Fars rejimindən növbəti xəyanət
AZOH: İran Ermənistanda neft məhsullarının saxlanılması və paylanılması üçün nəhəng mərkəz inşa etməyi planlaşdırır
İran və Ermənistan İrəvan ətrafında neft və neft məhsullarının saxlanılması və paylanılması üçün nəzərdə tutulan nəhəng mərkəzin inşa olunması istiqamətində danışıqları davam etdirir. Bu barədə "Mehr" agentliyinə İranın Milli Heft Şirkətinin baş direktoru Cəlil Salari məlumat verib. Salari bildirib ki, danışıqlar artıq yekun mərhələyə qədəm qoyub.
Qeyd edək ki, daha öncə tərəflər Ermənistanda Rusiyanın "Qazprom" şirkətinin iştirakı ilə neft emalı zavodunun tikintisi barədə müzakirələr aparırdılar. Lakin belə bir zavodun gündəlik 100 min barel neft emal edəcəyi təqdirdə rentabelli ola biləcəyi müzakirələrin yarımçıq saxlanılmasına zəmin yaratdı.
İrəvan yaxınlığında yeni loqistik saxlama və paylama mərkəzinin inşa edilməsində məqsəd neft məhsullarının öncə Ermənistana, daha sonra isə Gürcüstan vasitəsilə Avropaya ixrac olunmasıdır.
XALQ CEBHESI