English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

«آذربایجانین اۇرموداکی سسی» قۇرومو «دۆنيا آنا دیلی گۆنو» ایله ایلگیلی تؤرَن کئچیردی+ شکیللر

آذوح: بۇگۆن بالیق‌لار(بایرام،اسفند) آیی‌نین ایکی‌سینده «آذربایجانین اۇرموداکی سسی» قۇرومو «دۆنيا آنا دیلی گۆنو» ایله ایلگیلی تؤرَن کئچیره‌رک بۇ گۆنو آغیرلامیشدیر.

بیرچوْخ اؤيرنچی و گنج فعال‌لارین قاتیلیمی ایله قۇرولان بۇ تؤرنده آنا دیلی ایله ایلگیلی دانیشیقلار اوْلموش و شئعیرلر  اوْخونموشدور.

باشلانغیجدا «آذربایجانین اۇرموداکی سسی»نین قۇروجولاریندان اوْلان اۇرمو بیلیم‌يۇردو اؤيرنچیسی «ياسیر رنجبری(ساوالان)» آنا دیلی ایله ایلگیلی بیر شئعیرله تؤره‌نی باشلاياراق دیلین اؤنَمینی آچیقلامیش و دانیشیغی‌نین بیر بؤلومونده «ایندیسه بیز دیلیمیزده اؤيره‌دیم گؤرموروکسه، يازیمیز اوْلماياجاقدیر و يازیمیز يوْخدورسا تاریخیمیز اوْلماياجاقدیر دئمکدیر» دئيه آچیقلاما ياپمیشدیر.

بۇ اؤيرنچی تؤرَنین سوْنراکی بؤلوم‌لرینده آپاریجیلیق ائتمکله ياناشی «دۆنيا آنا دیلی گۆنو»نۆن تاریخچه‌سی حاققیندا دانیشمیش و يۇنئسکوْ باش يؤنَلدیجیسی‌نین 2016 «دۆنيا آنا دیلی گۆنو» ایله ایلگیلی مئساژی‌نین آذربایجان تۆرکجه‌سینه چئویریلمیشینی قاتیلیمچیلارا سۇنموشدور.

سوْنراکی بؤلومده «آذربایجانین اۇرموداکی سسی» قۇرومونون چالیشقان باش يؤنلدیجیسی «سینا حسنی» آنا دیلی‌نین اؤنَمینی وۇرغولاياراق، ایراندا آنا دیلینده اؤيره‌دیم‌ین ياساقلاندیغیندان دانیشمیشدیر. بۇ گنج فعال سؤزلرینی «حاق وئرمک جرم(سۇچ) دئيیل، حاقی قێچ آلتینا قوْيماق جرم دور» دئيه بیتیرمیشدیر.

آردیندا، «آذربایجانین اۇرموداکی سسی»نین قۇروجولاریندان اوْلان علی عزیزی «آنا دیلیم نَدن سنی دانیبلار» باشلانیشلی بیر شئعیر اوْخوموش، امین زنده دل «ایراندا تۆرک دیلینده اؤيره‌دیم حاققی و بۇ دیلین رسمیته تانینماسی» ایله ایلگیلی دانیشمیش، محمد تمدنی ائلدار «بیز نَدن اؤزوموزه آذری دئيیل تۆرک دئمه‌لی‌يیک» سؤزويله ایلیشکین آچیقلاما ياپمیش و امین ایسمعیلی آتیلا «آنا دیلی ایله ایلگیلی قێسا بیر شئعیر پارچاسی» اوْخوموشدور.

بۇنلارین يانی‌سیرا اۇرمو بیلیم‌يوردو اؤيرنچی‌لریندن اوْلان علی درگاهی «خلیل‌رضا اۇلوتورکون آنا دیلی شئعیرینی» اوْخوموش و بلال بَي محمدی «اۇرمو گؤلونون قۇروماسی اۇجباتیندان آذربایجاندا ياشام دۇرومونون چتینلشمه‌سی و آذربایجان میللتی‌نین ایرانداکی آيری-سئچکیلیيه اۇغراماسیندان» سؤز آچمیشدیر.

بۇ تؤرَنین اَن چوْخ بَيَنیلن و قاتیلیمچی‌لا‌رین دؤنه‌لرجه آلقیشینا نَدن اوْلان بؤلوملریندن بیری ده اۆچ آز ياشلی اۇشاغین آذربایجان تۆرکجه‌سینده «من بیر تۆرک بالاسیيام، تۆرکو منیم دیلیم دیر، آذربایجان ائلیم دیر...»، «سۇ دئيیبدیر منه اولده آنام آب کی يوْخ...»، «دؤيوش‌لرده غيرتیم‌سن، کیم دیر سنی دانا دیلیم؟ آنا دیلیم، آنا دیلیم...» ایچَریکلی شئعیرلری جوْشقويلا سسلندیردیک‌لری ایدی.

اۇرمودا «دۆنيا آنا دیلی گۆنو»نده کئچیریلن بۇ تؤرَن، «آذربایجانین اۇرموداکی سسی» قۇرومونون دستکله‌دی‌یی آدايلارا سۇناجاغی ایستکلرین اوْخونماسیيلا سوْنا چاتدی.

بۇ تؤرَنله ایلگیلی گؤرونتولری «آذربایجانین اۇرموداکی سسی» کانالیندان الده ائده بیلرسینیز.

@azerbaycaninurmudakisesi

آذوح

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter