:شهید حجت گلستانی چالاباش( چارباش) محله میزین اصلی خیاوان آدی،ابتدایی مدرسه میزین تابلوسو ؛ تعریفینی چوخ ائشیتمیشدیم عایله سینی هم محله قونشو کیمی یاخشی تانیرام اما اؤزنو گؤرمه میشدیم.

۱۳۶۰ اونون شهادت تاریخی او ۱۹ یاشدا گنج منسه ۹ یاشیندا اوشاغیدیم…

او گون شهرچایی کؤرپوسو یانیندان کئچیردیم دارلک شهیدلرینین عکسلرینی گؤزوم اؤنونده گؤردوم بیر باخیشدا شهید حجت گلستانی گؤزومه ساتاشدی ایسه بدنیمه لرزه گلدی گؤزوم قیراغیندان یاش آخدی بو نقدر رحمت لیک جاوادا بنزیردی!

کدخودانین نوه سی جواد هیزمی دا اونون کیمی توکلرینی قیصری ووراردی

بیر زامانلار بو جوانلارا بیز یئنی یئتمه لر اؤرنک کیمی باخاردیق او زامانلار اؤزونه بیر عالمی‌واریدی

جاواد عاشورا لشگری ایله مهدی باکری نین یانیجا جنوبا گئتدی اونوندا جنازه سی سردار کیمی حله ده قایتمایب!

اما حجت باتی آزربایجان جبهه سینده کومله- دموکرات حزب لری ایله ساواشیردی او نادر علیزاده ،علیرضا مکاری ،مهدی امینی لرله چیین- چیینه وئرمیشدی بونلارین آدلاری دوشمانلارین جانلارینا لرزه سالیردی…

او گون علی قارداشینی گؤردوم دئدیم:

-بیر آز تعریفله حجت نجور شهید اولدو؟

-… او سون نفسلرینده تفنگینی سیندیردی دوشمن الینه دوشمه سین دئیه بو جسارتی گؤرن دوشمن لر باشی اوسته گلیب جان وئرن لحظه لر اونا ایشکنجه وئریب گؤزلرینی چیخاردیرلار !…

یانی داعش درسلرینی بو وحشی لردن آلمیشلاردی دئمک ایستردیم…

اما چالاباش ائله جه اورمو و آزربایجان جوانلاری نین گؤزونده قورخو اولماز کی ؛

« دوشمنه باش ایمکدن بو باش، بو‌گؤز، بو بدن اولماسا یئیدیر.»

بیلمیرم رحمتلی حجت گلستانی ده شعبان اورتاسی بو دونیایا گؤز آچمیشدی یا یوخ اما ۱۳۶۰جی ایل خردادین۳ -ونده نیمه شعبان گونو گؤزلری وطن یولوندا مثله اولموشدور.

قانی دارلک داغلاریندا اورمو- سویوق بولاغ-قوشاچای ۳ یول آیریمیندا آزربایجان توپراغینا قیرمیزی امضا ووردو.

۱۳۵۷-۱۳۶۰اینجی ایللر آراسی سویوق بولاغ شهری کومله- دموکرات ترور‌گروپلاری نین ییغیناق، برنامه توکمک و فرمان مرکزی اولموشدور .

دارلک منطقه سینده استراتژیک دورومونا گؤره اوردو سالمیشلار

«اورمیه-سویوق بولاغ» و اورمیه- قوشاچای» اورتا نقطه سی دارلکده دوشمن لر تمام گوج و یاراقلارینی توپلایاراق غربی آزربایجان ایالتی نین جنوب شهرلری نین اورمیه ایله یول و ایلگی سینی کسیب تجزیه ایسترمیشلر اما اورمونون دویوشچولری اؤزللیکله ضربت گروهو اوردا بویوک حماسه یارادیب چوخ چتین بیر ساواشدا آذربایجان توپراقلارینی اشرارین شریندن قورویورلار

شهید مهدی امینی دارلک عملیاتیندان اؤنجه بیر موصاحبه ده دئمیشدیر:

دوشمن کوردوستان و غربی آزربایجانین گونئی منطقه سینده بویوک توطئه قوروب بونا گؤره سویوق بولاغ کندلری عملا پادیگانلاری اولموشدور.»

او تاریخی عملیاتدا ۹۶ ایگیدین شهادتی ایله دارلک ، گوی تپه و چئورده کی هامی کندلر تمیزلنیر و بئله لیک له باتی آزربایجان ایالتی تجزیه خطریندن قورتولور.

ساواشدا بیر یانلیش اولای اوزره ضربت گروهو دوشمن لرین اورتاسیندا محاصره یه دوشورلر سون گولله و گوجلری قدر دیرنیش و ساواش ائدیرلر اما سونوجدا مهمات قورتولوب گیره دوشورلر چوخلو ایشکنجه لر آلتیندا گول بدنلری آجیماسیز جلادلار الینده پرپر اولوب روحلاری حقه دوغرو قاناد چالیرلار

رحمتلیک صیاد گلی پوردان بیر شعر سردار امینی یه اتحاف:

شرفیم ، افتخاریم ، قانلی دوداقیم قانلی تاریخده یانان شانلی چراغیم گئجه گوندوز وطنین داشلاری اوسته سورونوبسن

هاردا بیر فتنه گوروب صبح و شام اوردا گؤرونوبسن

تانرینین عشقینه او قیرمیزی کورکون بورونوبسن

قلم آواره قالیب شانیوی تعریف ائده بیلمز

اوزووین ایشیقینا آی وورولوبدی ، گئجه نافیله قیلاندا

حله ده یئرده سنی آختاریر ،

او یول گئده بیلمز

بیرده بیر سؤز وار اودا یوم ازل خلق اولوناندا

تانری یا «بلی» دئیبدیر

دورا بیلمز، گووده بیلمز

آدیوی کیم آداش ائتمیش مهدی !

مهدی زمانلان

آند اولا قانیوا او یاخچی گوزلدن پای آلیبدیر

اونا الهام وئریلیب بلی سخاوت دنیزیندن

کرمیندن بیراتک نعمت آلیبدیر

یاز آلیبدیر، یای آلیبدیر

بو مسلمدی گوموش تئل آتالاردان آنالاردان

وئری باش شبیه یسی یوخ مالک اشتر کیمی سردار

یا کی ظلمت ائوینه وئریب ایشیق سالان اصلان

بلکه ده اولکه میزه گونده بزه کلی آی آلیبدیر

یوخ او دشمن گوزونی اوپماقا «دومرول» کیمی قافلان

الینه بیر دمیر اوجلو اوخ آلیبدیر

بیز هارا سن هارا ای اؤلکمیزین قهرمان اوغلی

ائلیم اوخشاد میشیدی چیینه توفنگین آشیراندا

سنی یالنیز مارالیم او اولو ستارخانه باقیرخانه دوغرو

آدیوا قلم آند ایچیرم کی آزدی

* حجت الهامی