بیری وارايدی، بیری يوخدور.آللاه ياراتمیش بنده چوخدور.اسکی زامانلار يوخ،دوننکی گونلرايدی.اوچ یولداش وارایدی . یاشار،آیدین و گئده .بو یولداشلارین ایچنده بیرجه گئده نین  چؤرک غمی يوخدور. دیل نه دیر آنلامازدی، وطن نه دیر بیلمه ز دیر. او هر زامان آيین شايین یاشامیشدی. آجلیق ندی بیلمزدی، خوش يیيب، خوش گزردی. سؤزگلنده ده يولداشلاریينا دیيردی:   

-بیلیرسینیز اوشاقلار، حاجی نیيه حاجی اولوب و کاسیب، کاسیب؟ حاجی چوخ زحمت کشیده، خیلی يه میيب. آمما کاسیب گئجه گوندوز خوابیده، اللشمیيب، هر نه تاپیب باسیب بوغازینا. ایندی شماها اونلارین وار- دؤوله تینه باخیب پاخیللیق ائدیرسینیز.سیزلر قیسقانچی بیر آدامسینیز. گؤزوز گؤتورمور سانکی سی دؤوله تدی بیر آدم اولسون.   

يولداشلاری بیلیردیلر بو اؤزی هانسی عايله دندیر. و آتاسینین الی هاراجان اؤورلوق و خالقین چؤرگینین ایچنده دیر.  آج لیق بیلمیين اوشاقدیر، هر نه ایستیيب او گون اونا وئریبلر. اونون تزلیکجه کوسه ير اولماغین دا بیلیردیلر. چوخ باشقا دیلده دانیشماغی بللدردی او بیر مانقورت آدامدی، عايلسی ده بوجورايدیلر. آمما بو اوشاقلار عاغیللی اوشاغیدیلار سننی آز آمما ایستی سويوق چکمیش اوشاغیدیلار ایسته مزدیلر بونو اوزلرینن ایجیتسینلر، اومید وارلاری ایدی بو گئده بیر گون دوشونر، بیلر بیز کیمیک ، گلر کیملیگینه. تاسفله بو گئده بونلاری آنلامازايدی هر نه آغزینادا - آغلینادا گلردی دیيردی.   

گونلر ایلدیریم کیمی کئچمکده دیدیلر، معلوم اولموردور بونلار هاچان اوشاغیدیلار، و هاچان بويودولر. گئده نین دانیشغی‌نین جاوابی همیشه سوکوتودور، بو سوکوت سبب اولموشدور او اؤزون چوخ بیله‌ين بیلسین، آخی او اونيوئرسیتی آدامی اولموشدور آمما بعضی يولداشلاری درسی بوشلويوب فعله لیگه باشلامیشدیلار. فیکیر ائدردی ملا يا لوقمان حکیم اولوبدور. بونا گؤره ده يواش- يواش آياق قويموشدور يکه يئرلردن دانیشسین، دیلدن، توپراقدان.   

-بیلیرسینیز بیزیم دیل چوخ گؤزلدی آمما ... 

 ایسته‌دی  نئجه گون بونان قاباق دئدیگی سؤزلری تیکرار ائله سین، ياشار بیر گئجه ده شاخان ایلدیریم کیمی يئردن قالخیب او قابارلی اللری ایله اونون بوغازیننان توتدو.    

-بیرده بو اراجیفی دیيسن، و بیز تورکلره قوندارما سؤزلر ياپیشدیراسان ننه مین جانینا آند اولسون بوغازینی دئشرم. (ياشارین آتاسی کؤرمور معده‌نین ده ایشلینده معدن پارتدايیب اودا اوردا اؤلموشدور، ياشار آتاسین هیج واخت گؤره‌مه میشدی، اونا گؤرا آناسین جانینا آد ایچردی.آناسی اونون دونیاسی ایدی.)   

گئده نین نفه‌سی بیتمک دیدی، داهی ال و آياغی يئردن اؤزلموشدور.رنگی ساب ساری سارلمیشدی، اؤلوم عزرائیلین باشی اوسته گؤروردو. ياشار آز الینین زورون آزالتدی.   

آيدین کی اوطرفده اتورموشدور و او قدر حیرصلنمیشدی کی بیچاق وورسايدین قانی چیخمازدی، يئردن قالخیب گئدنی ياشارین الینن آلدی.  دئدی: 

-گئده بیل نه دانیشیرسان، نه دئيرسن، بیزه تورکلیک ياراشیر، بیزیم وطنمیز وار، دیلمیز وار. ایفتخاریمیز وار. بیز باشقا آداملارا ساتیلماریق .سانکی قوندارمالار سنین کیمی ساتیلمیش آداملاریندی. بیزلری پاخیل و قیسقانچی آدلادین و بیزیم کئچمیشیمیزی يئله وئردین، بیزیم موباریز آداملاری اللشمیين، تنبل بیلدین، دئدیک عيبی يوخ، ایندی ده ياپیشیبسان دیلمیزی، توپراغیمیزی بیزدن آلماغا. نه ایستیرسن بیزدن. هر زامان هرنه دئدین دینمه دیک، هر نه ایسته دین وئردیک، يولداشلیقدا جانیمیز سنه فدا ائله دیک، آمما دیلیمیزی ، توپراغیمیزی بیز باغیشلاماریق. سن کیملردن خط آلیرسان.؟   

آيدین بو سؤزلری دئدی و يئره توپوروب ياپیشدی یاشارین الینن و اونو اؤزی ائله بو گئده‌دن آيیردی. گئده بیر پیس پیریق آدام ایدی، یاشار و آیدین دان سونرا بیرجه باشقاچی لار ایستردیلر اوننان یولداش اولسونلار.   

گونلر کئچدی، آيلار کئچدی، گئده يالقیز قالیب بیر يولداش دالیجا گزیردی، بو يالقیزلیقدان گوردو فايدا يوخدور، اؤزونه يولداش تاپماق اوچون بهانا دالیجا گزیردی، بو او زامان ایدی کی گئده اونيوئرسیتی درسین قورتالیيب و تئلئویزیيا اداره سینین آدامی اولموشدور.    

زامان چوخ آغیر کئچیردی، بو گئده تئلئویزیيا اداره‌سینده جیلدین دئيشیب، دیلین دئيشیب، و او باشقا دیلده دیين جومله‌لردن خبر يوخودور، بو گئده چئوریلیب بیر قورخولو آدام اولموشدور.    

تورکلر قورخماز آدم دیلار بیلیرسینیز. دوشمن مینلرده اولا، کسرلی قیلیجیدا اولا بیر تورک اونلارین قاباغیندا دوروب اوغلوللار کیمی مهاربیيه باشلار، بونو اسکی تاریخ ده ده گؤرموشوک و ایندیکی زامانلاردا.  آمما بو گئده نه اوچون بوجور قورخولو اولموشدور.؟   

نه اوچون ياشار،آيدین و سانکی يولداشلاری گئده‌لردن قورخوردولار.؟ياشار،آيدین چینقلی قارا بالیق ناغیلین اوخومامیشدیلار.؟ اوخوموشدولار، کوراوغلو، قاچاق نبی نین ناغیلین دا بیلیردیلر، کئچل همزه کیمدی اونی دا بیلیردیلر.    

قورخو بوردان اونلارین جانین بوروموشدور کی بو گئده مانقورت اولموشدور، یاشارین و آیدین نین جیلدینه گیرمیشدی. تورک جیلده ده باشلامیشدی او کئچمیش قوندارما سؤزلری، خائن کسروی و طباطبائي نین سؤزلرین تزه فورمدا میللته دانیش سین. تزه قانون و قايده ياراتمیشدی.  

ياشار و آيدین سانکی يولداشلارین بیر يئره يیغیب فیکیرلشدیلر کی هر نه جور اولسا بو گئدنی روسوا ائله سینلر. و میللته تانیتدیرسینلار. میللت بیلسین کی بو گئده بیر يرتیجی حئیواندی، فورصت تاپسان الین راحتچیلیقجا هامی‌نین قانینا بولار.   

بو نئجه يولداشین موباریزه‌سی فايدا وئردی گئده بی آبرو اولوب بو اؤلکه‌دن قاچدی. آمما دوشمنچیلیگین، مانقورتلیغین الدن يئره قويمادی. 

گئده‌لر تورکلرین باشینا چوخ اويونلار گئتیریب. کوراوغلونون قیراتین اوغورلويوب، بابکین قول لارین گئده لر کسیب. ستارخانی تهراندا گئده لر یانلیزلادیب. شووينستين صفینه گئده لرگیریب. بونلاری گئده‌لر گؤروب. دوشمانلار يوخ.