بو گون يئل دونياني دولاشير، سويو، اودو حرکته گتيره رک يازين گليشيندن خبر وئرير بو گون يئل چرشنبه دير. يئل چرشنبه سينه ائل آراسيندا " کولکلي چرشنبه " ، " کولک اويادان چرشنبه " ، " يئللي چرشنبه " ده دئييلير.

قديم اعتيقادلاردا قئيد ائديليب کي، تورپاغين آلتيندا - " قارا نهرده " ياتميش دؤرد جور کولک يئر اوزرينه چيخاراق موختليف ليباسلاردا اؤزونو گؤسترير. ميفولوگيياميزدا آغ يئل - آغ، قارا يئل قارا، خزري - گؤي، گيلاوار - قيرميزي ليباسدا تصوير ائديلير. يئل چرشنبه سي گونو يئل بو دؤرد يئلله بيرلشيب دونياني دولاشير، گزيب اويانميش سويو، اودو حرکته گتيره رک يازين گليشيندن خبر وئرير.

شيفاهي خالق ياراديجيليغيندا يئلين تانري اولماسي ايله باغلي موختليف نغمه، افسانه، روايت، ميف، اينانج، مثل و س. يارانيب. قديم دئييملره گؤره، يئل بابا خيرمانا گلمه ميشدن قاباق اورادان بوغدا، دن گؤتورمزلر. سووورولماميش بوغدا گؤتوره نين اوغلو اؤلر.

بوندان باشقا، اينانجا گؤره يئل چرشنبه سي گئجه سي سؤيود آغاجي نين آلتينا گئديب نيت ائله و يئل باباني چاغير. اگر يئل بابا سنين سسيني ائشيديب اسسه و سؤيودون بوداقلاريني تورپاغا توخوندورسا، ديلگين يئرينه يئتر.

يئل چرشنبه سي گونو تونقاللار قالانير، ائولرده سودلو پلوو و يا بولغور آشي بيشيريلير. سوفره يه داها چوخ قورو مئيوه و دنلي بيتکيلردن حاضيرلانميش چرزلر دوزولور. قادينلار آخير چرشنبه اوچون حاضيرليقلار گؤرورلر. ائو اشيالاري سورتولوب تميزله نير، خالچا-پالاز چيرپيلير، يورغان-دؤشک هاوايا وئريلير. خانيملار اوشاقلاaر اوچون تزه پالتار بيچيب-تيکير. قيز-گلينلر قوز-فينديغي لپله ييب شيرنيات حاضيرليغي تداروکو گؤرورلر. بو گون بير قاريش بؤيوموش سمه ني نين اورتاسينا