AZOH: Liviyada qanlı toqquşmalar davam edir. Qəddafi qüvvələrinin Breqa şəhərinə hücumu nəticəsində 10 nəfər ölüb, 250 nəfər yaralanıb.

Misrata şəhərində də ağır toqquşmaların yaşandığı bildirilir.

Qəddafi qüvvələrinin gözlənilməz hücumu ilə mövqelərini itirən müxaliflət Tripolini ələ keçirməyə çalışır.

Liviya prezidenti Müammər Qəddafi isə beynəlxalq birlikdən gələn legitimliyini itirdiyi və artıq ölkəsini tərk etməli olduğu haqda çağırışlara meydan oxuyub.

Qəddafinin Zaviyədə tərəfdarları qarşısında etdiyi çıxış televiziya ilə canlı yayımlanıb. Liviya liderini dəstəkləyənlər "müxalifətə və NATO-ya ölüm" şüarları səsləndiriblər.

Qəddafi Qərblə əməkdaşıq edən müxaliflərin islama xəyanət etdiyini bildirib. Liviya prezidenti ölkəni tərk etməyə hazırlaşdığına dair iddiaları isə təkzib edib. Qəddafi xalqının onun üçün, özünün isə xalqı üçün ölməyə hazır olduğunu bir daha təkrarlayıb.

TRT