English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

Amnesty International Təbrizli hüquq müdafiəçisinin azadlığını tələb edir

Amnesty International 4 aydır Tehranın Evin həbsxanasında nəzarətdə saxlanılan təbrizli hüquq müdafiəçisi və uşaq haqları fəalı Səid Şirzad haqqında bəyanat yayaraq onu vicdan məhbusu adlandırıb və qeyd-şərtsiz azad edilməsini tələb edib.

Beynəlxalq qurumun bəyanatında yazılanlara görə, Səid Şirzad ötən iyun ayının 2-də Təbrizdəki iş yerində İranın təhlükəsizlik qüvvələri tərəfindən tutulub və daha sonra Tehranın Evin həbsxanasına göndərilib.

Hüquq müdafiəçisi Səid Şirzad siyasi məhbuslar və onların ailələri ilə təmas qurmaq, habelə Birləşmiş Millətlər Təşkilatının İranda insan haqları üzrə xüsusi nümayəndəsinin ofisi ilə əməkdaşlıq etməkdə günahlandırılıb. O, bir vicdan məhbusudur və sadəcə insan haqları üzrə apardığı dinc fəaliyyətlər üzündən nəzarət altına alınıb.

Amnesty International

Təbrizli fəalın insan haqlarına dair dinc fəaliyyətləri səbəbilə həbs edildiyini vurğulayan Amnesty International onun vəkillə təmin olunmadığını önə çəkib.

“Hüquq müdafiəçisi Səid Şirzad siyasi məhbuslar və onların ailələri ilə təmas qurmaq, habelə Birləşmiş Millətlər Təşkilatının İranda insan haqları üzrə xüsusi nümayəndəsinin ofisi ilə əməkdaşlıq etməkdə günahlandırılıb. O, bir vicdan məhbusudur və sadəcə insan haqları üzrə apardığı dinc fəaliyyətlər səbəbilə nəzarət altına alınıb,” deyə sənəddə qeyd edilib.

Təcili tədbir görülməsinə çağıran bəyanatda təbrizli fəal küçələrdə yaşayan və işləyən uşaqları müdafiə cəmiyyətinin fəal üzvü kimi təqdim edilib.

Səid Şirzad keçmişdə də həbs və mühakiməyə məruz qalıb. O, 2012-ci ilin avqustunda İran Azərbaycanının Qaradağ bölgəsində baş verən faciəvi zəlzələdən sonra əhaliyə yardım aparmaq məqsədi ilə bölgəyə getdiyi zaman bir neçə digər fəalla bərabər həbs edilərək 19 gün nəzarətdə saxlanmışdı.

Hüquq müdafiəçisi daha sonra mühakimə edilərək bir il şərti həbsə məhkum olub.

Amnesty International insan haqları fəallarını Səid Şirzadın durumu ilə bağlı İran rəsmilərinə məktub yazaraq onun dərhal və qeyd-şərtsiz azadlığını tələb etməyə çağırır.

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter