آذوح: ساوانین نوواران بولگه سینین آقداش کندیندن اولان صفرعلی غیبی خرداد آیینین اون یئددیسینده(۱۷/۳/۹۰) آقداش کندینده تانری رحمتینه قوووشدو. رحمتلیک شاعیرین جسدی آقداشین مزارلیغیندا تورپاغا تاپشیریلیبدی. او مرحومون ختم مراسمی تهران دا بازار گونو خردادین ۲۲ سینده (یکشنبه 22 خرداد)اولاجاقدیر. ختم مراسمینین آدرسی:

تهران- شهرک ولی عصر - حسینیه آقداشیها

رحمتلیک صفرعلی غیبی دن بیر شعر:

سپاس و حمد اول خالقه کی یکتادور

قدیم و لم یزل و لاشریک و همتادور

کی ذات- پاکی هامی ممکناته غالب دور

علیم و عالم و حاکم و حلیم و دانادور

یئری گؤگو هامی ممکناتی خلق ائله ین

کی هم سمیع و بصیر حی و هم توانادور

ائدیبدی خلق هامی جن و انسی دام و ددی

کی ذات- اقدسی هر عیب دن مبرادور

تمام خلقت و جنبنده نی ائدن مرزوق

رحیم و راحم و رحمان خدای-بینادور

کی ناامید ائله مز بنده سینی لوطفوندن

دئمز بیریسی دیر اعلی بیریسی ادنی دور

تمام جن و بشر وحش و طیر و جنبنده

کی ریزه خوار ولی و نعمادور

تمام گبر و مجوس و سیاه و سرخ و سفید

وظیفه خوار در- کردگار یکتادور

الها دست نیازینی بنده غمگین

دوتوبدو درگهوه صاحب- خطایادور

باغیشلا جرمینی یارب به سید ثقلین

اؤز آدین حرمتینه غافرالخطایادور

غریق لجّه عصیانم عفو ائله یارب

گلیبدی درگهوه صاحب- تمنادور

ایلگیلی لینک و قایناق:http://aghdashrosta.mihanblog.com/post/6