AZOH: Liviya ərəb ölkələrində xalq hərəkatlarının ən qanlısına və ən uzununa səhnə olur.

41 illik iqtidardan çəkilməmək üçün müqavimət göstərən Müammər Qəddafi həm ölkədəki müxaliflərə, həm də NATO və Avropa Birliyinə meydan oxuyur.  Liviya diktatoru ən son verdiyi açıqlamada NATO və Avropa Birliyinin sonunun Liviyada gələcəyini deyib.

NATO-nun baş katibi Anders Foq Rasmussen isə alyans üzvü olan ölkələrdən daha çox təyyarə təmin etmələrini istəyib.  İngiltərə bu çərçivədə daha dörd təyyarə göndərməyə hazırlaşır.

Qəddafinin Tripolini havaya uçurmağa hazırlaşdığına dair iddialar isə rəsmi sözçüsü Musa İbrahim tərəfindən təkzib edilib. Musa İbrahim torpaqlarını və sahib olduqları neft mənbələrini müdafiə etmək üçün öldürəcəklərini və öləcəklərini bildirib.

TRT