English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

24 مهــر ضعیف چیخیشینا بیر باخیش و گلجه ییمیز ( 1 جی بؤلوم ) - گونئی آزربایجان میلی موستقیل فعالار طیفی

هر شئیدن اؤنجه بیر جومله نی وورقولامالییک " مدنی توپلومدا ائلشدیری تخریب دئیل ، گلجه یه ایشیق ساچماقدیر . "

سون گونلرده اورتادوغودا گئدن اویونلارین نتیجه سینده گونئی آزربایجانین باتی بؤلگه سینده بیر سیرا خوشا گلمز اولایلار باش وئرمیشدیر .

ایران فارس حاکمیتی سوریه ده یاشانان اولایلاردان قایغی دویارکن بیر آووج تروریانلی کوردلری " #اورمو " شهرینده قیشقرتماقلا آزربایجان تورکلرینه حقارت و تورکیه دولتینه گؤزداغی سیاستینی ایزلمیشدیر .

بوتون اولان بیتن بو چیرکین حرکتلر ، غیرتلی آزربایجان تورکلرینده نفرتله دولو انرژیه سبب اولموشدور . کئچیردیگیمیز سون گونلرین تپکیلرینه باخیرساق آزربایجانلی لارین قیزقین رئاکسیالارینی گؤره بیلیریک .

24 مهــر چاغریشی هاردان و هانسی نیتله چیخدی :

باخیشیمیزا گؤره ، سون گونلرده سؤزده کوردلرین اؤزده ایران طرفیندن یؤنلندیریلمیش و مساعده ائدیلمیش آکسیاچیلارین تپکیسینی اؤنله یجک و گوجونو آزاتیلاجاق شکیلده کنترل ائتمک اوچون ، 4 – 5 گونون ایچینده وئریلن چاغریدان داها یاخشی بیر پلان گؤروله بیلینمزدیر .

ایچیمیزدن اولان بعضی لری مالاسف بو چاغریشی نه قدر اوستلنمه یه ، مصادره ائتمه یه چالیشسالاردا آنجاق هامیمیزا آیدیندیر کی ، بو چاغریشین اصیل قایناقی چوخ شوبهه لی حرکت ائدن بیر فیسبوک صحیفه سی دیر . بیر صحیفه نی دوشونون کی کئچمیشده شیعی ، سنی ساواش سیاستینی ایزلمیش ، ایران قدس اردوسو باشقانی قاسم سلیمانینی بیر قورتاریجی لیدر کیمی گؤسترمیش و حتی اوتانمادان آچیق آچیق " اولوم اولسون تورکیه " شعاریندان بئله چکینممیشدیر .

یانی سؤزون تام آنلامیندا دئمک اولار ، کوردلری قیشقیرتیب خیاوانا چیخاران ایران دولتی ، تورکلرین اؤفکه سینی بؤیومدن کنترل ائتمه نیتی ایله بیزه چیخین امرینی وئرمیشدیر .

بو آرادا بعضی سیاستدن آزقین و استراتژینی آنلامایان دوسلار سانکی آزربایجان سپاهیلری و استانداری یئتکیلری ائلیمیزه آرخا دوراجاق دیه یئشیل ایشیق گؤستریب و #24مهر اولایندا اونلار ایله بیرگه بیر توپلانتی یاچاجاقدیر دیه بیزیم توتوموموزو، ائلشدیرمه یه قاخمیش دیرلار . بعضی دوسلار حتی بئله بیزه قارشی خائن کلمه سینی ایشلتمکدن قاچینمایاراق ، " بیلدیرینی کیم وئریب وئریب دا ، داش آتمایین ، سپاهدا وئرسه چیخاجه ییک بوش بوش سؤزلرله پوپولیست سیاستینی بوغازلارا تؤکمکدن چکینمه میشدیر ."

آنجاق 24 مهرین گؤستردیگی سونوجو و اؤزوموزو آلداتمادان ضعیف چیخیشی قبول ائدرسه ک یاپیلان یانلیش توتومولار داها آرتیق آنلاشیلاجاقدیر .

حاکمیت هر شئیی تمامیله اؤن گؤرموشدور ، نه کی سپاه ، بسیج و حزب الله بیزه آرخا دورمادی ، نه کی عوامفریبلر دئدیگی کیمی استانداری یاشیل ایشیق گؤسترمه میشدیر بلکه حاکمیت میلتی سرکوب ائتمه یه تام حاضیر چیخمیشدیر و نتیجه ده باش توتمایان گؤرکملی بیر آکسیادا بیر نئچه دوستوموزدا آجیماسیز شکیلده توتولوب و دؤیولموشدور .

آردی وار .......

طیف مستقل آزربایجان - Gamt

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter