English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net

مصاحبه و گزارش
پربیننده؛ سال گذشته
آدرسهای ما - Follow us

YouTube

 -----

Facebook

----- 

Twitter

اورتاق بیلدیری: آلمان پارلامئنتی‌نین تورک‌لره قارشی آلدیغی یانلیش قراری قیناییریق

اورتا دوغودا، بؤیوک گوج‌لرین اؤنونده، تورکییه جومهوریتی اؤزگورلوگو و میی‌لی چیخارلارینی قوروماق اوچون سیاست‌لرینی داوام ائتدیکجه سؤزده ائرمنی سوی قیریمی تورکییه‌یه قارشی دییشیک‌لی اؤلکه‌لرده گونده‌لییه گلیر.

گؤرونن او کی، باتی اؤلکه‌لری باشدا آمئریکا اولماقلا، روس‌لارلا بیرگه، سورییه‌نین قوزئیینده کوردوستان دؤولتی‌نین یارانماسینا قرار آلمیش‌لار. او اساسدا اوچ کورد کانتون‌لاری آدلانان یئرلرده یاشایان یوزمین‌لرجه تورکمن و عرب اؤز دوغما وطن‌لرینی ترک ائتمه‌لی‌دیرلر و بو قئیری اینسانی ایشی باتی اؤلکه‌لری دایشیله ساواشماق آدینا گرچک‌لش‌دیرمکده‌دیرلر. آنجاق، تورکییه دؤولتی بو چیرکین ایشه هرزامان قارشی چیخیر گوناه‌سیز اینسان‌لاری قوروموش‌دور و طبیعی بو داورانیش باتی اؤلکه‌لرینی خوشلاندیرماز.

بو دفعه تورکییه‌یه سیاسی باسغی، آلمان پارلامئنتی‌نین واسطه‌سیله اورتایا چیخمیش‌دیر. خاتیرلاتمالیییق سون ایللرده بیر میلیونا یاخین کؤچمن‌لرین آلمانیا و دیگر آوروپا اؤلکه‌لرینه کؤچمه‌لری آوروپادا کؤچمن‌لره قارشی اولان ساغ پارتیا‌لاری داها گوجلندیرمیش. آما آنا تورکییه، تک باشینا 3.5میلیون ساواش‌لاردان مجبوری قاچان اینسانا قوجاق آچیر و دونیایه اینسان‌سئورلیک اؤرنیی اولموش‌دور.

1915 اولای‌لارینی دیرلن‌دیرمک ایستییریکسه اونون دوغرو یولو، او ایللرده اوسمان ایمپراتورلوغونا هوجوم ائدن گوج‌لرین آیریجا تورکییه و ائرمنیستانین دؤولت آرخیو‌لری‌نین آچیلماسی و تاریخشوناس‌لارین بو اولایی طرف‌سیز آراشدیریر سونرا حقوقی قارار چیخارماسی‌دیر. تورکییه جومهوریتی  آرخیو‌لرینی آچمیش آنجاق روسیا، اینگیلتره،فرانسا ،ائرمنیستان و... آرخیو‌لرینی آچما‌دان، یالنیز پارلامئنت‌لردن گونده‌لیک چیخارلاری اوچون، تورکیگیه‌یه قارشی اویون اویناماق‌لارینی داوام ائدیرلر.

بیز گونئی آزبایجان دئموکرات پارتییاسی (گادپ) و آذربایجان اؤیرنجی حرکاتی(آزوح) اولا‌راق تورک‌لره قارشی بو چیرکین اویون‌لاری شدت‌لیه قیناییریق و بو ساواشدا تورکییه جومهوریتی‌نین یانینداییز.

آذربایجان اؤیرنجی حرکاتی(آزوح)

گونئی آزبایجان دئموکرات پارتییاسی (گادپ)

Alman Parlamentinin Türklərə qarşı aldığı yanlış qərarı qınayırıq

Orta Doğuda, böyük güclərin önündə, Türkiyə cümhüriyəti özgürlüyü və miili çıxarlarını qorumaq üçün siyasətlərini davam etdikcə sözdə Erməni soy qırımı türkiyəyə qarşı dəyişikli ölkələrdə gündəliyə gəlir.

Görünən o ki, Batı ölkələri başda Amerika olmaqla, Ruslarla birgə, Süriyənin Quzeyində Kürdüstan dövlətinin yaranmasına qərar almışlar. O əsasda üç Kürd Kantonları adlanan yerlərdə yaşayan yüzminlərcə Türkmən və Ərəb öz doğma vətənlərini tərk etməlidirlər və bu qeyri insani işi Batı ölkələri DAİŞilə savaşmaq adına gərçəkləşdirməkdədirlər. Ancaq, Türkiyə dövləti bu çirkin işə hərzaman qarşı çıxır günahsız insanları qorumuşdur və təbii bu davranış batı ölkələrini xoşlandırmaz.

Bu dəfə Türkiyəyə siyasi basğı, Alman Parlamentinin vasitəsilə ortaya çıxmışdir. Xatırlatmalıyıq son illərdə Bir milyona yaxın köçmənlərin Almaniya və digər avropa ölkələrinə köçmələri avropada Köçmənlərə qarşı olan sağ partiyaları daha gücləndirmiş. Ama Ana Türkiyə, tək başına 3.5milyon savaşlardan məcburi qaçan insana qucaq açır və dünyayə insansevərlik örnəyi olmuşdur.

1915 olaylarını dəyərləndirmək istəyiriksə onun doğru yolu, o illərdə Osman İmpratorluğuna hücüm edən güclərin ayrıca Türkiyə və Ermənistanın dövlət arxivlərinin açılması və tarixşünasların bu olayı tərəfsiz araşdırır sonra hüquqi qarar çıxarmasıdır. Türkiyə cümhüriyəti  arxivlərini açmış ancaq Rusiya, İngiltərə,Fransa ,Ermənistan və... arxivlərini açmadan, yalnız Parlamentlərdən gündəlik çıxarları üçün, Türkiyiəyə qarşı oyun oynamaqlarını davam edirlər.

Biz Güney Azəbaycan Demokrat Partıyası (GADP) və Azərbaycan Öyrənci Hərəkatı(AZOH) olaraq Türklərə qarşı bu çirkin oyunları şiddətliə qınayırıq və bu savaşda Türkiyə cümhüriyətinin yanındayız.

Azərbaycan Öyrənci Hərəkatı(AZOH)

Güney Azəbaycan Demokrat Partıyası (GADP)

Share/Save/Bookmark
 

دیدگاه شما

افزودن نظر



برای نمایش تصویر جدید کلیک کنید.
مقالات