English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

خوردادین دؤردو ، دؤرد دالغالی دنیزین ، 10- جی ایل دؤنومو-«آلپار سولدوزلو»

بیر مکتب آچیلدی بیز اوچون خورداد آییندا

اؤیرتمه نی کیم؟ توحید ،حسین ، عسگر و همت

بو مکتبی گوجله ندیره جه ک سولدوزون اهلی

اوستون دو بو مکتب آدی دیر مکتب قئیره ت

اون (۱۰) ایل دی کی حیرت بورویوب سولدوزو حیرت

گول بولبوله حسرت ده دی بولبول گوله حسرت

دؤرد آسلانیمیز آلپاریمیز عیززتیمیزدیر

یئر گؤی تانی ییر توحید ، حسین ، عسگر و همت

یاز فصلی گلیب سولدوزا دؤرد بولبولوموز یوخ

آل لاله صیفت پر پر اولان دؤرد گولوموز یوخ

دؤرد پارلایان اولدوز گونه اوخشار آیا بنزه ر

دؤرد آلپاریمیز کسگین اولان دؤرد دیلیمیز یوخ

مین داغ لا موصیبت گؤره ن اولدو آنا یوردوم

سججاده نی قانلی سره ن اولدو آنا یوردوم

اود یوردونا قوربان وئره ن اولدو آنا یوردوم

دان اولدوزو گؤیده ن دره ن اولدو آنا یوردوم

خورداد آیینین دؤردو بیلین هئچ اونودولماز

دؤرد دالغالی گؤل قانلی دنیز هئچ قورودولماز

حاق ایسته کیمیز دسته کیمیز مسله کیمیزدیر

بیگانه الی ایله بو دوروم هئچ دورودولماز

هر ایل یئنی شئعرلر سیزه تقدیم اولاجاقدیر

اود یوردو بوتون سس له هارای لا دولاجاقدیر

ظن ائتمه کی سولدوزدا بو دؤرد گول سولاجاقدیر

آفاق بو دؤرد گول دو بو دؤرد گول قالاجاق دیر

خورداد دا بیزیم دؤرد گولوموز پرپر اولوبدور

باخ گؤزله ره باخ کؤنلوموزه قم له دولوبدور

باخ سولدوزا جاندان گووه نیر آذربایجان

ظن ائتمه بو دؤرد گول بیری بیر لحظه سولوبدور

حلاج کیمی عشقیله انا الحق دئیه ن اولدوز

دوز ایرینی حاق نا حقی پیس یاخشینی بیلدیز

سیز سولدوزا عیززت یارادیب کئچدیز جاندان

اثبات ائله دیز خالقیمیزا تکجه بو یول دوز

آلپارلاری مبز چیخمایاجاق یادداشی میزدان

پاک قانلاری دایم سوزولور گؤز یاشی میزدان

اود یوردونا بئش ایلدی دایاق دؤرد اویاق اینسان

یاد ائیله او (آغ توولا)* داکی قارداشی میزدان

دؤرد گوجلو دنیز دالغالی گؤل سئل تک آخیبلار

تورکون گله جه ک حالینا دیققت له باخیبلار

اود یوردونو بئش ایل گئجه گوندوز قورویوبلار

شیمشه ک کیمی سولدوزدا بو دؤرد ایلده چاخیبلار

آچساز اگر او قان سوزوله ن باغرینیزی سیز

بیر خالق اولاراق سیزلاماقا بیر سیغیناق بیز

قئیره ت له شرف یوردو پاک سولدوزوموزدان

تاریخ بویو تاریخ ده آیدین قالاجاق ایز

سولدوز آدی چوخ سایقیلی حؤرمتلی بیر آد دیر

کیم سینه سینه داغ قویا بیگانه دی یاد دیر

تورک دونیاسی جاندان گووه نیر سولدوزا جاندان

هر بیر وطنین عشقینه عاشیق له ری شاد دیر

باخسان گووه نیر شانلی وطن آفاقا آفاق !

سولدوز تؤره دیب آفاقی باخ توپراغا آفاق !

آفاق دی بیزه گوجلو قاناد اوچماغا آفاق !

سولدوز دایانیب دیر ساوالان تک داغا آفاق !

باخسان دایانیب باش اوجا یوز مین داغا سولدوز

مین له ر قاناد ایله چالیشیر اوچماغا سولدوز

دؤرد اولدوزو تاپشیردی بو پاک توپراغا سولدوز

هر ایل توتاجاق ایل دؤنومو " آ . ف.ا . ق"ا سولدوز.

سولدوزون اونودولماز آلپارلارینین سیمگه سی : آفاق

آ : آذریون

ف : فتحی پور

ا : اسمزاده

ق : قاسمی

*: آغ توولا = سولدوزدا اولان بیر ایگید بسله یه ن کند

"آفاق سولدوزلو"

(آلپار)

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter