İSRAİL AKTİVİSTLƏRƏ GÖZ AÇDIRMADI
AZOH: İsrail qzərindən Qərbi Şəria ərazisinə keçməyə çalışan onlarla aktivist hava limanlndan çıxa bilməyib.
YNET xəbər saytının məlumatına görə, Belçika, Fransa, İspaniya, Almaniya, Hollandiya və ABŞ vətəndaşı olduğu bilinən 64 aktivist Ben Qurion hava limanında həbs edilib.
Bundan əlavə hava limanında aktivistləri "Fələstinə xoş gəldiniz" şüarı ilə qarşılayan "Divar əleyhdarı anarxiyaçılar" təşkilatının 5 üzvü də həbs edilib.
İsrailli aktivistlərin yaxınlarını qarşılamaq üçün hava limanına gələn bəzi vətəndaşların hücumuna məruz qaldığı bildirilib. "Jerusalem Post" qəzetinin yazarlarından Larri Derfnerin də terminalda aktivistlərə hücum edənlərə mane olmağa çalışarkən həbs olunduğu iddia edilir.
Ancaq İsrailin bütün maneələrinə baxmayaraq bəzi aktivistlərin yenə də Ben Qurion xəttini keçərək Fələstin torpaqlarına keçdiyi qeyd edilir.
TRT