English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

هاشم ترلان” تورپاغا تاپشیریلدی

آذوح: خالقیمیزین ملی و مبارز شاعری استاد “هاشم ترلان”ین جنازه‌سی بو گون تهرانین بهشت زهرا قبریستانیندا تورپاغا تاپشیریلدی.

دوشنبه گونو آبان آیی‌نین 26ینجی گونو سحر ساعات 10دا تهرانین بهشت زهرا قبریستانی‌نین 315 نومره‌لی بؤلومو خالقیمیزین سئویملی اوغلونو ابدی اولاراق اؤز قوینونا آلدی و اوستاد هاشیم ترلان بیر یوللوق اؤز سئونلریله وداعلاشدی.

ادبی جمعیتیمیزی خبردار ائتمک اوچون چوخ آز واخت صرف ائدیلمه‌یینه باخمایاراق بو وداع مراسیمی بیر چوخلارینین اشتراکیله کئچیریلدی. مراسیمده تهران شهرینده فعالیت گؤسترن آذربایجان ادبی- مدنی درنک‌لرینین بیر سیرا عضولری او جومله‌دن: صابر، ساهر، نباتی و خدافرین ادبی انجومنلرینین عضولری، عینی حالدا آذری فصلنامه‌سی و ایشیق الکترون درگیسی‌نین امکداشلاری،  هاشیم ترلانین عائیله عضولری و قوهوم- تانیشلاریلا بیرلیکده بو مراسیمده اشتراک ائتدیلر.

ادبی- مدنی درنک‌لر طرفیندن آذری فصلنامه‌سی‌نین باش یازاری شاعر حسن ایلدیریم مزار باشیندا اوستاد هاشیم ترلانین حیات و یارادیجیلیغی باره‌ده قیسا دانیشیب و اوستادین بؤیوک بیر ادبی- مدنی نسیله بوراخدیغی درین معنوی تاثیرینی وورغولادی.

ایندیلیکده آذربایجان ادبی- مدنی درنک‌لری و بیر چوخ اجتماعی شخصیتلری طرفیندن اوستادین شرفلی خاطیره‌سینی عزیزله‌مک اوچون گئنیش تدبیرلر کئچیریلمه‌سی پلانلاشدیریلیر.

اوستادین آغیر ایتگیسی‌ایله علاقه‌دار معلومات ایشیق وبسایتی‌نین واسطه‌سیله یاییلاجاقدیر.

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter