AZOH: Təbrizin ümumi məhkəməsi “Traxtur” futbol taxımının 11 nəfər tərəfdarı barədə hökm çıxarıb. “OLAYLAR”a verdiyi məlumata görə, Təbrizin ümumi məhkəməsinin 116-cı şöbəsinin hakimi Purmətləb “Traxtur” tərəfdarları Mehdi Qulabi, Behnam Nurməhəmmədi, Vəli Rövşəni, Səid Hüseynzadə, Həsən Nocavan, Hüseyn Purəyaz, Həsən Hüseyni, Kərim Niri, Hamid Vahidhaşimi, Rəhim Qulabi və Rəhim Forini ümumi asayişi pozmaqda suçlayıb. Adını çəkdiyimiz soydaşlarımız təxminən 100 dollar (100 min tümən) cərimə və 20 zərbə şallağa (qamçı) məhkum ediliblər.

Qeyd edək ki, adını çəkdiyimiz “Traxtur” tərəfdarları 2010-ci il oktyabr ayının 10-da Təbrizin səhənd stadiomunda (stadionunda) “Traxtur-Neft” müsabiqəsindən sonra tutuqlanıb, bir müddət sonra mülki vəsiqə qarşılığında azadlığa buraxılmışdılar.

OLAYLAR