فرخنده، باجیم، بیلمه ییرسن جهل و جهالت

انسانلیغا باخماز، هله قالسین کی عدالت!

شیخین سؤزونه سؤز دئیه نی کافر ائدیرلر

جسمین داغیدیب، نعشینی الناره * وئریرلر

جهلین گؤزو چیخسین، بو جماعتدن آلیب گؤز

گؤرمور، اونا تک دوغرو اولان امر ائدیلن سؤز

قران کریم ده نه یازیلمیش سا، یازیلمیش

شیخین سؤزودور حکم، گولوم، بئله بیلیرلر

هرکس اوخویور آنلامامیش مصحف پاکی

یوزلر آنانین داغ گؤروب سینه چاکی

معصوم اوشاقلارلا جاوان قیزلار آسیلدی

قران آدینا جهل ایله توپراغا باسیلدی

یاندیرسام اگر قرانی، تانری اوؤزو بیلسین

بایراق تیکنین دین آدینا نسلی کسیلسین

ایمانی اولان انسانی اینجیتمه گه قورخار

سؤیله بو سؤزو هرکس ائشیتسین، هامی بیلسین

کیم هر گلنی قییم ائدیب تانریا یئرده ؟

تانری اؤزو بو قییم این آثارینی سیلسین

فرخنده سنین ائتدیگین اول شانلی جسارت

ای کاش کی اولسون بوتون انسانلیغا بدعت

کؤلن مارس 2015

$1·         نار عربجه اود دئمک دیر