AZOH: Demokratik Konqo Respublikasında enməyə çalışan sərnişin təyyarəsi qəzaya uğrayıb.

Paytaxt Kinsaşadan havaya qalxan Boeinq-727 tipli təyyarə ölkənin mərkəzi hissəsindəki Kisanqani hava limanına enişi əsnasında, eniş meydançasına 200 metr qalmış yerə düşüb.

Qəzaya güclü yağışın səbəb olduğu güman edilir.

Konqo Nəqliyyat Nazirliyi 127 nəfərin dünyasını dəyişdiyi qəzada 51 sərnişinin xilas edildiyini açıqlayıb.

Təyyarənin aid olduğu özəl hava yolu şirkəti isə 110 sərnişindən 53-nün öldüyünü, 57 nəfərin isə xilas edildiyini bildirib. Ancaq nazirlik hava yolu şirkətini sərnişinlərin sayını qəsdən az göstərməkdə ittiham edir.

Sözügedən hava yolu şirkəti Avropa Birliyinin uçuş təhlükəsizliyi baxımından yetərsiz saydığı və Avropa Birliyi torpaqları üzərində uçuşuna icazə vermədiyi şirkətlərdən ibarət qara siyahıdadır.

TRT