KAZAN SAMMİTİ BAŞLAYIR
AZOH: Bu gün Kazanda Azərbaycan, Ermənistan və Rusiya prezidentlərinin görüşü olacaq.
Tatarıstan paytaxtında Rusiya prezidenti Dmitri Medvedevin vasitəçiliyi ilə doqquzuncu dəfə görüşən Azərbaycan prezidenti İlham Əliyev və Ermənistan prezidenti Serj Sərkisyan Dağlıq Qarabağ probleminin həlli ilə bağlı Madrid prinsipləri əsasında çərçivə sazişini müzakirə edəcəklər.
Görüşdən öncə açıqlama verən ABŞ və Rusiya tərəfi sammitin sülh istiqamətində önəmli addım olduğunu bildirərək tərəfləri əsas prinsiplər üzərində anlaşmağa çağırıblar.
Sammitdən əsas gözlənti də çərçivə protokolunun imzalanmasıdır. İmzalandığı təqdirdə bu protokol yol xəritəsi funksiyası daşıyacaq və sülh sazişi üzərində çalışmalar başlayacaq.
TRT