English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

ایران موُللا رژیمی نین گئریجی آنا یاساسی ؤ میللت لرین حقوُقو- آذرخش

ایران دئیلن یئردۀ 36 ایل اوُ دهشتلی قانلی قیرقینلی اینقلابدان کئچمئکدۀ دیر ، همان چاغدان  بوگوُنۀ قئدرداوام ائدن فلاکت ایللریندۀ ایران مللت لرینۀ تحمیل اوُلونموش ایسلام رژیمی ایلک قوُرولدوقو گوُندن گئریجی شریعت قایدالای اساسیندا اینسانلارین دینی اینانجلاریندان سوء ایستیفادۀ اتمئکلۀ ، هدۀ قوُرخو ؤ سیلاح گوُجو ایلۀ پاریس دۀ دیکتۀ اوُلونوب گیزلی دۀ یازیلمیش " آنا یاسا ـ قانون اساسی" عنوانی ایلۀ بیردفترچۀ یازیب ، آردینجا  تئهرانا گئلدیکدۀ اوُنون اساسیندا آلدادیجی گئریجی مجلیس لریارادیلیب ، موُللالارین دینی حاکیمییتین قوُرویوب موحکم لئندیرمئک ؤ دوُنیا غارتگرلرینین منافع لرین تأمین اتمئگ اوُچون قوُندارما مادۀ لر یئرلئشدیریب ، اوُنو ایران دئیلن اوُلکۀ یاشییان میللت لرۀ زوُراکی لیقلا تحمیل اتدیلر.

لاکین بو حیلۀ گرلر، همان اوُزلری یازیب جیزدیقلاری دفترچۀ دۀ یازیمیش مادۀ لرین هئچ بیرینۀ بوگوُنۀ قئدراهمییت وئرمۀ دن ایجراء اتمۀ دن ، عمل دۀ ایستۀ دیکلری کیمی حوُکم سوُرمئگۀ باشلییب ، فارس موُللا فاشیست رژیمینۀ داوام وئرمئکدۀ دیرلر.

آیدین دیرکی اوُلکۀ دۀ یاشییان میللت لر قوُندارما آنا یاسا آدلی دفترچۀ دۀ یازیلمیش اوُنئملی مادۀ لرین ایجراء اوُلونماسین دفعۀ لرلۀ طلب اتسۀ لردۀ رژیم باشچیلاری طلب لرۀ هئچ بیر اهمییت وئرمۀ میشلر ، خصوصی ایلۀ 15 ـ 19 ـ 23 ـ 24 ـ 25 ـ 26 ـ 27 ـ 30 ـ 32 ـ 36 ـ 38 ـ 50 ؤ غیرۀ لری هئچ زامان ایجراء اوُلونمادان بوُش سوُزلر، آلدادیجی وعدۀ لر اوُلاراق یازیلدیقلاری کیمی زیبیل چوُپلوُیوندۀ قالماقدادیر.

شوروی رژیمینین داغیلماسی ایلۀ دوُنیادا ؤ اوُرتا دوُغودا باش وئرن حادیثۀ بیرطرفدن ، باشقا طرفدن یئنی گئنج نئسلین یئتیشمۀ سی ، تکنولوُژی ؤ علمین هئرگوُن گئلیشمۀ سی ، میللت لرین اوُیانیشی ، فارس موُللا فاشیست رژیمی علیهینۀ باشلانان اعتراض لار ؤ آزادلیق یوُلوندا موبارزۀ لری هئرگوُن جانلانماقا باشلادی ؤ مینلرلۀ اینسانلار توُتولوب ، اشکنجۀ اوُلوب ، اعدام اوُلوندولار کی هئلۀ دۀ جیناتلر داوام اتمئکدۀ دیر .

بوگوُن اوُیانمیش میللت لر آیدینجاسینا بیلیر کی بو رژیم اوُ مادۀ لرین هئچ بیریسین ، هئچ زامان ایجراء اتمۀ یئجئک ، چوُنکی اوُزلری یازدیقی همان مادۀ لرین هئر بیرینین ایجراسی رژیمین کوُکدن محو اوُلوب آرادان گئتمۀ سی دئمئکدیر.

خصوصی ایلۀ اوُیانمیش ؤ اوُز میللی کیملیگین تانیمیش گوُنئی آذربایجان میللتی داها یوُخاریدا قئید اوُلونان قوُندارما مادۀ لرین ایجراسی یوُخ ، بئلکۀ بیردفعۀ لیک اوُز ازادلیقلاری ؤ فارس فاشیسمی نین جیناغیندان قوُرتولوشو یوُلوندا موبارزۀ آپارماقدا دیرلار.

آزادلیق ، ایستیقلال مفکورۀ سینۀ چاتمیش بو یوُلدا موُجادیلۀ ائدن گوُنئی آذربایجان میللتی اوُچون بوندان سوُنرا همان قوُندارما مادۀ لرین ایجراء اوُلوب یا اوُلماماسی داها اوُنئمسیز ؤ دئییرسیز دیر، چوُنکی آذربایجان توُرکلری چوُخدان دیرکی اوُز حاقلی یوُلون سئچیب ؤ فارس راسیست لرینین یوُلوندان آیریلمیشدیر، بودوُزگوُن یوُلو 70 ایل قاباق" رحمت لیک سید جعفر پیشۀ وری دئمیشکن ، بوندان سوُنرا خدا حافیظ تئهران " بو قیزیل کلمۀ لرین حئیاتا کئچمۀ سینین زامانی گئج ـ تئزی اوُلسادا ،  لاکین یوُزدۀ یوُز حتمی دیر.

اوُستۀ لیک بوُگونکو زامان داها نۀ سوُویت سوُسیال ایمپریالیسمی نین  دوُرانیدیر ، نۀ دۀ فارس شوینیسمینۀ خیدمت ائدن ، آذربایجان میللتینۀ آرخادان خنجر وُوران حزب تودۀ زامانی دئییر. میللت لرین اوُیانیش دوُرانی دیر. بونا گوُرۀ دۀ گوُنئی آذربایجان میللتی آلدادیجی فدرالیسم ، خودگردانی ؤ سایرلر کیمی شعارلارین ، ؤعدۀ لرین یئرینۀ ، میللتیمیزین ایرادۀ سینۀ دایناراق ، بیرکلمۀ دۀ ایستیقلال یوُلون سئچمیشدیر.

                  یاشاسین ایستیقلال ــ آذرخش ــ 16 / 10 / 2014    

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter