خاطیره لریم دیرمانیرلار

اوشاقلیغیمین داغلارینا

انیرلر گئنجلیک دره لرینه

گوزلریمدن گول له لر یاغیر

شه هرده یالقیز گزن قوجالیغیما

یئمک چانتاسیندا بیر قیزین آرزولاری گئنه کوچه ده

 داشیییرلار دیلیملنمیش اوشاقلیغینی

گله جه یینی یئمک ساعاتینا

و بیر تنففوس ساعاتی سالدیریر مدرسه یه

یاندیریر کیتابلار، رویالارینی

چالیرلار حسرتینده یاندی کؤنلونون زیلینی

دوشونجه لریم یولداشلیق ائدیرلر

خاطیره لریمین گؤزلریمدن یاغدیران گول له لرینه

خاطیره لر خندق قازیبلار

اوره گیمده حسرتیمین دار کوچه لرینه

پارچالاماق ایسته ییرلر کؤنول اؤلکه سینی

محکمه سیز آسماق ایستیرم دوشونجه لریمی

 عیبرت اولسون اوره گیمه آجی وئرن خاطیره لره