گزارش نقض حقوق بشر
"اولارمی؟" - ماحموددالغا
دوشنبه ۳۱ فروردين ۱۳۹۴ ساعت ۲۱:۱۳ | 
اولارمی یئل گله،
آپارا منی؟
سیلینه ایزلریم،
بو قارا یئردن.
اولارمی یئل گله،
گؤتوره منی؟
آشیرا داغلارین،
باشیندان منی.
گؤزلریم کوسوبلر،
منه باخمیرلار.
قیج لاریم اینجییب،
منی آپارمیر.
یالنیزام اؤزومه،
من قارا یئرده.
اولارمی یئل گله،
پوزا قبریمی؟
چوروموش سوموکلر،
اوچا بو یئردن.
طوفانلار قوشالار منی اؤزونه.
اؤلمه میش اؤلمیشم،
آدیم دیریدیر.
قبیرده دایانمیر،
اورییم، جانیم.
اولارمی یئل گله،
آپارا منی؟
آناسیز قوش کیمی،
ناغیل ایچینده
آنامین ایلک هوس،
وئرن یئرلره.؟
بیلیرسن کوسموشم،
اؤزوم اؤزومنن
بو یئرین جننتی،
منه قارادی.
اورییم آچیلمیر،
ایچی یارادی.
