ایران آذربایجانلی محبوسلارین آزادلیغی اوچون ایمضا توپلاما کامپانیاسینا باشلانیب
آذوح: ایراندا حبسده اولان بئش آذربایجانلی سیاسی و مدنی فعالین آزاد ائدیلمهسی اوچون ایمضاتوپلاما کامپانیاسینا باشلانیب. بیر چوخ خبر سایتلاری سعید محمدی (موغانلی)، ایوب شیری، سعید نعیمی، سیما دیدار و سعید متین پورون آزادلیغینی ایران رسمیلریندن طلب ائتمک اوچون آپاریلان ایمضاتوپلاما کامپانیاسی بارهده خبرلر یاییب و ایمضا توپلایان سایتلارین اونوانلارینی درج ائدیب.
ساوالان سسی و اورمو ایشچیلری خبر آگئنتلیکلری سعید موغانلی و ایوب شیرینین حبسدن آزاد ائدیلمهسی اوچون ایمضا توپلانماسینا دایر خبر یاییب. خبره اساساً، موغانلی بو ایل یونون 7-ده تئهران شهرینده ایرانین تهلوکهسیزلیک اورقانلارینین امکداشلاری طرفیندن توتولوب. اما، اونو هانسی اورقانین حبس ائتدیگی، هارادا ساخلاندیغی، هانسی اتهام ایرهلی سورولدوگو بارهده معلومات وئریلمیر.
سعید محمدی (موغانلی) شاعر، ژورنالیستدیر. او، "ادبی یاشماق" نشریاتینین مودیردیر. ایندیدک 364 نفر موغانلییا آزادلیق طلبی ایله کئچیریلن کامپانیایا قوشولوب. آذربایجانلی مهبوسلارین آزادلیغی اوچون کامپانیا بو مقصدله فالیت گؤسترن (http://www.gopetition.com/petitions/free-said-muganli.html)سایت واسطهسی ایله آپاریلیر.
ایوب شیری بو ایل مایین 4-ده تبریزده اطلاعات امکداشلاری طرفیندن توتولوب. اونون هارادا ساخلاندیغی و هانسی اتهاملا حبس ائدیلدیگی بارهده معلومات وئریلمیر. ایندیدک 5324 نفر اونون آزاد اولونماسینی طلب ائدیب. اونون آزادلیغی اوچون آپاریلان کامپانیا ایشتیراکچیلارینین سیاهیسینی دا یوخاریداکی سایتدا (/free-ayyub-shiri.html) تاپماق مومکوندور.
سعید نعیمی مایین 9-دا کرج شهرینده ائوینده حبس ائدیلیب. اونون توتولماسیندا اطلاعات-این 7 امکداشی ایشتیراک ائدیب. او، توتولارکن حیات یولداشی سیده ایسلامینی ده تهدید ائدیبلر و سیدی حیات یولداشینین گؤزو اؤنونده دؤیوبلر. هر ایکی فعالا مخصوص کومپوتئرلر، بعضی کیتابلار، ال یازیلاری و جیب تئلئفونلاری مصادیره ائدیلیب. سید اینسان حاقلاری فالی و سوله طلبی ایله یازان ژورنالیستدیر. او، ایراندا اونیوئرسیتئت طلبهلری جمعیتلینه رهبرلیک ائدیر، آذربایجانلی طلبهلرین جمعیتینین تاسیسچیسیدیر. سعیدین آزادلیغینی 423 نفر ایراندان طلب ائدیب. سیده ایمضا همین اونواندا (http://www.gopetition.com/petitions/free-said-naimi.html) توپلانیر.
سیما خانیم دیدار (علیرضا یئکنلینین حیات یولداشی) زینداندادیر. اونون حیات یولداشی علیرضا سیما خانیمدان بیر نئچه گون سونرا توتولوب. سیما خانیمین آزادلیغی اوچون 2432 ایمضا توپلانیب. او آذربایجانلیلارین مدنی حاقلاری اوغروندا موباریزه آپاریر. بو ایل آپرئلین 16-دا توتولوب و تبریزین مرکزی زیندانیندا ساخلانیر. او، 6 آی حبسه محکوم اولونوب. سیما خانیم اؤتن ایل تبریزده و شاه گؤلو یولوندا یوروش مراسیمینده "تورک دیلینده مدرهسه!" شواری سؤیلمکده اتهام ائدیلهرک توتولوب و اوزون زامان ایستینتاقا مروز قالیب. زمانتله آزاد اولونوب و سونرا محکمهنین حؤکمو ایله اونا 6 آی هبس وئریلیب. سیما خانیمین آزادلیغینی طلب ائدنلرین سیاهیسینی عینی لینکده گؤرمک مومکوندور: (free-sima-didar.html)
سعید متین پورون آزادلیغینا ایمضا آتانلار اونون دوشونجهسینه گؤره حبس ائدیلدیگینی بیلدیریر. بیلدیریلدیگینه گؤره سید ایراندا یاشایان آذربایجانلیلارین دیل و مدنی حاقلارینی مدافعه ائتدیگینه گؤره 8 ایل هبس جزاسینا محکوم ائدیلیب. 2007-جی ایلده توتولان سعیده اولجه 10 گون هبس وئریلیب. او، همین ایل ایکینجی دفعه هبس ائدیلیب و 9 آی ایستینتاق آلتیندا قالیب. او، حبس جزاسینی تئهرانین ائوین زیندانیندا چکیر. چوخسایلی آذربایجان منبعلری، اونون قوهوملاری و دوستلاری متین پورون ایشگنجهلره معروض قالدیغینی و معالیجهسی اوچون ایمکان یارادیلمادیغینی دئییرلر.. متینپور تئهران اونیوئرسیتئتینین فلسفه فاکولتهسینی بیتیریب، ژورنالیستدیر. اونون آزادلیغا مقصدیله باشلانمیش کامپانیا دا http://www.gopetition.com/petition/44246.htmlعنوانیندا داوام ائدیر.
آمئریکانین سسی