English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

24 مهر ضعیف چیخیشینا بیر باخیش و گلجه ییمیز ( 2 جی بؤلوم ) -« گونئی آزربایجان میلی موستقیل فعالار طیفی »

ندن تروریسمه قارشی چیخیشینا مطلقا رسمی مجوز آلماقی اؤنجول شرط کیمی دیله گتیرمیشدیک ؟

24 مهر شوبهه لی چاغریشیندان سونرا صحیفه میزده فارس دیلینده یازیلمیش بیر یازیدا ( * ) موستقل طیفین باخیشینی آنلاتاراق سونوندا بئله بیر چاغریشین اؤنجول شرطینی غربی آزربایجان استانداری سیندن رسمی مجوز آلماسینی اؤنرمیشدیک .

باشاریسیز آکسیون کئچیردیکدن سونرا دئمک اولار کی بیزیمله فیکیر بیر اولاجاقسیز کی ندن بئله بیر شرطی اؤن گؤرموشدوک ، اگر سه جایدیریجی دئیل گرچکدن بیر قوروپ میلی فعال مسؤلیتی بوینونا آلیب و استانداریه مراجعت ائتمیش اولسایدیلار و جواب منفی اولونسایدی او زامان میلی حرکتیمیز سیاسی اولاراق چوخلو قازانجلار الده ائتمیش اولوردو و همچنین میلتیمیز چیخیشیا تام حاضیرلیقلی گئتمیش اولاردی ( واقتی دئیشمک و هابئله باشقا اؤنلملر اولوردو ) و همده ایران حاکیمیتینین ایچ اوزونو هزینه وئرمدن اؤنجه رسمی اولاراق دونیایا گؤسترمیش اولونوردو . باشقا بیر گؤتوردویوموز منفعت ، کوردلرین چیخیشیندا ایرانین الی اولدوغونو میلتیمیزه آنلاتماق اولوردو ، و ها بئله ایرانین ایزلدیگی و قایغی ائتدیگی ان بؤیوک مسئله تروریسمه قارشی دئیل بلکه کورد تروریسمینه حمایت ائتمک و بشاراسدی قوروماقلا تورکیه نی سوچلاماقی اثبات ائتمیش اولوردوق .

گلجک چاغریشلاردا دوغرو توتوموموز نه اولا بیلر ؟

24 مهر کیمی یانلیش توتوملار حرکتیمیزین کئچمیشینده آز اولمامیشدیر . تاسف له بعضی قوروم لار هله کی وار ، مصادره فرهنگی و تمامیت طلبلیک حیسینی یوروتمکده قرارلی گؤرونورلر . حرکتیمیزین اونورو ایله اویناماق نه تکجه سوچ سایلمیر بلکه بیر ایفتیخار کیمی قلمه وئریلیر .

باشاریسیز بیر آکسیون شیشیرتیلیر و حتی بئله باشقالاری وئرن چاغریشی اؤز آدلارینا چیخاراق تبریک ! مئساژلاری یایینلانیر آما مالاسف گرچکلر بونو یانسیتمیر .

نظره گلیر کی میلی منفعتلر چرچیوسینده گلجک چاغریشلاردا بیر چوخ مسئله گؤزدن کئچیریلملی دیر ، اؤزباشینالیق فرهنگینه سون وئریلملیدیر ، پرنسیپلی و قاپسایجی لیقق فاکتورو نظرده آلینمالیدیر ، احساسی حرکتلردن اوزاق دورولمالیدیر ، چاغریشین قایناقی امین و میلی قوروملار اولمالیدیر ، هر شئی خیاوان و آکسیوندی دوشونجه سیندن واز گئچیلملی و گرچکلشه بیلیر و اؤنملی زامانلاردا چاغریش وئریلملیدیر ، بیه نمدیگینیز قوروملار ایله ده مشورت ائدیلمه لیدیر و مطلقا منیت چیلیک و مصادره چیلیک فرهنگینه سون وئریلملی دیر .

اوماریق کی داهی آرتیق حرکتیمیزین اونورو ایله اوینانیلماسین .

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter