجیرلریندن خیلاص ائدیب  میللت لئشمۀ یۀ دوُغرو یولون آچیلماق ایدی . بودا جامعه نین اساسی نین دئیشمۀ سی ؤ دموکراتیک قانونلارین حئیاتا کئچیریلمۀ سی ایلۀ مومکون اوُلا بیلردی .     

روُسیۀ دۀ 1905 ینجی ایلدۀ باشلانان اینقلاب بیرسیرا نئدنلرۀ گوُرۀ مغلوب اوُلور، ؤ اوُن مینلرلۀ اینسانلارین قانی توُکوُلور، آنجاق موجادیلۀ ترک ائدیلمۀ دن ، یئنی دن ؤ گیزلی ؤ بعضن دۀ آشکار شئکیلدۀ داوام ائدیر.  روس اینقلابی ایلۀ همزامان اوُلان مشروطۀ اینقلابی، آیری ـ ایری ایدۀ ئولوُزیلاری اوُسئیدی دۀ هئر ایکیسی دیسپوتیزمۀ قارشی اوُلدوقونا گوُرۀ فیکیری باخیمدان بیر بیر لریندن ایلهام آلیردیلار، باکی شئهری نفت معدنلرینین مرکزی اوُلماقلا ، گوُنئیدن گئدیب نفت معدنلریندۀ چالیشان ایشچیلرین بوُیوک تعدادین گوُنئیلی لر تشکیل وئرمئکدۀ ایدیلر.       

بوسببدن 1905 روس اینقلابی مغلوبییتۀ اوُغردیقدان سوُنرا موبارزۀ داوام ائدرئکن ، گیزلیدۀ  آشکاردا چئشیدلی پارتیلر قوُروب فعالییت گوُستریردیلر،اوُنلاردان أن اوُنئملیسی باکیدا قوُرولان  (سوسیال دموکرات پارتیسی)ایدی کی اوُندان ایلهام آلیب گوُنیدۀ تبریزدۀ قورولان شعبۀ سی ایجتماعیون عامیون یا (مرکزغیبی)آدلی اینقلابی تشکیلات ایدی ؤعلی مسیو باشدا اوُلماقلا ستارخان  باقرخان ، حئیدر عمواغلو، بشیرقاسی اوف ، حسین سرابی ، سوچی میرزۀ ، قارا داداش ، رسول صدقیانی، حاج علی درمان ساتان (دوافروش) ؤچوُخ سایدا دموکرات ، آذربایجان قاباجیللارینین   بیرلیگی ، همفکیرلیکلری ایلۀ قوُرولوب فعالییت ائدیردیلر.

 مرکزغیبی نین اینقلابی فعالییت لری محمدعلی شاه ؤ اوُنون آرخاسیندا دوُران دوُشمان لارینا ؤ روس ، اینگیلیس ایمپریالیست لرینین توُطئۀ لرینۀ ؤ جینایتلرینۀ قارشی موجادیلۀ اتمئکلۀ یاناشی آذربایجان توُپلومونون اوُیانیشی  یوُلوندا تام جیددیت لۀ داوام ائدیردی اوُمت لیگی ، رعیت لیگی آددیم آددم آرخادا قوُیوب، میللت لئشمۀ پروسئسی عملی شئکیلدۀ گوُن بۀ گوُن اینکیشاف تاپیردی.  

اوُچونجو بوُلومون سوُنو ـ آردی گئن بوُلومدۀ . آذرخش ــ 6 / 10 / 2014

(پیش بینی "جلیل محمد قلی زاده" بنیان گذارروزنامه « مولا نصرالدین» در شماره 25  سال 1908 ) اگربا این نیروی مخرب جامعه و تاریخ کهن ( یعنی روحانیون) تسویه حساب نشود ، خواه انقلاب مشروطه بشود یا نشود ، این میکروبها میمانند ، و من میترسم در آینده  نزدیکی چشم بازکنید و ببینید ، هشت صد مولا یکجا خلق شده ، مولا همه امور مملکت را بدست گرفته، همه ثروت شما  را برباد داده، شما را به امان خدا سپرده ، و افسارتان را به بیگانگان رها کرده !!!

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter