TALİBAN" QAÇIRDIĞI 16 POLİSİ ÖLDÜRÜB
AZOH: Pakistanın şimal-şərqində "Taliban" tərəfindən qaçırılan 16 polisin öldürüldüyü bildirilib.
Pakistan ordusundan verilən açıqlamada "Taliban"ın polislərin öldürüldüyünə dair görüntüləri yaydığı bildirilib.
Açıqlamaya görə, arxadan əlləri bağlı polislər bir dağın ətəyində sıra halında üzlərini gizləyən silahlı "Taliban" militanlarının qarşısında düzülüblər. Bir "Taliban" militanının polisləri 6 uşağı öldürməkdə ittiham etdiyi bildirilən açıqlamada daha sonra militanların polisləri silahla vuraraq öldürdüyü bildirilib.
"Taliban" militanlarının polisləri iyun ayında Pakistanın Yuxarı Dir bölgəsində qaçırdığı qeyd edilib.
TRT