AZOH: NATO-nun Liviyadakı əməliyyatları davam edərkən Qəddafi iqtidarı müxalifətlə müzakirələrdə irəliləyişə nail olunduğunu açıqlayıb. Müxalifət isə xəbəri təkzib edib.

Liviya xarici işlər nazirinin müavini Xalid Qaim müxalifət təmsilçiləri ilə xarici ölkələrin paytaxtlarında müzakirələr apardıqlarını və bu müzakirələrdə irəliləyişə nail olunduğunu deyib.

Liviya Milli Keçid Şurasının lideri Mustafa Abdulcəlil isə Qəddafi iqtidarı ilə birbaşa və ya dolayısıyla müzakirələr aparmadıqlarını bildirib.

Digər tərəfdən, Liviya liderinin böyük oğlu Məhəmməd Qəddafi atasını öldürmək üçün NATO tərəfindən Tripoliyə xüsusi təyinatlı qüvvələr göndərildiyini açıqlayıb. Bu iddianı Rusiya Şahmat Federasiyasının prezidenti Kirşan İlümjinov irəli sürüb. İlümjinov "İnterfaks" agentliyinə verdiyi açıqlamada Milli Olimpiya Komitəsinin sədri olan Məhəmməd Qəddafi ilə telefonla danışdığını və onun bu iddianı səsləndirdiyini deyib

TRT