English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net

پربیننده؛ سال گذشته

اینسانجیل دئموکراسی دئوریمی- تورک میللتی اوچون: بیر یئنی حادثه، ایکی فرقلی باخیش، اوچ بؤیوک مساژ

گونئی آذربایجاندان باخاراق تورکیه ده اوز وئرن ضربه گیریشیمی و اینسانجیل دئموکراسی حرکتی

یازارلار : آلتای اورمولو، قوملو چنگیز (چنگیز حسینی قمی)، 23 تموز 2016 (4 مرداد 1395)

***************

برای دریافت این کتاب ارزشمند به شکل پی دی اف بر روی لینک زیر کلیک نمایید. کتاب به زبان ترکی(لاتین) نیز در بخش ترکی موجود است.

http://azoh.info/index.php?option=com_jdownloads&Itemid=27&view=viewdownload&catid=2&cid=2259

***************

15 تموز ضربه گیریشیمی        و تورکیه نین عمومی وضعیتی                                                                                صفحه  2

کودتا و ضربه گیریشیمینین غالیب گلمه‌سی دوروموندا نلر بو میللتی گؤزله‌ییردی                                                          4

سعیدنورسی سوننو ترورچولوغون بانی‌سی و اونون اؤیرنجی‌سی فتح الله گولن                                                                   4

ضربه گیریشیمی علیئه‌اینه میللت و اوردو بیرلیگی حرکتینین آنا مساژلارینی                                                                7

تورک دوشمانلارینین ائلئشدیریلری                                                                                                                                                       9

منطق بیلیمی و جبرچیلیک و اؤزگورلوکچولوک باخیشی اساسیندا بیر یوروم                                                                11

گونازتی‌وی گونئی آذربایجانین میللی تلویزیونودور                                                                                                                            17

دنیز بایکال‌ین مالیخولیایی تفککورو                                                                                                                                                        19

گونازتی‌وی و آیدینلار ایران سئچیملرینده ان دوزگون توتومو اورتایا قویدولار                                                                   23

گونئی آذربایجاندا دونیا گؤروشوموز بعضی مسئله‌لرده هله‌ده هله‌دی آخساییر.                                                            23

فرانسه دئوریمی و تورک میللتینین اینسانجیل دموکراسی دئوریمی                                                                                  25

یئنیلگی و قالخیش یاشاییشین بیر پارچاسیدیر                                                                                                                               26

گله‌جگه باخیش                                                                                                                                                                                                          28

قایناقلار                                                                                                                                                                                                                    29

15 تموز ضربه گیریشیمی و تورکیه‌نین عمومی وضعیتی

تورکیه ده 2016 تموز آیی‌نین 15ینده آخشام ساعاتلارینا دوغرو اوردو ایچینده اولان بیر قروپ سیلاحلی دسته طرفیندن بیر ضربه (کودتا) گیریشمی باشلاتیلدی، کودتا آخشاما دوغرو بیر عده‌نی و اوجومله دن اوردونون باش ژئنئرالی، خلوصی آکار و بیر چوخ پولیس و دیگر اوردو قوْللاریندا اولان یوکسک روتبه‌لی اوردوباشچیلارینی توتوقلاماقلا، باشلادی و اونلارا کودتاچیلارا بویون اَیمک و قوشولماق اوچون باسقی یاپیلدی و نهایتا او گون سون ساعاتلاردا آچیق آشکارا قالخیشما اولدوغونو اعلام ائده‌رک، اوردو، و یایین مرکزلرینی اله گئچیرمه‌یه باشلادیلار و میللت مجلیسی و پولیس قرارگاهلاری بومبالانماغا باشلاندی ، بو آرادا جومهور باشقانی‌نین و آیریجا بیر چوخ پارتی باشقانلاری و اوردو باشچیلاری‌نین چاغریلارییلا، میللت مئیدانلارا تؤکولدو و جونتاچیلارین ایلرله‌مه‌سی دوردورولدو، سونرادا جوُنتاچیلاری گئریله‌مه‌یه زورلادیلار و نهایتا ضربه گیریشیمی پوسگورتولدو و یاتیشدیریلدی.

قوشقوسوز جونتاچیلارین یئنیلمه‌سینده ایکی بؤیوک عامیل و بیر سیرا شانس اثری اولایلار ائتگیلی اولموشدور.

ایلک عامیل تورک میللتی‌دیر، کودتا باشلار باشلاماز تورکیه جومهور باشقانی، اونا باغلی قوّه‌لر طرفیندن بیلگی‌له‌نر، اقامت یئریندن چیخار و آنکارا عوضینه استانبولا یولا دوشر؛ هاوا لیمانیندا اولانلارین یاردیمییلا گووه‌نلی یئره گئدر، بئیله‌لیکله خالقا چاغیریشلار باشلار و میللت خیابانلاردا و حساس نوقطه‌لرده توپلانماغا باشلاییر، بئیله‌لیکله کودتاچیلارا انگل تؤره‌نیر، و ایلرله‌مه‌لری بؤیوک اؤلچوه دوردورولور.

ایکینجی بؤیوک حرکت، اوردو ایچینده باش وئریر، چوخلو اوردو منسوبلاری و پولیس قوّه‌لری بو قالخیشمانی میللت و دئموکراسی علئیه‌اینه بیر تشببوث اولاراق، جونتاچیلارلا موقابیله‌یه باشلاییرلار. و نهایی ضربه‌نی جونتاچیلارا یئندیریرلر، کودتاچیلار یئنیلیرلر و وضعیت عادی حالا دؤنر.

البتده بورادا اینسانی گوجدن سؤز گئدیر، مسلماً، اینسان گوجونون یانیندا، ایله‌ری ایله‌تیشیم سیستئمی، اؤزل یایین تلویزیونلاری، و استخبارات سیستئمی‌نین یاردیمی و جومهورباشقانی و باش ناظر (باشباخان) و خالق طرفداری اوردو باشچیلارینین توتوقلانابیلمه‌مه‌سی و خالقلا ارتباطا گیرمه‌لریده اؤنملی رول اوینامیشدیر.

تورکیه ده ضربه گیریشیمی و اونون خالق و میللته باغلی اوردو بؤلوملری طرفیندن یئنیلمه‌سینین اوچ اصلی مساژی نی آچیق آیدین بیربیریندن آییرد ائتمک مومکوندور، البتده کودتانین یئنیلمه‌سیندن سونرا، بیر طرفدن گونلرجه حکومت طرفدارلارینین تظاهراتی و خالقین دوزنله‌دیگی سیاسی شنلیکلر، و آیری طرفدنده بیر سیرا سوروشدورمالار و توتوقلامالار، بو مساژلاری کؤلگه‌ده بوراخاجاقدیر آما بونلار سونا اره‌جکدیر و یئنه ده دئموکراسی حرکتینین اصلی مساژلاری قالیجی اولاراق، بوتون ساحه‌لرده تاثیرینی بوراخاجاقدیر.

طبیعی کی بو مساژلارلا باغلی هر شئی و هر تور گلیشمه، یئنه‌ده میللت‌دن آسیلیدیر و میللتین واسیطه‌سییله یئرینده اوتورمالیدیر و اگر میللتین صحنه‌ده اولماسی پوزولورسا وخیم سونوجلار ایتفاق دوشه‌بیلر.

بو سون سؤز حاققیندا ایران دئوریمی ان آچیق و آیدین اؤرنک اولابیلیر، ایراندا میللت دئوریمی گرچکلشدی آما بیر طرفدن گئری تفککورلو دین آداملارینین حیله و آلداتمالارلا خالقین اعتمادینی قازاناراق ایش باشینا گئچمه‌لری و خالقیندا اونلارا گووه‌نمه‌سییله صحنه‌دن چکیلمه‌سی، هر شئیی ترسینه چئویردی و ضید اینسانی و ترورچو فارس حاکمیتی ایش باشنا گلدی و یالنیزجا بوتون مملکتین ثروتی‌نی و خالقی غارت ائله‌مکله قالمایاراق، اورتا دوغو اؤلکه‌لرینی و اؤزللیکه، چوخ یئرلرده آزینلیقدا اولان بدبخت شیعه‌لر یاشایان، مملکتلری اودا چکدی و بوتون خالقی قاراگونه سوروتله‌دی.

دئموکراسی حرکتینین مساژلارینا گئچمه‌دن تورکیه‌نین عمومی وضعیتی حاقدا قیساجا بیلگی وئریلیر.

تورکیه گئچمیش 10-15 ایلده بؤیوک ایلرله‌مه‌لر الده ائتدی، تورکیه‌نین 2000لردن 2015لره قدر آدام باشینا گلیری ایکییه قاتلاناراق، 2002 ده یئنیدن G20 اؤلکه‌لری سیراسینا گیردی. تورکیه اوردوسو دونیانین 6ینجی بؤیوک اوردوسو اولاراق، ناتو اؤلکه‌لری ایچینده آمریکادان سونرا ان بؤیوک اوردویا صاحیبدیر.

بیر حالداکی آوروپا اؤلکه‌لری 7-8 یوزمین سیغینماجییلا بؤیوک بحرانا دوشه‌رک حتی بیرلیگی بئله سوال آلتینا گئدیر، تورکیه میللتی و دؤولتی 3 میلیویندان آرتیق سوریه‌لی‌نی ایللرجه اؤلکه‌لرینده باریندیریرلار.

ان اؤنملی‌سی تورکیه اورتا دوغو مملکتلری ایچینده ان گئنیش دئموکراسی‌یه صاحیبدیر و خالق اؤزگورجه‌سینه صاندیق باشینا گئدر و ایسته‌دیگی حیزب و پارتی‌لره سس وئرر و ایسته‌دیگی قروپو مجلیسه گؤنده‌رر،

بو مجلیسده ایسلامچیلاردان توتوب تا آتاتورکچو تورکچولر و کورد حیزبلریده اؤز تمثیلجیلرینی آزادجاسینا مجلیسه گؤندرمیشلر، و هر اولای حاققیندا اؤز سسلرینی خالقا چاتدیریرلار و ایسته دیگی یاسالاری قانون چرچیوه‌سینده تصدق ائده‌بیلیرلر.

کودتا و ضربه گیریشیمینین غالیب گلمه‌سی دوروموندا نلر بو میللتی گؤزله‌ییردی،

جناب اینصافعلی بگ‌هدایت بو حاقدا مفصل مقاله یازاراق بو مُصیبتلری 30 بؤلومده وئریبدیر بورادا اونلاردان ییغجام بیر بؤلوم وئریلیر:

1-ضربه‌چیلر غالیب گلسَیدیلر: نیظامی حکومت اعلام اولاجاقدی، آنا یاسا اوزون مدّت گوندمدن چیخاجاقدی، مجلیس باغلاناجاقدی، و مدنی قوروملار و دئموکراسی تعطیل اولاجاقدی.‌

2-بوتون میللت وکیللری، ایالت باشقانلاری، حیزب عضولارینین چوخو و بوتون دئموکراسی یانلیلاری توتوقلاناجایدیلار و چوخو اعدام اولاجاقدیلار.

3-گازئته‌لر، تلویزیونلارین چوخو باغلاناجاقدی، و آزادلیق بؤیوک اؤلچوده یوخ اولاجاقدی.

4-واردات و صادرات دوراجاقدی و یونیوئرسیته‌لر بیر مدّت تعطیل اولاجاقدی.

5-توریسم صنعتی دوراجاقدی و میللتین گلیری کسیله جکدی.

6-تورکیه‌نین اوروپا اویه‌لیگی دوردورولاجاقدی و تورکیه‌نین اولوسلار آراسی اعتباری آرادان گئده جکدی

7-اؤلکه‌ده بؤیوک قارقاشا یاراناجاقدی و گووه‌نسیزلیک و امنیتسیزلیک بوتون مملکتی بورویه جکدی.

8-باتیلی دؤولتلر و روسیه، کورد ترورچولارینی، تورکیه‌نین بیر چوخ بؤلگه‌لرینه مسلّط ائده‌جکدیلر و ترور هر یئری اودا چکه‌جکدیلر. و تورکیه ده کوردوستان دؤلتی بیر اویونجاق اولاراق منطقه‌نی ترورا بولاشدیراجاقدی.

9-ایسلامچیلار عئینی ایران امامیه شیعه‌سی کیمی تورکیه‌نیده ترور یووالارینا تبدیل ائده‌جکدیلر و شیعه سوننو چاتیشماسی بوتون منطقه‌نی اودا چکه‌جکدی.

سعیدنورسی سوننو ترورچولوغون بانی‌سی و اونون اؤیرنجی‌سی فتح الله گولن

فتح الله گولن سعید نورسی آدیندا بیر شخصین اؤیرنجیسی و اونون دینی مکتبی‌نین واریثی کیمی تانینیر.

سعید نورسی 1877 ایلینده تورکیه ده بیتلیس شهرینین نورس کندینده آنادان اولور، گویا کورد کؤکنلی‌دیر، نورسی دینی تحصیل آلیر، چوخ رساله‌لرین «نور رساله‌سی» آدیندا یازیر.

آتاتورک طرفیندن تورکیه جومهوریتی قورولارکن، نورسی یئنیلیکلره قارشی چیخیر، نورچولار دئموکراسی نی و لاتین الیفباسینی شیطان نیشانه‌لریندن بیلرلر، سعید نورسی بیرینجی دونیا ساواشیندان یئنی قورتولموش آنادولو خالقینی ایچ ساواشا سوروتله‌ییر، 1925 ده توتوقلانیر و سونرادا بوراخیلیر، او ترورباشچی‌سی اوجالان کیمی هئچ واخت ائولنمیر و 1960 دا اؤلور. نورسی‌نین کیتابلارینین آدی نور رساله‌سی اولدوغو اوچون، اؤیرنجیلرینه نورچو دئییردیلر،

فتح الله گولن 1941 ده تورکیه‌نین ارضروم شهرینده آنادان اولدو، او سعید نورسی‌نین اؤیرنجی‌سی ساییلیر، او سونرالار بؤیوک خطیب کیمی اورتایا چیخدی و نورچولار مکتبی‌نین و آیری دئییشله نورچولار فیرقه‌سینین اؤندری کیمی تانیندی، ایندیلیکلرده نورچولار اوچون، فئتؤ ویا فتح‌اوللاه‌چی و گولنچی جماعتی ده دئییرلر. اونلار ظاهیرده لاییسم سیستئمینه قارشی اولمایاراق ائیله‌یه بیلدیلر بؤیوک بیر قروپو آرخالارینا آلسینلار، و مختلیف اؤلکه‌لرده اؤزللیکله تورک جومهوریتلرینده مدرسه‌لر آچاراق میلیونلارجا اؤیرنجینی درسخانالارا جذب ائتدیلر، دئمک اولار یاخین گئچمیشه قدَر، تورکیه گنلینده بؤیوک اؤلچوده دینچیلر ایچینده گولن طرفدارلارینی گؤرمک مومکون‌ویدو.

فتح الله گولن ایلک دؤنملرده اردوغان قروپویلا بیر جبهه ده اولاراق سونرالار تورکیه‌ده ایقتدارا یئتیرن ایسلامی حیزبلرله ایختیلاف تاپار و 1999 دا آمریکایا گئدر و او زاماندان بری پنسیلوانیا ایالتینده اقامت ائدر.

ایندیلیکده دین فاناتیزمینی بیر سکّه نظرده توتارساق، فارس موجتهیدلری، امامیه شیعه‌لیگینین رادیکالیسمینی یانسیداراق سکّه‌نین بیر اوزو ساییلیرلار، عئینا فتح‌الله گولن ده سوننولوک مذهبینین رادیکالیسمینی یانسیداراق سکّه نین اوبیری اوزو ساییلیرلار، ایراندا فارس موجتهدلری جناب خامنه ای‌نی ایمام مهدی کیمی تانیتدیریرلار، آیت الله سعیدی دئییر جناب خامنه‌ای آناسینین قارنیندان باشینی ائشیگه چیخاردارکن یاعلی سسله‌ییر و اوبیریلریده جناب خامنه‌ای‌نی امام زامانین اؤزو ویا تام‌الاختیار بیر نوماینده‌سی کیمی تانیتدیریرلار.

تورکیه سوننولری ایچینده‌ده دینچی جماعت بیر سیرا حدیثلره سؤیکه‌نه‌رک، فتح‌الله گولن‌ی مهدی و ایمام زامان کیمی تانیتدیریرلار.

نورچولار کوردلر ایچینده ده فعالدیلار و بونون سببیده سعید نورسی نین کورد کؤکنلی اولماسیدیر، سوریه‌ده کوبانی شهرینین خارابا قالماسینین اصلی سببی پ.ک.ک. قروپویلا داعش قروپو اولموشدولار، کوبانی ده اولان داعش قروپودا کوردویدولر و نورچولار قروپونا عاید ایدیلر، بو ایکی قروپ یعنی پ.ک.ک. کورد ترورچولاری و داعش کورد نورچولاری او قدر بیربیرلرینه بمب آتدیلار و سونوندا کوبانی‌نی خارابایا چئویردیلر،  البتده یئنه‌ده او  بؤلگه‌نین ایکی یوزمیندن آرتیق آوارا کوردلری تورکیه‌یه سیغیندیلار و تورک دؤولتی و میللتی نئچه ایلدن بری بو آوارا سیغینماجیلاری باریندیرماقدادیر، بونا باخمایاراق یئنه‌ده اونلارین ترورچو قروپلاری سوریه‌ده و عراقدا تورکیه علئیه‌اینه ساواشیرلار و یئری گلدیکجه تورکیه ده ده بومب پارتلادیرلار.

-نورچولار و گولنچیلر یازیلاریندا ظاهیرا بیرلیگه و وحدته اؤنم وئریرلر اؤزلرینی اصیل ایسلام دینینین واریثلری بیله‌رک، فلسفی دوشونجه‌لرینده «وحدت مسئله‌سینی اینسانین اصل و ذات‌یندان سایاراق، ایختیلاف عنصرونو عرَضی، اعتباری و صفت اولاراق تانیییرلار» آیری دئییشله، اونلار وحدت مسئله‌سینه اؤنم وئره‌رک، اونو اینسانین کؤکونده اولان بیر عنصُر کیمی بیلیرلر آما ایختیلاف مسئله‌سینی اینسانین کؤکونده اولمایاراق بو مفهومو سونرالار یانلیشلیقلا اؤیره‌نیرلر و ایشله‌دیرلر.

بو فلسفی تئوری حاققیندا قیسا بیر آچیقلاما وئرمک داها آیدینلادیجی اولاجاقدیر.

اونلارین سؤزده وحدته اؤنم وئردیکلرینه رغماً، عمللرییله تفککورلری، بیربیریله توتمور، اونلار تورکیه توپلوموندا ان بؤیوک ضدیت یارادان شخصلردن ساییلیرلار و باشقا اینانجلی اینسانلاری دوشمن کیمی تانیتدیریرلار. گنللیکله بعضی مفهوملارین ذاتی و بعضیلرینین عرَضی اولدوغو (اؤرنک اوچون بیرلیک و وحدت ذاتی‌دیر و ایختیلاف عرَضی‌دیر) ایسلام فلسفه‌سینین ایلک دؤنم فیلسوفلارینا عاید بیر نظریه‌ایدی،

بو نظریه‌نین اساسی بیر سیرا شئیلرین هئچ واخت دَییشمه‌دیگی تئوریسینه دایانیر، قدیم فیلسوفلار بئیله دوشونوردولر، هر بیر موجودون و حتی هر بیر مفهوم و صورت‌ین بیر ظاهیری و بیرده اصلی واردیر و اونا ذات ویا کؤک دئییردیلر، هر موجودون ذاتی همیشه ثابت حالدادیر و موجودون مختلیف بؤلوملری دَییشسه‌ده، اونون ذاتی هئچ واخت دَییشمز (مثلا بیر شخص تئیمور آدیندا دَییشسه‌ده اونون ثابت ذاتی دَییشمز و بو سببدن چوجوق، گنج و یاشلی اولسادا یئنه‌ده تئیموردور‌)، ایندیلیکده بو نظریه‌لر چاغدیشی نظریه‌لر سیراسیندادیر چونکی نه حرکت و دییشیم نظریه‌‌سییله و نه نیسبیت تئوری‌سییله هئچ بیر اویوشماسی یوخدور، آما یئنه ده بوجور کؤهنه بئیین و چوخودا رادیکال دینچی عالیملر، او کؤهنه تئوریلری ساوونارلار.

چاغداش فلسفه بو مفهوملارین یئرینه تئز، آنتی تئز و سنتز مفهوملارینی، دَییشیم و حرکت تئوریلری ایچینده قویور، یعنی وحدت ویا ایختیلاف مسئله‌لری تئز و آنتی‌تئز کیمی عنصرلاردان باشقا بیر شئی اولمایاراق بیربیرلرییله قایناشاراق یئنی عنصُرلارا یعنی سئنتئزه دؤنوشورلر. ضربه گیریشمی اولاییندادا، اینسانجیل دئموکراسی حرکتی بو دَییشیملرین و قایناشمالارین سونوجو کیمی دیَرلندیریلمه‌لیدیر.

هر حالدا بورادا داها درینه گئتمه‌دن موضوعیا سون وئریریک و بو رادیکال دینچیلرین عمللری‌نین چاغدیشی اولدوقلارینا ایشاره ائده‌رک ایسته‌دیک بونو دییک اونلارین فلسفه و منطق دئدیگی شئیلرده، کؤهنه تئوریلرین گَوشه‌مه‌سیندن وحتی ساپدیرماسیندان باشقا بیر شئی دئییل. و اینسانلاریمیز اونلارین یئکه یئکه دانیشماقلارینا باخمایاراق، سؤزلرینی دوزگون آراشدیرمالی و اؤزللیکله عمللرییله سؤزلرینین اویوشماماسینا دیققتله یاناشمالیدیلار. نورچولار اینانج لاحاظیندان، امامیه شعیه‌لیگییله یاخیندیلار، اؤزللیکله قارشی «مذهبی فیرقه‌لره» دوشمنچیلیک تؤرتمک حاقد،ا اینانجلاری ائش دیَر ساییلیر، چونکی امامیه شیعه‌سی ده تقیه اصلینه سؤیکه‌نه‌رک وحدت دن دانیشار، ولی عملده دوشمنچیلیک تؤرتمک و آیریلارینی ناصبی بیلمک و اونلارین قانینی، مالینی و ناموسونو حلال اعلام ائتمک اونلارین اصلی هدفلریدیر.

وقتی اینسان تورکیه دئموکراسی حرکتینه دریندن باخیر، ایران اینقیلابی یادینا دوشور، خاچلی تفککورلو باتیلی قروپلار 15 ایل خمینی‌نی قوْرودولار ساخلادیلار و سونرادا خالقین یاراتدیغی اینقیلابین دالقالارینا مینه‌رک اونو ایرانا گتیردیلر و اؤندر اولماسینا چالیشدیلار و اونون واسیطه‌سییله ایرانی و منطقه‌نی اودا چکدیلر، ائیله گؤرونور همان خاچلی قروپلار فتح الله گولن-ی ده 15 ایل یئدیردیلر و ایچیردیلر و سونرادا بیر ضربه گیریشیمی اییله ایسته‌دیلر اونو تورکیه‌یه گتیرسینلر و بؤلگه‌نی داها بؤیوک اؤلچوده خارابا قویسونلار، آما تورک میللتی آییق‌ایدی و اونلارین اویونونا گلمه‌دیلر و اصلینده اورتادوغونو داها بؤیوک فلاکتلردن قورتاردیلار و بو اوزدنده اؤزلرییله بیرلیکده بو منطقه‌نین بوتون میللتلرینه‌ده بؤیوک خیدمت ائدیبلر.

ضربه گیریشیمی علیئه‌اینه میللت و اوردو بیرلیگی حرکتینین آنا مساژلاری

بو مساژلاری بئیله سیرالاماق اولار.

1-دئموکراسی ده یئنیلیک، 2-دین ده یئنی یوروم، 3-اوردودا یئنی دوزَنله‌مه

1-دئموکراسی ده یئنیلیک : دئموکراسی تورک میللتی‌ آنلایشینین بیر پارچاسیدیر، بو حرکتله تورکیه خالقی و اؤزللیکله تورک میللتی، اؤزلرینین دئموکراسی و اؤزگورلوک آنلاییشلارینی اورتایا قویدولار.

خالقا اولان چاغریشلاردا ان بؤیوک رولو، اقتدار پارتیسییله بیرلیکده، مجلیسده اولان بوتون پارتیلرین اویه‌لری، و اوردو منسوبلاری اوینامیشدیلار، اؤزللیکله تورکوندن و کوردوندن توتوب، بوتون دئموکراسی یانلیسی قوّه‌لرین بیرلیکده حرکتلری، تورکیه توپلومونون عاغیلجی بیر گوجه صاحیب اولمالارینین گؤسترگه‌سی و نیشانه‌سیدیر.

بو مقاله نین آدینی من اینسانجیل دئموکراسی حرکتی قویدوم، چونکی بو حرکتده اینسانی دیرلره اؤنم وئریلمیشدیر، بیر حالداکی آوروپادا و آمریکادا دئموکراسی یالنیز آوروپالیلارین چیخارلاری اوزه‌‌ره قورولموشدور و یئری گلدیکجه همین دئموکراسی‌دن سیغینماجیلار و حتی اوچونجو دونیا اؤلکه‌لرینی استعمار ائتمک اوچون یارارلانیرلار، تورکیه ده بونون تام ترسی اولاراق ان چتین ایقتیصادی و سیاسی حاللاردا بئله سیغینماجیلارا و اؤزگه اؤلکه‌لرین اینسانلارینادا (غزه، آفریقا) یاردیملارینی اسیرگه‌مه‌ییبلر.

یئنه‌ده اینسانجیل کلمه‌سی بو حرکتین دینی و نظامی (اوردوسال) مساژی اوچون ده گئچرلیدیر.

2-دین ده یئنی یوروم : (دین تورک میللتی یانیندا یئنیدن یوروملانمیشدیر و تورک میللتی گولنچی رادیکالیسمینی بنیمسه‌مکدن قورتولموشدور.

تورک میللتی مئیدانلارا تؤکولمکله و قالخیشمایا قارشی چیخماقلا اورتادوغودا دینین رادیکاللاشماسینا رغما، تک بیر اورک کیمی بو رادیکالیسمی رد ائتمیشدیر، اونلار جماعت اینانجینا یوخ دییه‌رک رادیکالیسمی بوسبوتون، اوزه‌ریندن آتماق ایسته‌میشدیر و لاییسم تفککورونو و اینانج اؤزگورلویونو چاغداش بیر بیچیمده و یئنیدن بنیمسه‌میشدیلر.

فتح‌اوللاهچی‌لار بئیله دوشونوردولر میللتین بؤیوک قیسمی اونلارلادیلار و بالاجا بیر قارشی دورما اولسا، بوتون میللت اونلارین دالیسیجا قوشاجاقلار، آما هر شئی ترسینه اولدو و خالق اثبات ائله‌دی گولنچیلر یانلیش تفککوردادیلار و تورک میللتی اونلارلا هئچ بیر علاقه‌لری یوخدور و بو میللت اؤز یولونو چاغداش ایلکه‌لر اساسیندا سئچمیشدیر.

بیر لحظه بونا فیکیرله‌شک حتی اگر تورک میللتی‌نین کیچیک بؤلوموده فتح‌اوللاهچی‌ یانلیسی آداملار خیابانلارا و مئیدانلارا چیخسایدلار نه‌لر اوز وئره‌بیلردی، اما تورک میللتی تک بیر اورک کیمی اونلارا حتی اؤزلرینی گؤسترمه‌یه بئله اجازه وئرمه‌دی و بو توتوم، بو حرکتین ان مثبت و سئویندیریجی طرفیدیر.

کودتا قارشیتی تورک میللتینین حرکتینین ذاتیندا و ایچریگینده، دینچی رادیکالیسمینین علئیه‌اینه، چاغداش ایلکه‌لر اساسیندا یئنی و عاغیلجی دین یورومونو قویموشدور، تورک میللتینین دین آنلاییشی، تروردان اوزاق، چاغداش و اینسانجیل، دئموکراسی‌دن یانا، سوسیال حقوق دؤولتی و اؤزگور میللت‌دن یانا، دین یورومو اولموشدور، تورک میللتی تک بیر اورک کیمی ایسلام دینینی یئنیدن یوروملامیشدیلار و اطرافدا اولان رادیکال ترورچو و دینچی دؤولتلره رغما، اؤزگورلوکچو بیر دین تانیتدیرمیشدیلار، اونلار بو حرکتله فارس حاکمیتینین ترورچو امامیه شیعه‌لیگینه، عراق و سوریه حاکمیتینین ضد سوننو دینی توتوملارینا، و آیریجا غیر دموکراتیک سوننو دؤولتلرین دینی آنلاییشلارینا دا یوخ دییه‌رک، اؤزگورلوکچو ایسلام دینینی اورتایا قویموشدولار.

بو مقاله نین آدینی من اینسانجیل دئموکراسی حرکتی قویدوم، چونکی بو حرکتده اینسانجیل تفککورو، دمکراسی اییله بیرلیکده دین اوچونده گئچرلیدیر، تورک خالقی بیرلیکده، سوننو و شیعه تورکوندن توتوب، تورک، کورد و دیگر ائتنیکلره کیمی هامی، بوتون اینسانلاری احاطه ائده‌جک اینسانی و چاغداش دینی بنیمسه‌میشدیلر، اونلار چاغدیشی داعش تفککورلو، نورسی و گولنچی تفککورلو دینه یوخ دئدیلر، تورکیه علویلریده، هر جور ترروچو دینی تفککورلره یوخ دییه‌رک قوشقوسوز هرجور نورچو و امامیه اساسلی و ترورا بولاشمیش سؤزده دین آدلانان دوشونجه‌لری بیر طرفه آتاراق، اینسانجیل ایسلام دینینه سؤیکندیلر و ان بالاجا تردّودا یول وئرمه‌دن ایختیلاف یارادان دینچیلره دور دئدیلر.

3-اوردودا یئنی دوزنله‌مه : گولنچیلر فیکر ائدیردیلر اوردو"دا بیر چته دوزلده‌رک و اونلاری تانک و اوچاقلارلا مئیدانلارا سوره‌رک، خالقی بؤیوک قورخویا سوروتله‌یه‌جکلر، قارشی دورانلاری قیرماقلا اونلار ایچینده ایکی تیره‌لیک و بؤیوک ایختیلافلار سالاجاقلار، و بو اورتامدا اوردو بوتون دؤلت و خصوصی قوُروملارا و ایش یئرلرینه مسلّط اولاجاقلار.

آما بیر طرفدن میللت و اونون یانیندا اولان اوردونون بؤیوک بؤلومو بو قالخیشمانین علئیه‌اینه اولاراق گولنچیلرین قارشیسندا جانلارینین باهاسینا دایاندیلار و اثبات ائتدیلر گولنچیلر بؤیوک خطالارا دوشموشلر.

بو سؤزو قطعیتله دئمک اولارکی هم میللت یئنی اوردو ایسته‌ییر، و دئموکراسی دن یانا اولان و میللتدن یانا اولان اوردو طرفداریدیر و هم اوردو دا، چاغداش ایلکه‌لر اساسیندا یئنی بیر دوٌزنله‌مه ایسته‌ییر، و بالاجا چته‌لر خاریج، اوردونون اصلی بؤلومو میللتدن و دئموکراسیدن یانا بیر داورانیش سرگیله‌دیلر.

بو موضوعنو اییی آنلاماق لازیمدیر.

بیر لحظه دوشونون اوردو نون بؤیوک بؤلومو بو ضربه‌نین دالیسیندا دورسایدیلار نه ایتفاقلار دوشه‌بیلردی؟ ویا اوردونون بؤیوک بؤلومو بو قالخیشما قارشیسیندا پاسیو و مُنفعیل اولسایدیلار، نَلر اوز وئره‌بیلردی؟ قوشقوسوز هم میللت وهم اؤلکه، چوخ بؤیوک خسارتلره معروض قالابیلردی.

اؤرنک اوچون اشاره اولونمالیدیر 1965 ایلینده اندونزی اؤلکه‌سینده سوکارنو"نون علئیه‌اینه، ژئنرال سوهارتو"نون ضربه‌سی سببییله 500 میندن چوخ اینسان قتله یئتیردی.

یئنه‌ده شیلی ده، آلنده علئیه اینه، پینوشه ضربه یاپدی و یونانیستانده ضربه یاپیلدی و اون مینلرجه اینسان هلاک اولدو و بو اؤلکه‌لرده ایقتیصادی و ایجتیماعی جهتدن بؤیوک گئریله‌مه‌لر ووجودا گلدی.

شکسیز تورکیه ده ضربه بؤیوک اؤلچوده اوجوز آتلاتیلدی و بونون دا سببی ایکی عامیلدن باشقا هئچ بیر شئی دئییلدیر، اونلارین بیری میللتین تک بیر یومروق کیمی ضربه‌چیلرین قارشیسیندا دورماسی‌ایدی، و ایکینجیسی و اینانیلماز شکیلده داها بؤیوک اؤنم داشییان، اوردونون بؤیوک بؤلومونون خالقدان یانا اولاراق چته‌چیلرین قارشسیندا دایانماسی ایدی.

--بو دؤنمدن سونرا اوردو دان حمایت ائتمک، و اونو دئموکراسی دوشمنلریندن آریندیرماق، و دوزگون چرچیوه‌لر اساسیندا دوزَنله‌مک یالنیز و یالنیز یئنه‌ده خالقا دوشر، قوشقوسوز دوشمنلر ایسته‌ییرلر اوردو ایله خالقین آراسیندا اوچوروم دوزلده‌لر و اوردونون ایماجینی و تورکچو و اؤزگورلوکچو تصویرینی، خالقین گؤزونده اسکیلده‌لر؛ یئنه بورادادا تورک میللتی تعیین ائدیجی رولا صاحیبدیر، ضربه گیریشیمی حرکتلری آچیقجا بونا دلالت ائدیرکی تورک میللتی بؤیوک و تهلیکه‌لی دوشمنلر قارشیسیندا، دوشمنلرین اویونلارینا گلمه‌یه‌رک اؤز اوردوسونو قورویاجاقدیر.

بو بؤلومده و منیم دؤشونجه‌مه گؤره تورک اوردوسوندادا یئنی دؤنم باشلایاجاق. تورک اوردوسو اینسانجیل دئموکراسیدن و اینسانجیل دیندن یانا اولاراق گوجله‌نه‌جکدیر، تورک اوردوسو بوتون داعشچی گولنچیلره و نورچولارا یوخ دئدی، او ایسته‌مه‌دی ترورا بولاشمیش اینانجلارلا بیرلیکده حرکت ائده، تورک اوردوسو بوندان بئله ده ترورا قارشی ان قاتی اینانجلا ائییتیله‌جکدیر و تورکیه میلتینین ایچینده اونون سینیرلارینی قورویاراق اینسانجیل دینین و اینسانجیل کولتورون و دئموکراسینین قورویوجوسو اولاجاقدیر.

تورک دوشمانلارینین ائلئشدیریلری

--بعضیلری بئیله دئییرلر گویا اردوغان دینچی بیر شخصدیر و آیریجا اورکدن آتاتورکه باغلی دئییلدی. بوجور سؤزلرین نه قدر یانلیش و دوز اولماسی اصلا اثباتلانابیلیر بیر شئی دئییل و بئیله حاللاردا یالنیز بوجور شخصلرین ائیلملری و حرکتلری ملاک و قانیت کیمی گؤز اؤنونه آلینمالیدیر.

بورادا اردوغان یالنیز و یالنیز بیر سمبول کیمی خالقین اؤنونده گئتمیشدیر و بو جهتدنده بؤیوک رول اوینامیشدیر و تقدیره لاییق بیر شخص اولاراق تانینمالیدیر.

آیدیندیرکی بیر شخصین بللی بیر دؤنمده اورتایا قویدوغو بو تور دوزگون و خالقدان یانا حرکتلری، سونراکی حرکتلرینین دوزگون اولماسینا دایر بیر اثباتلاما دلیلی کیمی گؤسترمک آنلامسیز بیر شئی اولاجاقدیر.

--بیر لحظه بونو دوشونون تورک میللتی و بوتون پارتیلر، ضربه‌چیلر علئیه‌اینه جانلارینی وئره‌رک چیرپیشیرکن بیر عیدده باتیلی اؤلکه‌لردن اولاراق قونوشما یاپارلار و دئییرلر «بیز هر ایکی طرفدن ایسته‌ییریک باریش اوچون تلاش ائتسینلر» (عئینا آذربایجان توپراقلارینی ایشغال ائدن تجاووزکار ارمنیستان حاققیندا، مینسک قروپونون وئردیگی توصیه‌لر کیمی).

هله بئش-آلتی ساعات ضربه‌چیلرین اورتایا چیخماسیندان گئچمه‌دن، چته‌چیلری بیر معامله طرفی کیمی تانیماق نیشان وئریر، اونلارا تورک میللتینین مئیدانلاردا حاضیر اولماسی یوخ، بلکه بیر چته قروپونو مُخاطب آلینماسی داها اؤنملیدیر، بیز بورادا داها درینه گئتمه‌دن سؤزه سون وئریریک و بوجور داورانیشلار نیشان وئریر باتیدا اولان دموکراتیک قوّه‌لرین یانیندا، چته طرفدارلاری اولان و اصلینده خاچلیلارین اوزانتی‌سی اولان قوّه‌لرده، تورکیه علئیه‌اینه اکتیودیلر و بو تور مسئله‌لر هر آن، تورک میللتینین و اونو یؤنه‌تنلرین ذئهنینده اولمالیدیر.

ویا بیبیسی فارسجا تلویزیون کانالی، تورکلری ضعیفلتمک اوچون و اؤزللیکله تورکیه و آذربایجان جومهوریتی دوشمنچیلیگی یاراتماق اوچون، گئجه گوندوز یایین یاپیرلار، بو جور تورک دوشمنچیلیگینی یالنیز فارس راسیسمی اوستونه آتماق بوجور حرکتلری تام آنلامییلا آچیقلیغا قاووشدوروا بیلمز، مسلما بیبیسی‌نین اینگیلیس قوُرومو بو جریانی دستکله‌ییر، یؤنلَندیریر و اونو ارتزاق ائدیر و بو موضوع نیشان وئریر تورک خالقی و یئتگی‌لیلری، اونلارلا متفیقلیق چرچیوه‌سینده آنلاشمالارین یانیندا اونلارین ال آلتی حرکتلرینه ده دیققت ائتمه‌لیدیلر. قوشقوسوز باتی اؤلکه‌لرینده بللی کسیملر، خاچلی سفرلر یاراتماق پئشینده اولاراق تورک میللتینی قارقاشایا سالماق و اونلاری سارسیتماق و ضعیفلتمک ایسته‌ییرلر.

--بعضا و اؤزللیکله تورک دوشمانلاری اولان فارسچیلار بئیله دئییرلر بو ضربه بیر گئجه مدتینده اورتایا چیخدی و یاتیشدیریلدی بو سببله بو قالخیشما بیر اویون‌دور و گرچکدن ضربه یاپیلماییبدیر و بونلار اردوغان کیمی شخصلرین نقشه‌سی ایدی و هدفلری موخالیفلری اورتادان گؤتورمک‌ایدی.

اونلار دوشوک و اسکیک تفککورلر اساسیندا حادیثه‌لری یوروملاق ایسته‌ییرلر و تورک میللتینیده اؤزلرینه تای، اونون بونون اویونجاغی کیمی (آلتِ دست) بیر شئی گؤسترمه‌یه‌ چالیشیرلار و بو بؤیوک حرکتین اؤنمینی سوال آلتینا آپارماق ایسته‌ییرلر.

جاواب وئریلمه‌لیدیر : فارسچیلار بو تور سؤزلرله اؤزلرینین کؤهنه بئیین اولدوقلارینی بیر داها ثبوت ائدیرلر، اونلار فیکر ائدیرلر دونیا همان مصدّیق زامانیدیر ویا دونیا سوکارنو و او دؤنم اندونزی زامانیدیر ویا دونیا همان آلنده و او دؤنم شیلی زامانیدیر، فارسچیلار یاددان چیخاریبلار ایندی ارتباطات و ایله‌تیشیم زامانیدیر، ایلک تانک خیابانا یئریدیینده، خبر بوتون دونیایا یاییلمیشدیر و آییق میللت تصمیمین توتموشدور.

فارسچیلار فیکر ائدیرلر تورکیه‌ده، ایران کیمی بیر اؤلکه‌دیر و هر شئی بوسبوتون دؤولتین ایختیاریندادیر حالبوکی اورادا یوزلرجه اؤزل کاناللار و شبکه‌لر واردی و اگر ضربه‌چی چته، دؤولت رادیو تلویزیونلارینا ال قویورسا، اؤزل شبکه‌لر ائیلیه‌بیلرلر مختلیف بؤلگه‌لردن ضربه‌چیلره قارشی اولانلارین و جومهور باشقانینین سسینی بوتون میللته یئتیرسینلر.

منطق بیلیمی و جبرچیلیک و اؤزگورلوکچولوک باخیشی اساسیندا بیر یوروم.

بو مسئله‌نی آچماق اوچون ایکی تئرمینه یعنی جبرچیلیک و اؤزگورلوکچولوک سؤزلرینه آچیقلیق گتیرمک لازیمدیر. اومود ائدیرم بو بؤلوم اؤیرنجیلر و اؤزللیکله کلام و منطق بیلیمی اوخویان طلبه‌لر اوچون یئنی یوروم اؤرنگی کیمی یارارلی اولسون.

جبرچیلیک : بو تئرمین بیر نوع باخیش آچیسی اولاراق هر شئیی جبریه اساسیندا گؤرور و بئیله دوشونور نئجه‌کی هر شئیین قدَری اؤنجه دن بللی دیر، اینسانین‌دا قدَری اؤنجه‌دن یازیلمیشدیر، و اینسانین اصلینده هئچ بیر ایختیاری یوخدور، چوخ درینه گئتمه‌دن بو کلمه اینگیلیسجه ده دئتئرمینیسم determinism و فاتالیسم fatalism کلمه‌سییله معادیل گؤره‌بیلیریک.

اؤزگورلوکچولوک: بو نوع باخیش جبرچیلیگین ترسینه اولان بیر دونیا گؤروشو و باخیش آچیسیدیر.

بو باخیشا گؤره اینسانلار، گئتگئده داها چوخ بیلگی‌ و گوجه صاحیب اولورلار و همان قدَرده، ایختیار صاحیبی اولورلار، آیری دئییشله، اینسانلار الله‌ین روحونو داشییاراق، تانری کیمی و اؤز گوجو یئتینجه‌یه قدر آزادجاسینا حرکت ائده‌بیلیرلر. بو کلمه اینگیلیسجه ده لایبئرتی liberty و freedom کیمی کلمه‌لرله ائش‌دیَردیلر.

-بو تعریفلردن سونرا تورکیه ده اوز وئرن 2016 ایلی 15 تموز گئجه‌سی ضربه گیریشیمی حاقدا بحثه گیریریک. تورکیه ده ضربه گیریشیمی حاقدا ایکی مشخص و آیدین موضع و توتوم سرگیله‌نه‌بیلیر :

دئمک اولار اینسانلار بیرینجی حالتده بو کودتانی گرچک کودتا و ضربه گیریشیمی اولاراق قبول ائدیرلر و بعضی اینسانلاردا ایکینجی حالت اولاراق، اونو ساختا ضربه گیریشیمی سانیرلار، و حیله اولاراق خالقی آلداتماق اوچون اورتایا آتیلدیغینا اینانیرلار.

-بیرینجی حالتده بو ضربه ائیلییه بیلیر مختلیف قروپلار طرفیندن ووجودا گتیریلسین: (آ)منفعت پئشینده اولان خاریجی اؤلکه‌لر طرفیندن، (ب)داخیلی رادیکال اسلامچی قروپلار مثلا نورچولار و گولنچیلر طرفیندن، (ج)داعش ویا کورد تروریستلری  ویا هر هانسی تروریست قروپو طرفیندن، (د)کمونیستلر طرفیندن، (ه) اوردو ایچینده اولان ناراضیلر طرفیندن، (و)مملکتین اینکیشافینی ایسته‌ین صادیق اینسانلار طرفیندن، (ز)مملکتین داغیلماسینی ایسته‌ین و اوردویلا خالق آراسیندا قارقاشا سالماق ایسته‌ین اینسانلار طرفیندن، (ح)ویا بونلارین بیر نئچه‌سینین ایش بیرلیگی ایله ووجودا گتیریلسین.

-ایکینجی حالتده بئیله اینانیریق بو ضربه گیریشیمی کاملا ساختا بیر حرکتدیر و بیر عدّه سیاستچی ویا دینچی ویا حتی خئیرخواه اینسانلار طرفیندن و اینکیشاف ائتمک اوچون بیر سیرا یاسا و ایشلری یئرینه سالماق اوچون دوزَنله‌نیبدیر.

بو قدر موختلیف فیکیر سئچه‌نکلری آراسیندا بیز بیر اینسان اولاراق و بو اؤلکه‌نین یاخشیلیغینی و اییی‌لیگینی ایسته‌یه‌رک نه ائتمه‌لی‌ییک و نجور عکس العمل و تپگی وئرمه‌لی‌ییک. یوخاریدا وئریلن مختلیف سئچه‌نکلری بیربیر اینجه‌له‌مک زورونداییق بو حاقدا قیساجا سونوجلارا اشاره اولونور.

بیرینجی حالت :

(آ)بو ضربه گیریشیمی اگر منفعت پئشینده اولان خاریجی اؤلکه‌لر طرفیندن ووجودا گتیریلسه آیدیندیر کی بو اؤلکه‌لرین قوُل و اوْیونجاقلاریندان باشقا هئچ بیر اینسان، بو ضربه‌نین طرفداری اولمایاجاقدیر و اگر بیری بو ضربه‌یه قارشی چیخمیرسا دئمک اولار بیر عادی و دوزگون اینسان کیمی ائییتیم و تربیت آلماییبدیر. آیریجا خالقین سس‌اییله سئچیلمیش بیر دؤولت، خالقین تمثیلجیسی ساییلیر و بو دؤولته قارشی اولان هر بیر گوج اصلینده خالقین ایراده‌سینه قارشیدیر. بو اوزدن بو ضربه‌یه قارشی چیخمایان هر شخص جبره اینانیر و هر دایانیشما طرفداری اولان شخص ده اؤزگورلوکچو ساییلماقدادیر.

بوجور یوروملار اؤزللیکله ایران کیمی محیط ده داها تانینمیش بیر یوروم اولاراق تانینیر، چونکی حتی بالاجا حادیثه‌لر اوچونده، خالق دییر : بو ایشین ایچینده اینگیلیسلرین الی وار و اونلار بیزیم یوز ایل سونرامیزادا نقشه چکیبلر و بو سببله بیزیم الیمیزدن بیر ایش گلمز و مهلَکه‌دن اوزاق دورمالی و قیراقدان حادیثه‌لره باخمالی‌ییق.

(ب)اگر بو ضربه نی رادیکال اسلامچی قروپلار مثلا نورچولار و گولنچیلر طرفیندن ووجودا گتیریلمه‌سینه اینانیرساق، بورادا ترورچولارا اینانیریق بو حالدا خالقا و اؤزگورلوکچولویه اینانمایاراق، ترورچولاری و اؤزوموزو هر شئیین مرکزی سانیریق و جبرچیلیگه اینانیریق و البتده جبریده اؤزوموز تعیین ائدیریک.

(ج)اگر بو ضربه‌نی داعش ویا کورد تروریستلری  ویا هر هانسی تروریست قروپو طرفیندن یاپیلدیغینا اینانیرساق، عئینا ایسلامچی قروپلار و کومونیستلر حاققیندا دئییلن سؤزلر بورادادا صیدق ائتمکده‌دیر.

اگر بو قالخیشما سوننو گولنچی، علویچی، کوردچو و قارشیت قروپلارین چته بؤلوملری طرفیندن، یعنی قانونا اویمایان و خالقین اوْی و سسینه بویون اَیمه‌ین چته‌لر طرفیندن ووجودا گتیریلیبدیر، بورادا ایکی یولدان بیرینی سئچمه‌لی‌ییک، یا چته‌لرین طرفداری‌ییق، نتیجتا خالقا اینانمایاراق اؤزگورلوکچو یول اییله موخالیفیک. ویا دئموکراسی، اوی و سس وئرمه و پارلمانتئر سیستئمینین طرفدارییق، و اؤزگورلوکچو یولو سئچمکله خالقا مراجعت ائتمه‌لی‌ییک.

 (د) مارکسچیلیق اساسیندا بیر یوروم یاپماق دا بیر نوع تفککور اولابیلیر، بئیله‌کی تورکیه‌ده آلت یاپی گوجلری (اوره‌تیم گوجلری: زیربنایی ویا تولیدی نیرولار) داها چوخ گلیشمیشدیر، آما اوست یاپی گوجلری (توپولومسال قروپلار و کولتورل اورتام: روبنایی نیرولار) گئری قالمیشدیر و بو ضیددیت و فاصیله بؤیویوبدور و توققوشما مرحله‌سینه یئتیریبلر و بو اوزدنده بو حادیثه‌نین اورتایا گلمه‌سی قاچینیلمازدی و ار ویا گئج موختلیف شکیللرده اؤزونو گؤسته‌ره‌جکدیر و اونا بویون اَیمه‌لی‌ییک.

اگر بو ضربه‌نی کومونیستلر طرفیندن یاپیلدیغینا اینانیریقسا، حتی اگر بیری کومونیست اولاراق ضربه‌نین طرفداری اولسا، دئمک اولار اصلینده او شخص خالقا و خالقین اوی و سسینه اینانماماقدادیر و بیر ایدئولوژی‌یه سؤیکه‌نه‌رک و او بهانه اییله اؤز منفعتینین پئشینده‌دیر و یا اؤزونو اؤزگه‌لریندن اوستون بیله‌رک خالقین سسینی دَیرسیز بیلیر، بئیله بیر شخص اؤزگورلوکچو اولابیلمز و اصلینده تاریخی جبره(تاریخسل جبره) اینانیر و اؤزونو تانری یئرینه قویاراق او جبری گئدیشاتی تعیین ائتمک ایسته‌ییر، آیدیندیرکی هر کومونیست اولمایان بیری خالق سس اییله سئچیلمیش دؤولتدن یانا اولاراق ضربه‌چیلرله موخالیف اولاجاقدیر و اونا قارشی چیخاجاقدیر.

اگر مارکسچیلیق یورومونون منفی شکلینده حرکت ائتمک ایسته‌ییریک و هر شئیی اوره‌تیم و اوست یاپی گوجلرینه باغلاییریق و بو حئسابلا بو حادیثه دن قاچینماغی ممکون بیلمیریک و هر تور موقابیله‌نی، توپلومسال یازقی‌نین و تاریخی جبر"ین قارشیسیندا دورماق کیمی سانیریق و نهایتا جبرچیلیک تفککورونه اینانیریق.

(ه)اگر اوردو ایچینده اولان ناراضیلر طرفیندن ضربه‌نی ووجودا گتیریلمه‌سینه اینانیرساق، حتی اگر اونلاری اؤلکه‌نین گووه‌نیلیر آداملاری بئله نظرده توتساق، یئنه‌ده اونلار خالقا و اؤزگورلویه اینانمادیقلاری اوچون محکومدولار و اگر بیریلرینین اویونجاغی اولموش اولسالار آیریجا ساتقین حالا گلمیش اولورلار.

(و، ز)بو ضربه مملکتین اینکیشافینی ایسته‌ین صادیق اینسانلار ویا خائن آداملار طرفیندن یاپیلسادا اؤنجه‌کی بؤلومده کی سؤزلر یئترلی اولاجاقدیر،

(ح)و نهایتا اگر بو ضربه یوخاریدا دئییلن قروپلارین بیر نئچه‌سینین ایش بیرلیگی اییله ووجودا گتیریلسه‌ده یئنه‌ده یوخاریدا دئییلن سؤزلر اساسیندا اونلار محکومدولار. و خالقین قوردوغو دئموکراسی و حکومت علئیه‌اینه یاپیلان بیر قالخیشما ساییلاراق و اونون اؤنلنمه‌سی ان عاجیل ایش اولاراق هر اؤزگورلوک سئور اینسانین گؤره‌وی ساییلمالیدیر، و ان دوزگون یول، خالقدان خیابانلارا چیخماغی ایسته‌مک و بوتون گوجلری بو قروپا قارشی سفربر ائتمکدیر.

2-ایکینجی حالت(ساختاچیلیق و هر شئیی توطئه گؤرمه باخیش طرزی)

آ)بو حالتده ضربه گیریشیمینی بیر شوو ویا توطئه و اؤنجه‌دن پلانلانمیش بیر طرح کیمی گؤره‌بیلیریک.

مثلا اردوغان حکومتی بو قوْندارما قالخیشمانی یارادیب و سونرادا یاتیردیب، و هدف اوردونو ضعیفلتمک ویا گولن قروپونو تاپدالاماق و مئیداندان چیخارماقدیر. یئنه‌ده بوجور تصوّرلارا تای، گویا(سانکی) آمریکا، آوروپا، روسیه ویا هر هانسی بیر گوج تکلیکده و بیر نئچه آیری گوجله بیرلیکده، موجود حکومتین یئرینی برکیتمک اوچون بو ضربه‌نی ووجودا گتیرمیشدیر، و لو اوزدن بو ضربه، ساختا و کنتروللو بیر حرکت کیمی سانیلماقدادیر، بوجور باخیش طرفدارلاری عمومی حالدا ان بالاجا نقش و روْل، خالقا قایل اولمازلار، آیری دئییشله خالقی قوزو کیمی بیر موجود نظرده توتوب، هر حادثه‌نی بو دار پنجره‌دن گؤرمک ایسترلر.

بو باخیش آچی‌سی اصلینده بیر استعماری تاریخسل دؤنمین قالینتی‌سی اولاراق بیر نوع دوشونجه طرزیدیر، بو باخیش طرزی ایران خالقینین ایچینده یایقین اولان مثلی (بو ایش اینگیلیسلرین ایشیدیر) جانلاندیرماقدادیر. و معناسیدا بودور : ای میللت سیزین بو حادیثه‌لرده هئچ بیر نقشینیز و رولونوز یوخدور، گئدین ائوینیزده اوتورون و یازیلمیش یازقی و سرنوشتینیزه قانع اولون. اونلار (یعنی بؤیوک گوجلر) بو میللتین 50 ایللیک و 100 ایللیک گله‌جَگینه نقشه چکیبلر و میللت هر نه ایش گؤرسه‌ده اونلار یئنه ده اؤز نقشه‌لری اساسیندا حرکت ائده‌جکلر.

ایران جاماعتی‌نین داها مثبت باخانلاری بئیله دئیرلر: سیز هر نه قدَر اؤزونوزو اودا کؤزه وورسانیزدا  یالنیز اونلارین بیر آز خرجلرین آرتیراجاقسینیز و بیر بالاجا، حرکتی دَییشدیره‌بیلرسینیز، و اونلارین یعنی اینگیلیس و آمریکانین نقشه‌لری یئنه‌ده آیری شکیلده پیاده اولوناجاق و یئرینده اوتوراجاقدیر پس نه یاخشی کی میللت چوخدا بوجور شئیلره دخالت ائتمه‌سین.

--بو باخیش طرزی

-ان مثبت یؤنونه (مثلا خئیرخواه جهتینه) باخارساق، بونو دئمه‌یی هدفله‌ییر : بو داعوالار بیر عیدّه قُدرت‌ده و یوخاریدا اولان قروپلارین آراسیندا اولان، و خالقین گوجونو آشان بیر داعوادیر و خالق دوروب باخماقدان باشقا بیر شئی یاپابیلمز و یالنیز منفعت پئشینده اولاراق اوُدان قروپدن بیر پای آلماغی گودمه‌لیدیلر.

-و ان منفی یؤنونه باخارساق بونو دئمه‌یی آماجلاییر: ائی میللت بو حادیثه‌لر سییزه ربطی اولان بیر حادیثه دئییل، حادثه‌دن اوزاق دورون، بو مسئله‌یه داخیل اولسانیز ضرردن باشقا بیر شئی سیزه عاید اولمایاجاق و قانینیز آرادا گدر و هدَره گئدر.

-بوجور باخیش طرزلری آشاغی یوخاری بوتون گئری قالمیش توپلوملارین ایچینده یایقیندیر، ایران کیمی مملکت‌ده، حکومتین‌ده بو باخیش طرزینه مئیدان وئرمه‌سی و اونو اؤز منفعتینه گؤرمه‌سی سبب اولموشدور بو استعماری باخیش طرزی، توپلومون هر لحظه سینده بئله یایقین وضعیتده ایشلنسین، ایران خالقی حتی بیر جینس و مال (مثلا بنزین، یوغورت، دویو) دَیرینین آرتماسیندا بئله بو مثلی ایشله‌درلر و حکومت ده بو اورتامدان یارارلانماقدادیر.

--بو باخیش طرزی‌نین کؤکونده ایکی شئی یاتیبدیر بیری استعماری یاخین تاریخی دؤنم، و ایکینجی سی فارس شیعه‌لیگینین باخیش طرزی.

آ-استعماری دؤنم :

ایران تاریخی اؤزللیکله گئچن یوز اللی ایلده، میللتین یئنیلمه و اودوزما دؤنمی کیمی تانینمالیدیر.

گئچمیش یوزاللی ایلده اینگیلیس و روس فراماسونئرلری ایراندا حاکیم اولان تورک حؤکومدارلارینی دئویرمک اوچون و  ایراندا یئنی استعماری حکومت یاراتماق اوچون فارس قوومونو و اونلارین کولتورلرینده بیر سیرا عنصُرلری بو ایش اوچون اویقون گؤردوکلرینی دوشونه‌رک اونلارا ساختا تاریخ و مذهب دوزَلده‌رک فارسچی شاهلاری ایش باشینا گتیردیلر، ظاهرده فارسلار حاکیم دوروما گلدیلر آما اونلار اوّللرده مغرور اولسالاردا تئزلیکله عملده دوشوندولر اونلارین نه کولتورلری و نه تاریخی بیریکیملری اؤلکه‌نی اینسانجیل بیر شکیلده دولاندیرماغا یئترلی دئییل، بو اوزدنده باشچیلاری امامیه شیعه‌لیگینه ده سؤیکه‌نه‌رک هر تور توطئه یاراتماقدان چکینمه‌دیلر، اونلار اؤزلرینه اینانمایاراق، اینگیلیسلره و روسلارا دایاناراق تورک عرب و آیری میللتلری ازمه‌یه و اونلاری یوخ ائتمه‌یه چالیشدیلار، دوشمنلرین یاردیمییلا و امامیه شیعه‌لیگینه سؤیکه‌نه‌رک، تورکلر آراسیندا بؤیوک قیرقینلار یاراتدیلر( باخینیز : دکتر محمد قلی مجد، قحطی بزرگ)، اینسانلاری آنا دیللرینده اوخوماقدان محروم ائتدیلر و ایقتیصادی جهت دن تورک بؤلگه‌لرینی بایکوت ائتدیلر و سونوج اولاراق فارس میللت اییله بیرلیکده بوتون مملکتی گئری ساخلادیلار، بو یئترسیزلیکلردن دولایی، نهایتا گونش ایلی 1357 ده (1979) شاه دئوریلدی و یئنه‌ده باتی‌لی خاچلیلارین کؤمکییله (آیت الله خمینی‌نین باتیلی اؤلکه‌لردن یاردیم ایسته‌مه‌سی اوزه‌ره) امامیه شیعه‌سی ایش باشینا گلدی.

بو دؤنم فارس حکومتی بوتون مسئله‌لرده اؤزلرینی دَیرسیز عنصر کیمی و خور گؤره‌رک هر شئیین کؤکونده اینگیلیسلرین الینی گؤروردولر و بو اوزدنده «بو ایشده اینگیلیسلرین الی واردیر» مثلی ان یایقین سؤز اولاراق گونلوک حیاتدا ایشله‌نیردی، اگر عراق ایران آراسیندا ساواش اوز وئریردی میللت دئییردی بو ایش اینگیلیسلرین ویا امریکانین ایشیدیر، اگر باش وزیر، وزیر ویا بیر رئیس و باشقان عوض اولوردو همان مثلی ایشله‌دیردیلر و حتی اگر اتوبوس بیلیتی 10 فایز باهالانیردی یئنده همان سؤزو دئییردیلر و حتی اگر بنزین و یوغورت دا بیر بالاجا باهالاشسایدی یئنه‌ده کیچیک بؤیوک آداملار دییردیلر بو ایش اینگیلیسلرین ایشیدی.

فارسلار ایچینده بو مثله تای آیری مثلده گونلوک حیاتدا ایشلنمکده دیر : «صلاح مملکت خویش خسروان دانند : مملکت‌ین یاخشیلیغین شاه و حاکیم بیلر». بو مثل آچیق آیدین خالقین مملکتی دولاندیرماق ایشینده هئچ نقشی و رولو اولمادیغینی اورتایا قویماقدادیر.

ب-امامیه مذهبی‌نین توطئه مسئله‌سینه باخیشی:

فارس شیعه حاکیملری، شاه حکومتی کیمی بیلیردیلر، بو مملکتی یؤنتمه‌یه یئترلی قدر بیلگیلری و گوجلری یوخدور بو اوزدن مختلیف یوللارا باش ووردولار، بیر طرفدن تورک و عرب میللتلری علئیه اینه مختلیف تضییقلری اورتایا گتیردیلر و اؤزللیکله تورکلر ایچینده یایقین اولان جعفری مذهبی‌نی و اونون بؤیوکلرینی ضعیفلتمه‌یه و حاکمیت دایره‌لریندن قیراغا قویماغا باشلادیلر، و امامیه شیعه مذهبین‌نین بللی عنصرلارینی و اصوللارینی خالقی تاپدالاماق اوچون ایشه سالدیلار، اونلار امامیه مذهبینده تقیه اصلینه دایاناراق هر جور توطئه و حیله یاراتماقدان چکینمه‌دیلر. ایلکجه بو حاقدا اونلارین ایچینده تانری و پیغمبر مقامیندا اولان کُلِینی و آیریجا آیت آلله خمینی دن ایکی اؤنملی توصیه‌نی وئره‌رک سؤزوموزه ایدامه وئریریک:

جناب کلینی (3. و 4. هیجری، میلادی 10. یوزایل) بیر قوندارما حدیثده پئغمبرین دیلیندن بئیله یازیر: شک اهلینی و یئنیلیکچی‌لری مندن سونرا گؤردویونوز ده، اونلارا دوشمنچیلیک یارادین؛ و اونلارین حاققیندا هرجور سؤیوش دئمکدن، اونلارا یالان باغلاماقدان، تؤهمت وورماقدان، و فیتنه یاراتماقدان چکینمه‌یین، و بو ایشده الینیزدن گلدیکجه هر ایش گؤرون؛ (الكافي ج2 / ص376)

فارس شیعه‌لیگی دوشمنچیلیک یاراتماغی و هر تور توطئه‌نی تقیه (گیزچیلیک) مسئله‌سی آلتیندا یاپیرلار، فارسچی اؤندرلر تقیه مسئله‌سینی ایمام زامانین ظوهورونا قدر گئچرلی اولاجاغینا وورقو یاپارلار و آیت‌الله خمینی (مجموعه رسائل خمینی 2/185) یازیر «سیزلر بیر دینده‌سینیز اگر اونو گیزله‌ده‌سینیز تانرینین یانیندا عزیزسینیز واگر ایفشا ائدرسینیز ذلیل اولارسینیز». و یئنه‌ده دئییر : (کتاب الرسائل) «تقیه بیر دفعه قورخو اوچون یاپیلیر سونرادا مُدارا اوچون یاپیلیر و مُدارا سؤزوندن مُراد، موخالیفلردن قورخمادان و اونلارین دوستلوغونو قازاناراق، اورتامی ایسته دیگیمیز کیمی حاضیرلاماق، دئمکدیر». آیریجا (مجموعه رسائل خمینی 2/201) ده یازیر «تقیه نین دوز اولماغی اوچون یالنیز قورخو شرط دئییل، آیریجا مصالح و مصلحت اوچونده واجبدیر و حتی اگر امنیت‌ده اولسا و قورخو اولماسا یئنه‌ده گیزچیلیک و تقیه واجیبدیر». یئنه‌ده آیت‌الله‌خمینی دئییر : ناصبیلرین اموالین هر یئرده اله گتیر‌سه‌نیز اونا صاحیب اولون و خُمس‌ونو وئرین (تحریر الوسیله 1/352).

اونلار بو اصللری اؤنه چیخارداراق مختلیف حیله‌لره ال آتدیلار، بیر طرفدن تورلو حیله و یالانلارلا، وحدت مسئله‌سییله خالقی و اؤزللیکله قونشو اؤلکه‌لری آلداداراق شیعه سوننو داعاواسی سالدیلار و منطقه‌نی اودا چکدیلر، بیر طرفدنده تورلو توطئه‌لرله تورک خالقینی (و دیگر خالقلاری) محو ائتمه‌یه باشلادیلار، اونلار پهلوی حکومتی‌نین ایرقچی سیاستلرینی دوشمنجه‌سینه دوام ائتدیردیلر و تورک بؤلگه‌لرینده ایقتصادیاتی چؤکرتمه‌یه باشلادیلار، آذربایجاندا اولان میلیاردلار دلار میس معدنلرینی چاپاراق و حتی بیر نفر یئرلی اهالی‌دن ایشلتمه‌دن، فارس بؤلگه‌لرینه آپاردیلار، آذربایجاندا قیزیل معدنلرینی همان شکیلده چاپدیرلار، بؤلگه‌نین ان دَیرلی اورمو گؤلونو قوروتدولار، و اورمو گؤلونده ایلده 10 میلیارد دان چوخ آرتمیا اورتمه قابلیتی‌نی و توریستلیک و معالیجه(درمان) گلیرلرینی محو ائتمه‌یه چالیشدیلار و بؤلگه‌نین چئوره تعادولونو بیربیرینه ووردولار، و آذربایجانلیلاری یوردوندان و یواسیندان ائیله‌مک اوچون بو مسئله‌ده یوزمینلر ایشچی ایشلتمه قابلیتینین داغیتما پلانینی یولا سالدیلار، و تورک میلتینی کؤچه زورلایاراق اونلارین کولتور و دیللرینی محو ائتمه‌یه و اونلاری فارسلار ایچینده و اونلارین اویوشدوروجویا و یالانچیلیغا و ایرقچیلیغا بولاشمیش کولتورلری ایچینده اریتمه‌یه باشلادیلار.

دئمک اولار امامیه کولتورو، همان مثللری یعنی «بو ایش اینگیلیسلرین ایشیدی» داها یایقین بیچیمده تبلیغ ائتمه‌یه باشلادیلار چونکی اونلارین نظرینده خالق هر نه قدر پاسیو اولسالار امامیه حکومتی‌نین خئیرینه‌دی، آیریجا اونلارین نیظامی قوللاریدا اویوشدوروجو مادّه‌لرینی بوللوجا میللت ایچینده یایماغا چالیشیرلار چونکی هر نه قدر اویوشدوروجو ایشله‌دن چوخ اولورسا سیاسته قاریشان داها آز اولور،

-هر حالدا ایران گنلینده و فارس حاکمیتینده دوروم بئیله اولاراق، هر آلاندادا، سؤزو گئدن باخیش طرزی‌ده آغیزلاردا گزیر و هر حادیثه‌نی توطئه کیمی گؤرورلر، تورکیه‌ده ضربه گیریشمی اولان زامان بوتون ایجتیماعی شبکه‌لرده فارسلار و فارسچیلار یالنیز بیر شئیدن دانیشیردیلار و اودا بو ضربه‌گیریشیمی‌نین توطئه اولدوغونو و اردوغانین‌ایشی اولدوغونو یازیردیلار، گرچکدنده اونلار یالنیز اؤز تاریخی و مذهبی کولتورلری اساسیندا حرکت ائدیردیلر و گرچکدن آیری بیر شئیی دوشونه‌بیلمیردیلر و آیری بیر شئیه اینانابیلمیردیلر، فارسلارین نظرینده میللت‌ین ان بالاجا نقشی بو حادیثه‌لرده یوخدور و بو اولایلارین هامیسی توطئه و حیله‌دن باشقا بیر شئی دئییلدیر، اونلار ان مثبت باخیشلاریندا دئییرلر بو ضربه یالنیز آمریکا روسیه و اسراییلین ایشیدیر و تورکلر اویونجاقدان باشقا بیر شئی دئییلدیلر.

البتده بو مسئله‌نین ان کؤتو یؤنو بورادادیرکی بیر عیده ایران تورکلریندنده ایستر ایسته‌مز فارس کولتورو ائتگی‌سی آلتیندا قالاراق همان شئیلری تکرار ائدیرلر و یئنه‌ده نه یازیق کی دنیز بایکال کیمی شخصلرده همان یؤنده حرکت ائدیرلر، و سئویندیریجی جهتی‌ده بوندان عیبارتدیرکی تورکیه‌ده تورک خالقی ایچینده، بئیله استعماری و امامیه مذهبی دوشونجه‌لریندن قایناقلانان اییرنج تفککورلره اؤنم وئرن داها آزدیر.  

-سون سؤز بو حاقدا بئیله اولمالیدیر، بو حرکتین آرخاسیندا هر نه اولورسا اولسون صحنه ده اولماق، خالقین حرکتینه اؤنم وئرمک، اونلارین ائتگی‌سینی اؤنه چیخارماق، اونلاری فعال شکیلده اورتایا چیخان حادیثه‌لرده اشتیراکا تشویق ائتمک، و گله‌جگین اونلارین الینده اولماسی فیکرینی وورقولاماق کیمی، تفککورلر و ائیلملر بیزیم اصلی حرکتیمیزه دؤنوشورسه، آیدیندیرکی گئدیشاتین یؤنونو و جهتینی دییشمیش اولوروق و خالقی کؤکو معلوم اولمایان تئوریلر اساسیندا اومودسوزلوغا سالماقدان قورتارمیش اولوروق.

-طبیعی دیرکی بیزلر هر قونوشمادا کؤتو واریانتلاریدا دئمه‌لی‌ییک آما هر جومله‌سینده بئله، اونلارا آچیقلیق وئرمه‌لی‌ییک، و بو تور آچیقلامالار خالقین و داها دوغروسو هر بیر فردین حرکتینه یؤن وئرمکدن گئچر.

بیز اینسان اولاراق ایکی فلسفی تفککورون بیرینین طرفینده یئر آلیریق، یا جبرچیلیک تفککورونده‌ییک و پاسیو بیر دوروم سرگیله‌یه‌رک اؤزگورلویه و میللتین ایراده سینه اینانمیریق، آیریجا خالقی حاقلی بیر طرف کیمی‌ده تانیمیریق.

یاداکی اؤزگورلوکچو اولاراق، یالنیز اینسان و اولوس گوجونو، حورّیتین، آزادلیغین، اؤزگورلویون و دمکراسی‌نین اصلی قایناغی کیمی تانیییریق و اونا موراجعت ائتمه‌لی‌ییک.

گونازتی‌وی گونئی آذربایجانین میللی تلویزیونودور

--قوشقوسوز گونازتی‌وی بیزیم میللی تلویزیونوموز اولاراق بیزلره چوخ شئیلری وئریب و چوخ شئیلر اؤیره‌دیبدیر، آیدیندیر بیر تلویزیون و اؤزوده بیر میللی تلویزیون کانالی‌نین، اؤنملی وظیفه‌سی، مختلیف حادثه و اولایلار حاققیندا بوتون مثبت و منفی جهتلری اکرانا گتیره‌رک، دینله‌ییجیلری و سئییرجیلری آیدینلاتماقدیر و گوناز تی‌وی ده بو ایشی یئته‌رینجه یئرینه گتیرمیشدیر.

 بو مقاله‌ده بو کانالدا گئدن صؤحبتلردن و تحلیللردن میثال ووراراق، هدف صرفا بحثی ائنینه بویونا آچماقدیر و اؤزللیکله تورکیه حاکمیتی علئیه‌اینه منفی صؤحبتلری اؤنه چیخارماق یالنیزجا شخصلره اولان ائلئشدیری اولاراق، گوناذ تی‌وی حاققیندا ائلئشدیری کیمی یوروملانمالیدیر. چونکی گوناز تی وی ده، بو حاقدا مثبت جهتده اولان  پروقراملاریدا آز دئییل. جناب انصافعلی بگ هدایت‌ین مقاله‌سینده، کودتاچیلارین اوغور قازاندیغی حالدا نه بلالار تورکیه و تورک میللتینین باشینا گتیره‌بیلمه‌لری حاقدا بیلگی وئرمیشدیر.

آیریجا جناب احمدبگ اوبالی نین توتومو ضربه گیریشیمینده ان منطقلی و دوزگون توتوم ساییلماقدادیر. جناب احمد بگ اوبالی جوماآخشامی (21 تموز)، ضربه گیریشیمی، و رادیکال دینچیلرین تورکیه‌ده گوج قازانابیلمه احتمالی حاقدا بئیله دئییر : «گونئی آذربایجانلیلار تورکیه حکومتینه انتقاد ائتسه‌لرده بو تنقید قارداشجاسینا اولموشدور و هدفلری منطقه‌ده گئدن اولایلار و اؤزللیکله گونئی آذربایجان حاققیندا، داها دوزگون گؤرونوم یاراتماق دیر.

نه یازیق کی بعضی دینچی ماللالار دوشونمورلرکی، تورکیه، دئموکراسیدن یانا اولدوغو اوچون و شریعت قانونونو کنارا قویدوغو اوچون اینکیشاف ائتمیشدیر، طیب اردوغان دا بونو بیلیر و یئری گلدیگینده گؤرسه‌دیبدیرکی پراقماتیک بیر آدامدیر، سؤزونو دَییشدیرر و دوزگون یولو سئچر، او آتاتورکه قارشی اولماز، و من اینانمیرام کی تورک خالقی، مملکتین اداره‌سینی شریعت قانونو اساسیندا اولماق اوچون بیر عیده دینچی ماللالارا وئرسین، و تورکیه‌ده حتی منطیقی بیر آدامدا هئچ واخت اعدام قانونونو احیا ائتمه‌یه گیریشمه‌یه‌جکدیر.

ایندی بیر سیرا دویقوسال صؤحبتلر اولور ولی من اونلارین یئهینجه منطقی وضعیته گله‌جکلرینه اینانیرام، من تنقید ائدیرم آنادولو خبر آژانسیناکی ژئنراللاری دؤیولدوکدن سونرا اونون ویدیوسونو یاییبلار، بو ژئنراللارین علئیه اینه بو جور شئیلری یایماق اونلارا یاخیشماز و دوز دئییل.

فتح الله گولن ایندییه کیمی بیردانا مثبت ایش گؤرمه‌ییبدیر و بوتون سیناولاردا و ایمتحانلاردا تقلّب ائدیبلر،

هر یئرده کی فتح الله گولنین الی واردیر اونو کسمک لازیمدیر. و ساغ اولسون قوزئی آذربایجان دؤولتی بیراز گئج ده اولسا اونون اوزانتیلارین اؤلکه دن قطع ائله‌دی».

میللی حرکت ایچینده اولان بوتون کسیملر و حتی گونازتی‌وی میللی تلویزیون اولاراق تورکیه دوشمنچیلیگی یارادانلارا دیققت ائتمه‌لیدیلر.

بو آرادا تیر آیی‌نین 28ینجی گئجه‌سی (18 تموز) بیر شخص علسگر سییابلی آدیندا تورکیه ده اولان ضربه حاققیندا تارتیشمایا قوشولور. جناب سییابلی اؤزونو بیر تورکچو کیمی تانیدیر و بو ضربه‌نی تحلیل ائتمه‌یه چالیشیر.

منیم شخصی نظریمده (مقاله‌نین یازاری) جناب سییابلی نین سؤزلرینده بیر سیرا گرچکلیکلر اولسادا توتومو ایندیکی آدربایجان اورتامیندا و آیریجا تورکیه آتموسفئرینده، هئچ بیر مثبت تاثیر بوراخمایاراق، ان کؤتو و منفی ائتگی‌لر یارادابیلیر و تورک دونیاسینا و بیزیم حرکتیمیزه‌ده ضرردن و اومودسوزلوق یاراتماقدان باشقا هئچ بیر شئی وئره‌بیلمز.

جناب سییابلی نین باخیشی تماما بیر نئهیلیستی و بارداغی سونونا قدر بوش گؤرن و تورکچولویوده تماما اوتوپیایی و بوشو بوشونا دولاشان بیر سرگردان و حئیرانلار کیمی گؤرمکده‌دیر، بئیله بیر تفککور نه فقط هئچ واخت بوتونلشدیریجی و بیرلشدیریجی تفککور دئییل تام ترسینه دوشمنلیک دولو و اینسانلیق ضیددی باخیش تؤرتمکدن باشقا هئچ بیر شئی یاراتماماقدادیر و اونون دیب نوقطه‌سینه گئدرسک تک چاره سیلاح گؤتوروب ترورا بولاشماقدان باشقا بیر یول اولمایاجاقدیر.

--جناب علسگر سییابلی اؤزونو تورکچو تانیدیر و سونرادا ایسته‌دیگی هر تور تفککورو تورکچولوک آدییلا خالقا سونماق ایسته‌ییر، بو نوع داورانیش آذربایجان تورکلرینه چوخ تانیش بیر شئیدیر، ایراندا اولان ضد آذربایجانی و ضد تورک ایرانچیلاری و آذری‌لری، اینسانین یادینا سالیر، ایراندا رسمدیر هر کیم ایسته‌ییر تورکلرین و آذربایجانین علئیه‌اینه بیر جوک ویا منفی بیر سؤز دئسین، اوّلده تاکید ائدیر آغا منیم اؤزوم آذری‌یم ویا منیم آتام و یا آنام اصیل تورکلردندی! و سونرادا باشلاییر هر جور کیفیر و دوشمنجه جوکلاری تورکلره قارشی دئمه‌یه.

جناب سییابلی‌نین سؤزلریده عئینا بئیله دیر ایلکجه اؤزونو تورکچو و آتاتورکچو تانیدیر دفعه‌لرجه‌ تورکیه‌ده یاشاماسینی وورقولاییر و سونرادا تورکیه دوشمنچیلیگی یاراتماغا باشلاییر.

ائله گؤرونور جناب سییابلی‌نین تورکچولویو آلمانیا مجلیسینده قوندارما ائرمنی سویقیریمینا سس وئرنلرین توتومونا بنزه‌ییر، بو سس وئرمه‌ده آلمانیانین تورک کؤکنلی میللت وکیللرینین هامیسی، قوندارما ائرمنی سویقیریمی لایحه‌سینه، تورکلر طرفیندن یاپیلدیغینا سس وئردیلر شاید اونلار اؤزلرینی آلمانلیلارین یانیندا شیرینلتمک اوچون بئیله بیر داورانیشا ال آتیبلار، آما جناب سییابلی نییه بئیله بیر تشببوثدا اولور و بیر نفر اردوغانی بهانه ائده‌رک تورکیه‌نی دونیانین ان ضد دئموکراتیک و حیله گر مملکتی کیمی تانیدیر و اورانین تورکچولرینیده بیر سیرا عاطیل باطیل آداملار تانیداراق دوشمنلرییله اَل بیر اولماقلا سوچلاییر.

البتده کلّی حالدا جناب سییابلی کیمی چاغدیشی تورکچو بیر شخصین تلویزیوندا یایینا دعوت ائدیلمه‌سی اصلا بیر موشکول دئییل آما بئیله بیر تورکیه حاکمیتی دوشمنی اولان شخصین یانیندا آیری اینانجدا اولان بیر نفرینده اولماسی، داها دوزگون و بیطرف بیر گؤرونوم وئره‌بیلیردی.

دنیز بایکال‌ین مالیخولیایی تفککورو

--جناب سییابلی نین توتدوغو خط و تفککور مسیرینین اوج نقطه‌سی اصلینده دنیز بایکال‌ین تفککوردور.

اگر بیری اسکیدن بری تورکیه تلویزیونوندا دنیزبایکال‌ین داورانیشلارینی و قونوشمالارینی تعقیب ائتسه آچیقجا گؤره‌بیلیر دنیزبایکال همیشه اوتوپیایی و غیر واقعی توتوم سرگیله‌میشدیر و موخالیفت دوروموندا یئر آلارکن، موخالیف کیمی دانیشماغی اؤزونه وسیله اولاراق یوخ بلکه هدف کیمی سئچمیشدیر (نه یازیق کی بیرسیرا یانداشلاریدا اوندان درس آلاراق موخالیفتی وسیله‌کیمی یوخ بلکه هدف کیمی سئچمیشدیلر)، دنیزبایکال واقعیتلرله و گرچکلیکلرله ایشی یوخدور اونون آماجی موخالیف بیر توتوم سرگیله‌مکدیر و هر تور سؤزو و حتی ضیدمیللی بیر سؤزوده دئییه‌بیلیر، چونکی اونون بیر دانا هدفی واردیر اودا آغپارتی و اردوغانی وورماقدیر و بونون اوچون هر نوع یالانی و اثباتلانا بیلمه‌ین ضررلی و ضررسیز سؤزو بیربیرینه قاریشدیراراق اورتایا آتابیلیر.

نه یازیق کی بوجور داورانیشلار عئینا ایرانین امامیه شیعه‌سینین دینی باشچیلارینین داورانیشینا اوخشاییر، امامیه‌نین بؤیوک آللاهی اولان یعقوب کُلِینی، بیر ساسانلی و مجوسی تؤره‌مه‌سی اولاراق، هدفی او زامانین حاکمیتی یعنی سوننولرله موخالیفت و دوشمنچیلیک یاراتماغیدی، بو ایش اوچون هرتور یالان و ضد ایسلامی تفککورلری و اصلینده همان ساسانلی و مجوسی فیکیرلری تبلیغ ائتمکدن چکینمیردی.

متاسفانه جناب دنیزبایکال دوزگون و گرچک ائلئشدیریلر یئرینه هر تور عاغیلدیشی بیر سؤزو اورتایا آتاراق فیکر ائدیر بؤیوک کشف و بولقو و تاپینتی‌یا ال تاپیبدیر و ائیله‌یه‌بیله‌جکدیر بؤیوک بیر موخالیفت یارادسین، و نه یازیق کی بو توتوم اونون حتی تورکیه حکومتینده باشچی اولارکن ده تفککورونون بیر پارچاسی‌ایدی.

دنیزبایکال کیمی شخصلرین مالیخولیایی تفککورلرینی بؤیوتمک، خالقا ذرّه قدر یارار ساغلامایاراق، میللتین ایماج و اینانجینا ضرر وئرمکدن باشقا هئچ بیر شئی وئره‌بیلمز.

--توطئه و شوو تفککورونو هر بیر حادیثه اوچونده ایشله‌ده‌بیله‌ریک، مثلا 11 سئپتامبر حادیثه‌سینده ویا ایران 79 دئوریمینده ایشلتمک مومکوندور

-آمریکادا اوز وئرن 11 سئپتامبر حادیثه‌سینده دییه بیلیریک: او بؤیوکلوکده آمریکادا و او گوجلولوکده امنیتی سیستئمده نئجه اولابیلیر بیر قروپ بوتون گووَنلیک سینیر و مرزلرینی آشاراق و ساوونما شیفره‌لرینی اله گئچیره‌رک نیویورک کوله‌لرینه (بورجلارینا) هجوم ائدیرلر، بو سببله دییه بیلیریک بو ایش ایمکانسیزدیر و بو ایشلرین هامیسی آمریکا دؤولتی‌نین اؤز ایشیدیر و جورج بوش بئیله‌لیکله نقشه چکیبدیر تا اورتا دوغونو اله گئچیرسین.

-شک یوخدورکی بو اتفاق دا اولابیلر، یعنی دئمک ایسته دیگیم شئی بودور همان شکیلده کی بو حادیثه‌ده، آمریکا دؤلتی‌نین الی اولدوغونو اثباتلاماق مومکوندور، همان شکیلده‌ده تروریستلرین، الی اولدوغونودا اثباتلاماق ایمکانی واردیر، بو سببله میللی حرکت منسوبونا دوشن ایش، او میللتین حاقلارینی ساوونما حرکتیندن یانا بیر توتوم اورتایا قویماق و حرکتین خئیرینه آنالیزلر سرگیله‌مک اولماقدیر.

بو میثالا تای گؤرورک کی ایکینجی دونیا ساواشیندا، هولوکاست اولاییندا یعنی یهودیلر قیرقینی حاقدا مینلرجه سند و شاهید اولاراق، ایرانین ترورچو جومهورباشقانی احمدی نژاد کیمی بیر شخص گلیر دؤولت سَویه‌سینده بو موضوعنو یئر کؤکویله دانماغا باشلاییر و سفسطه‌لرله بونو اثباتلاماغا چالیشیر. و یا بو موضوعنون تام ترسی اولاراق بیرینجی دونیا ساواشیندا ائرمنی چته‌لری روسلارین و باتیلی اؤلکه‌لرین کؤمکییله ایکی میلیوندان چوخ تورکو قتلعام ائدیللر، آما ایندی بونون تام ترسی اولاراق همان باتیلی اؤلکه لر و فارسچیلار تورک دوشمنچیلیگی اوزوندن، ساختا وسفسطه یؤنتَمییله یوروملاردان یارارلاناراق، تورکلری بو ایشه متّهم ائدیرلر بیر حالداکی حتی تک بیر دانا سند تورکلرین سویقیریم یاپماسی حاقدا تاپماق مومکون دئییل.

دئمک ایسته دیگیم بودورکی ایندیکی سیاست اورتامیندا بیر عیدده خاچلی تفککورلو قروپلار و دؤولتلر، بیر سیرا یالان و دوغرو بیلگیلر اساسیندا اؤزلرینین ایسته دیگی شئیلری اثباتلاماغا چالیشیرلار، و بو مسئله عادی بیر شئیه دؤنوشوبدور.

--بورادا جناب سییابلی‌نین تلویزیوندا دانیشدیغی عئینی سؤزلرینی وئریرسک، داها یئترلی اولاجاقدیر :

سییابلی : باخین، باکانلار و باشباکان هامیسی گره‌ک حپس اولونمالی ایدی آما تلویزیونلار فعالیت ائدیردیلر گره‌ک اونلار تعطیل اولاردیلار (بو اوزدنده جناب سییابلی نتیجه آلیر بو ضربه گیریشیمی شووْ اویدو)

سوال :جناب سییابلی بو حرکت شوو اولسایدی شووچولار راحاتجاسینا ائیلیه بیلردیلر بیر نئچه باکانی دا مصنوعی حالدا حپس ائتسینلر، آیا اوندا سیز بو گیریشیمین گرچک اولدوغونا ایناناردینیز؟! جناب سییابلی اگر او گئجه آییق اولسایدینیز گؤرردینیزکی بیر دؤنم بوتون کاناللارین یایینی کسیلمیشدیر).

سییابلی : باخین اردوغان مارماریس هتلینده قالیردی او اورانی ترک ائدندن سونرا اورایا باسقین یاپدیلار (و نتیجه آلیر بو اوزدن بو گیریشیم ساختا ضربه‌دیر)

سوال: آیا فیکر ائدیرسینیز اردوغان کیمی بیر دؤولت آدامینین استخبارات تشکیلاتی یوخویدو؟ و گره‌ک اونلارین هامیسی یاتمیش اولاردی و اردوغانی اؤلدورردیلر تا سیز بو حادیثه‌نی گرچک بیلردینیز؟

جناب سییابلی حربی چئوریلیشده آز ایتگی (حدودا 300 نفر) اولدوغو سببییله‌ده بو ضربه نی ساختا ضربه بیلیر و دئییر مصر حربی چئوریلیشینده مینلرجه اینسان اؤلدو، حالبوکی گونش ایلی 1332 ده ایراندا اولان گرچک کودتادا 300 نفر حدودوندا آدام اؤلموشدور، حتما جناب سییابلی نین نظرینده اودا ساختا کودتایدی.

سییابلی : من اؤزومده تورکچویم، دؤولت باخچالی تورکیه ده تورکچولوک حرکاتینی بیتیردی، او اگر بو قدر اردوغانا دستک وئرمه‌سیدی اونلار بو قدر اوغور قازانابیلمزدیلر. من 90ینجی ایللرده تورکیه ده یاشامیشام 10 مینلرجه اینسان باخچالی‌دان نفرت ائتدیگی اوچون اردوغانا سس وئردیلر. اونلار هله ده باخچالی نین آجیغینا اردوغانی دستکله‌ییرلر و اونا اینانیرلار، اردوغان چوخ حیله‌گر سیاستچیدیر، اردوغان تورکیه ده ان تهلیکه‌لی سیاستچیدیر، او هامینی آلدادیر، پ ک ک نی آللادیر، آوروپانی آللادیر، آمریکانی آللادیر، قیلیجدار اوغلو آغپارتی‌نین یاماغی کیمیدیر،

جنابلی سییابلی نین دوشونجه‌سی اساسیندا، تورکیه دئموکراسی‌سی دونیانین ان آلدادیجی و ان حیله‌گر سیستئمی‌دیر و بوتون موافیق و موخالیف حیزب رهبرلری بیر عیده آللانان و هئچ بیر اینانجا صاحیب اولمایان و دیکتاتورلوغا بویون اَین آداملاردان باشقا بیر شئی دئییل. و حتی بوتون تورکچولر، و حیزبلرده ایشتیراک ائدن آداملاردا آلدانمیش و هئچ بیر شئی بیلمه‌ین آداملاردیر، تورکچولرده بیربیرلریندن کوسه‌رک تورک دوشمنلرینه یعنی آغپارتی‌یه اوْی و سس وئریرلر تا بلکه تورک میللتی‌نین قبرین قازسینلار!!!،

جناب سییابلی نین ذئهنیتینده بو تورک میللتی و مخصوصا بو تورکچولر عجب بیلمز اینسانلاردیلار.

سییابلی : من تورکیه‌نین حالینا یانیرام، (اردوغانین ایشلریندن دولایی) تورک خالقی معین قیسمی تورک عسگرینه حقارت ائدیر، اندیشه وئریجی دورومدور، او ایسته‌ییر اؤزونه ابدی حاکمیت تعیین ائله‌سین، او ایسته‌ییر 3 میلیون سوریه‌لی‌نی تورک وطنداشلیغینا قبول ائتسین، بو تورکیه خالقی اوچون بؤیوک بیر فلاکتدیر، او اوزونو آوراسیا اتفاقینا چئویریبدیر. او اوزونو پوتین و چین و دیگر دیکتاتورلارا توتوبدور.

اردوغان بیلیرکی آمریکا اوندان اوز دؤنده‌ریبدی و بو اوزدنده تلم تلَسیک پوتین دن عوذر ایسته‌دی.

--تورکیه علئیه‌اینه کینه دولو اینسانلار، تورکیه‌نی یالنیز اردوغان جیلدینده گؤرورلر و اردوغانی تورک دونیاسینین ان تهلیکه لی عنصرو ساییرلار، گویا او تورکلری اوچوروما آپاراجاقدیر، بو تفککور صاحیبلری وقتی نئچه آی اؤنجه روس اوچاغی وورولدو اونون علئیه‌اینه‌ایدیلر وقتی روسلارلا باریشدیلار یئنه ده اونون علئیه‌اینه‌ایدیلر وقتی اسرائیله گئدن اینسانی یاردیم گمی‌سی اسرائیل طرفیندن وورورلدو یئنه ده اردوغان و دؤولتینین علئیه‌اینه‌ایدیلر و ایندی باریشیرکن یئنه ده همان دوشونجه‌ده‌دیلر. و دائما بیر سؤزو تئکرارلاییرلار، گویا اردوغان و آغپارتی حکومتی‌نین هدفی اؤلکه‌نی داغیتماقدیر. و دمکراسی حرکتینده یئنه ده دئییرلر اردوغان نقشه چکیبدیر و هر شئی‌یی اله گئچیرمک ایسته‌ییر. و بو گئدیش بؤیوک دیکتاتورلوغا گئدیر و بؤیوک تسویه‌لره یول آچاجاقدیر.

سییابلی : اردوغان 10 ایلدن چوخدورکی حاکمیتده دیر آیا دویدونوزکی اردوغان بیر یولدا افتخارلا دئسین من تورکم؟ هئچ واخت دئمه‌ییبدیر.

جناب سییابلی قونوشماسیندا خاص زیرکلیکلری واردیر آما حئیف کی منفی جهتده و اومودسوزلوغا قاپیلاراق اوندان یارارلانیر، بورادادا بیلمه‌جه کیمی بیر سؤزو اورتایا آتیر، اونون جاوابینی نجور وئره‌سن بیر بهانه گتیره جک، من فقط اردوغان قونوشمالاریندان ایکی جومله وئریرم، البتده منیم هدفیم اردوغانین تورکلویه صادیق اولماسی و یا اولماماسینی اثباتلاماق دئییل، هدفیم بودور بیر سیرا شئیلری اثبات ائتمک اوچون سند تاپماق و جورله‌مک اؤزللیکله سفسطه یؤنتَملرییله، چوخدا چتین بیر شئی دئییل، آما بیر حرکت ویا شخص حاققیندا عمومی آنلاییشی دوشونمک و اورتایا قویماق و مخصوصا اونون گئدیشاتینی و یارار و ضررینی میللتیمیز اوچون اؤنگؤرمک چوخ چوخ چتیندیر :

-Cumhurbaşkanı Recep Tayyip Erdoğan, başkanlık ettiği Millî Güvenlik Kurulu ve Bakanlar Kurulu toplantıları ile ilgili yaptığı basın toplantısının ardından Türkiye’ye seslendi. "Ve biz bu süreçten, göreceksiniz Türk milleti olarak, Türkiye Cumhuriyeti’nin halkı olarak, güçlenerek çıkacağız."diye ekledi.( 21.07.2016)

-Erdoğan Yozgat'ta Bozok Üniversitesi'nde konuştu"Türk Milleti bu projeyle bir tarih yazacak. Dedimiz Fatih kadırgaları karadan yürüttü, biz de Marmaray'ı denizin altından yürüttük…(25 mart 2016)

سییابلی : اردوغان آرتیق اؤزونو نئجه تورک خالقینا سئودیره بیلردی و بو سببله ایقتیصادی اینکیشافا ال ووردو. او میلیادرلارلا بورج آلاراق بونا نائل اولوبدور، بو بیر اوقدرده بؤیوک بیر خیدمت دئییل، بو بورجلاری تورک خالقینین ائولادلاری اوزون ایللر اؤده مک مجبوریتینده قالاجاقلار.

والله جناب سییابلی‌نین اینانیلمازعجیب سؤزلریندن بیریدیر! بیر تورک دوشمنی اولان اردوغان، اؤزونو تورک خالقینا سئودیرمک اوچون ایقتیصادی جهتدن تورکیه‌نی بؤلگه‌نین ان گوجلو دؤولتینه چئویریر، و دونیانین 17ینجی قدرتینه دؤنوشدورور، و بؤیوک آوروپادا 7-8 یوزمین سیغینماجی اونو داغیداجاق قدر بحران یاراداراق، تورکیه میللتی و دؤولتی ائیله گوجه صاحیب اولورکی 3 میلیویندان آرتیق سوریه‌لی‌نی ایللرجه اؤلکه‌لرینده باریندیریرلار.

--بورادا شک یوخدورکی تورکیه‌ده تهلیکه‌لرین بیری هر بیر دینچی سیاستمدار واسیطه‌سییله اورتایا گله‌بیلن دینچی رادیکالچیلیق اولابیلر و فرقی یوخدور بو شخص هرکس وحتی آغپارتی ایچینده ویا حتی اردوغان دا اولابیلیر، آما میللت ایچینده گولنچیلیک قارشیتی حرکتلر اومود وئریجیدیر چونکی خالقین مئیدانا چیخماسی دئمک اولار بیر نوع دین رادیکالیسمینه قارشی بیر حرکت ساییلمالیدیر، و اردوغانین دا گولنچی رادیکالچیلار علیه‌اینه صحنه‌یه گیرمه‌سی، اولابیلدیگی قدر اونون دینچی رادیکالچیلیق اینحرافینی اورتادان قالدیرماقدادیر، آیدیندیرکی هئچ بیر کس بیر شخصین گله‌جکده نجور حرکت ائده‌بیلدیگی حاقدا کسین بیر اؤنگورده اولابیلمز و بوجور مسئله‌لرده یالنیز میللتدن یانا تاویر آلمامیز شرطدیر...

--آیریجا جناب سییابلی‌نین سؤزونون دیب نوقطه‌سی و توتومو تسلیمیتدن باشقا بیر شئی دئییلدیر، و اونون تفککورونو اصل توتارساق، تورکیه دؤولتی ظالیم و قدّار دؤلت‌دن باشقا بیر شئی اولمایاراق، گره‌ک توپدان توفکدن اله گئچیرک و چریکلر کیمی و داها آیدین دئسک پ.ک.ک. کیمی ساواشا گیرک و البتده ضربه گیریشیمی یاپانلارا قوشولماق ان قیسا یول اولابیلیر و بئیله‌لیکله میللتی و آلداتیلمیش تورکچولری اؤلدوره‌رک، تورکیه‌نی نجات وئره‌بیله‌ریک!!!

-بو مسئله عئینا بونا بنزه‌ییر ایراندا گونش ایلی 1357 ده بیر دئوریم اولور و خمینی ایش باشینا گلیر،

-بیر توتوم بو اولابیلیر ائنینده سونوندا خمینی مجوسی شیعه‌لیگی اساسیندا بیر تفککورو واردیر و باتیلی اؤلکه‌لرده خاجلی تفککورلو قوّه‌لر بو شخصی ایسلام عالَمینی داغیتماق اوچون گتیریبلر و بو جهتدده ده اونو کوللاناجاقلار،

بو توتومو سرگیله‌دیگیمیزده جبرچیلیگه اینانماقدان و پاسیو اولماقدان باشقا بیر یولوموز قالمیر، و هر بیر شئیین اؤنجه‌دن بلیرلنمیش اولدوغونو قبول ائدیریک و خالقین و آیدینلارین و سوسیال شبکه‌لرین و قازئته‌لرین و درنکلرین بو گئدیشده تاثیری اولمادیغینا اینانیریق، یعنی بو حالتده دئمک اولار همان اولده بیزلر یئنیلگی‌نی قبول ائتمیش اولوروق و تسلیم اولاراق اؤزوموزو اؤزگه‌لرینین حرکتلریندن یارانان دالغالارا بوراخیریق، و اونلاردا ایسته دیکلری یئره بیزی گؤتورورلر.

-ایکینجی توتوم خالقا اؤنم وئرمک و اونلارین حرکتینی اوزه چیخارارق اونلارا اؤزگووه‌ن وئرمک اولاجاقدیر و بو حالتده توپلومون هر یئرینده اکتیو و فعال توتوم سرگیله‌مک زوروندا قالاجاییق.

-شاید بو میثالی ایران سئچیملرینده و اؤزللیکله گئچمیش سئچیملرده داها آیدین شکیلده گؤرمک مومکوندور، قوشقوسوز ایران گنلینده و فارس حاکمیت دایره‌لرینده سئچیملرده تقلّب ائله‌مک بیر عادی داورانیشا دؤنوشوبدور، حکومت آداملاری و مخصوصا رهبره باغلی قوّه‌لر هر یئرده ایمکان تاپارسالار تقلّبه و حیله‌یه ال آتاجاقدیلار.

گونازتی‌وی و آیدینلار ایران سئچیملرینده ان دوزگون توتومو اورتایا قویدولار

اگر گونازتی‌وی، آیدینلار و میللت پاسیو و منفعل بیر حرکتده اولسالار، فارس حاکمیتی اؤز نفعینه هر جور تقلبه ال ووراجاقلار، آما خالق و آیدینلار فعال اولاندا، اونلار مجبوردولار بعضی یئرلرده آیدین آشکار تقلبلره آل آتماسینلار و بو مسئله اؤزو بؤیوک بیر ایلرله‌مه‌یه یول آچیر. البتده تقلّبون قارشیسین آلماق، آیدینلارین فعال اولما حرکتلرینده اصلی مسئله ساییلمیر، اصلینده او زامان کی آیدینلار، حرکته گئچیرلر و خالقی اؤز یاسال حاق و حقوقلارینی ایسته‌مک اوچون صحنه‌یه چکه‌بیلیرلر، دئمک اولار خالق گله‌جگه دوغرو حرکته گئچیر و جبرچیلیگه قارشی چیخاراق، فارس حاکمیتینی سورقو سوال آلتینا آپاریرلار و میللی حرکت گوجلنمه‌یه باشلاییر و صنفی ایستکلردن میللی ایستکلره دوغرو گئدیلیر.

-تورکیه‌ده ده عئینا یوخاریداکی سؤزلر گئچرلیدیر وقتی بیزلر گئجه‌گوندوز دئموکراسی حرکتینه یالنیز توطئه و شوْو تفککورویله یاخینلاشیریق و میللتین حرکتینی کؤلگه‌ده بوراخیریق، خالقی پاسیو دوروما گتیرمک ایسته‌ییریک، معلومدورکی ایران خالقینین ایچینده یایقین اولان مثلی (بو ایش اینگیلیسلرین ایشیدیر) جانلاندیرماق ایسته‌ییریک، و معناسیدا بودور : ای میللت سیزین بو حادیثه‌لرده هئچ بیر نقشینیز و رولونوز یوخدور و گئدین ائوینیزده اوتورون و یازیلمیش یازقی و سرنوشتینیزه قانع اولون.

آیریجا، بو حرکتین آرخاسیندا هر نه اولورسا اولسون صحنه ده اولماق، خالقین حرکتینه اؤنم وئرمک، اونلارین ائتگی‌سینی اؤنه چیخارماق، اونلاری فعال شکیلده اورتایا چیخان حادیثه‌لرده اشتیراکا تشویق ائتمک، و گله‌جگین اونلارین الینده اولماسی فیکرینی وورقولاماق، کیمی تفککورلر و ائیلملر بیزیم اصلی حرکتیمزه دؤنوشورسه، آیدیندیرکی گئدیشاتین یؤنونو و جهتینی دَییشمیش اولوروق و خالقی کؤکو معلوم اولمایان تئوریلر اساسیندا اومودسوزلوغا سالماقدان قورتارمیش اولوروق.

-طبیعی دیرکی بیزلر هر قونوشمادادا کؤتو واریانتلاریدا دئمه‌لی‌ییک آما هر جومله‌سینده بئله، اونلارا آچیقلیق وئرمه‌لی‌ییک، و بو تور آچیقلامالار خالقین حرکتینه و داها دوغروسو هر بیر فردین حرکتینه یؤن وئرمکدن گئچر. (بیزده تورکچولردن آیری اولمایاراق، نئهیلیست و ییخیجی فیکیرلره آچیقلیق گتیرمک مجبوریتینده‌ییک.)

گونئی آذربایجاندا دونیا گؤروشوموز بعضی مسئله‌لرده هله‌ده هله‌دی آخساییر.

--دوغال بیلیملر بیلگینیلریندن بیری بئیله بیر سؤز دئمیشدیر : سیز بیر سیرا وئری(داده) و بیلگیلری منه وئرین و ایستیرسینیز من یئر کوره‌سینی، سیزلره کُرَوی شکلینده، بیضی ویا مکعب شکلینده اولدوغونو اثباتلاییم.

بو مسئله‌یه تای سیزین تورکیه ضربه‌سی حاقدا الینیزده بیر سیرا بیلگیلر (نه قدر یالان و دوغرو اولدوغو معلوم اولمایاراق هامیسی گووه‌ن جهتیندن برابر و ائش‌دیَردیلر) واردیر، راحاتجاسینا و مالیخولیایی تفککورلر اساسیندا، بو کودتانین آمریکانین، یا روسیه‌نین، یا اردوغانین و حتی ایرانین ویا کوردلرین و ... ایشی اولدوغونو و یا بیر قروپ گولنچی و نهایتا قارماشیق و کومپلکس بیر قروپون ایشی اولدوغونو اثباتلایا بیلرسینیز، البته یئنه‌ده بو اثباتلامالارین هئچ بیری بیزلره نه دوغرو ایپ اوجلارینی وئره‌جکدیر ونه یول گؤستَره‌بیله‌جکدیر.

بو حادیثه‌یه تای اؤزللیکله عؤموروموزده اتفاق دوشن چوخلو اولایلاری و مثلا 11 سئپتامبر ویا حتی چوخ گئچمیشه عاید اولان فرانسه اینقیلابی حاقدادا هر جور سئناریونو اثباتلاماق مومکوندور.

آنالیزلریمیز اؤزوموزه قانع ائدیجی اولماسی اوچون یالنیز تک بیر یول قالیر، بوتون بو آنالیزلر، وئری‌لرین گووه‌نیرلیگینه و آیریجا بیزم باخیش آچیمیزا و دونیا گؤروشوموزه باغلی اولور، بیز دونیامیز، تاریخیمیز، چئوره‌میز و گله‌جگیمیزی نجور گؤرورسک بیزیم آنالیزلریمیزده گنل حالدا او باخیشدان آسیلی اولاجاقدیر، بیزلر باخیش آچیمیزدا بیردن بیره سیْچراما یاپا بیلمه‌ریک و تدریجی اولاراق اونو دوزگون گله‌جک دوغرولتوسوندا یؤنلندیرمه‌یه چالیشابیلیریک.

آیری دئییشله آنالیزلریمیزین بؤیوک بؤلومو و جهتلری بیزیم اوره‌گیمیزه، و بوتون بیلگیلردن دوشوندویوموز منطیق بیلیمی و یاشاییش فلسفه میزدن قایناقلانیر.

-نه یازیق کی تورکیه دئموکراسی حرکتی سیراسیندا، بیز گونئی آذربایجانلیلار و اؤزللیکله آیدینلار سویه‌سینده، پاسیو و منفعیل قالدیق، بیزلر اورتامی و دورومو داها آیدین دوشونه بیلر‌دیک، بیزلر تورکیه تورک میلتینه داها فعال دستک اولابیلردیک.

-بیر حالداکی بوتون کوردچولرله فارسچیلارین دونیاگؤروشلرینده ان بالاجا آخساقلیق یوخویدو، ضربه گیریشیمی باشلایاندا کورد ترورچولاری مهاباددا و سنندج‌ده شنلیکلر یولا سالدیلار و نژادپرست فارسچیلار بوتون ایجتیماعی شبکه‌لرده تورکلره یامان دییره‌رک تورکیه‌نی و اردوغانی پیسله‌ییردیلر و تورک میللتینین وضعیتینین بحرانی اولدوغوندان اولدوقجا خوشحال ایدیلار و بونون اوچون و تورکلرین بیربیرلرینی اؤلدوردویو اوچون، توی بایرام ائدیردیلر. و نه یازیق کی آیدینلاریمیزین چاشباش قالدیغی اوچون، بیزیم میللت ده، یالنیز فارسچیلارین و کوردچولرین ضداینسانی توتوملارینی و یامانلارینی سئیر ائدیردیلر و هر تور آچیقلیق وئرمکدن عاجیز ایدیلر. و چوخلاری هله ده همان وضعیتده دیلر.

-یادیما گلر گونازتی‌وی‌ده بعضا احمدبگ و دوزگون‌ده اولاراق بئیله دئیر، وقتی بیز دیلیمیزدن و میللی دیَرلریمیزدن و داها آیدین دئسک میللی اوتوریته میزدن دانیشیریق، بو پارامترلر اوچون گره‌ک بیر میللت اولسون، گره‌ک بیر توپراق اولسون و گره‌ک بیر دؤلت اولسون، توپراقسیز و دؤولتسیز میللت قالیجی اولابیلمز.

بونلارا تای وقتی بیز تورکیه دن دانیشیریق بعضی شخصلر کیمی هاواد اولان قوشلاردان دانیشمیریق بیز بیر میللتدن و بیر دؤولتدن و دموکراتیک بیر حکومت قورموش حیزبلردن دانیشمالی‌ییق.

بیهوده و یاوا بیر سؤزلر اولاراق اؤزوموزو تورک میللتیندن یانا اولدوغوموزو سؤیله‌یه‌رک بو میللتی تمثیل ائدن بوتون حیزبلری و اونلارین باشچیلارینی و هره‌سینی بیر بهانه اییله دوشمن کیمی قلمه وئررسک، آیدیندیرکی بیز آزمیش بیر یولداییق و بوتون دونیانی بیهوده بیر شئی کیمی گؤرمکده‌ییک.

--تورکیه‌نی گؤزو گوتورمه‌ینلر مختلیف جیلیدلره گیررلر، بوجور شخصلر ایلکجه بوتون تورکیه‌نی و اونون اینسانلارینی و کولتورونو و اینکیشافینی کولگه‌یه سالاراق اردوغان کیمی آدامی سمبول توتارلار و اونو پیسله‌مکله، بوتون مملکتی پیسله‌یرلر، یوخاریدا سؤیله‌نن کیمی بو تفککور صاحیبلری روس اوچاغی وورولارکن و سونرا باریش اولارکن، غزّه‌یه کؤمک اولارکن و سونرادا اسراییل لا باریشارکن یالنیز تورکیه نی سوچلو توتارلار، و هر بیر شئیی توطئه و کلک شکلینده یوروملایارلار.

بو حاقدا بیر میثال داها آیدینلادیجی اولاجاقدیر.

فرانسه دئوریمی و تورک میللتینین اینسانجیل دئموکراسی دئوریمی

فرانسه دئوریمی 1789ونجو ایلده اتفاق دوشدو، بو دئوریمین دونیا چاپیندا بیر ائتگی یاراتماسیندا و یئنی بیر دؤنم ووجودا گتیردیگینده هئچ کسین قوشقوسو یوخدور.

فرانسه اینقیلابی، دئمک اولار جومهوریتین و دئموکراسینین باشلانقیجی ایدی.

آما بو حاقدا اوخودوقلاریمیزی بیر دفعه ده یادیمیزا گتیره‌بیله‌ریک؟ آیا بیلیرسینیزکی 10 ایل فرانسه اینقیلابی سونراسی نه اولایلار اوز وئردی، 1789-1799 ایللری آراسیندا جومهوریت قورولدو فقط بو دؤنمده (ژاکوبئن آدیندا بیر حیزب دؤنمی) ان آزی 20 مین نفر و بعضی دئییلنلره گؤره50 مینه یاخین اینسان، و اؤزللیکله موخالیف قروپلاردان گیوتین له اعدام اولوندو و سونرادا خالق ایچینده بؤیوک قارقاشالار یاراندی و بؤیوک بیر تئرور دؤنمی باشلاندی و 10 ایل سونرادا بیر عیدده‌لرینین دئدیگی کیمی، دونیانین ان بؤیوک دیکتاتورو ناپلئون بناپارت ایش باشینا گلدی و چوخ مملکتلره هجوم ائده‌رک استعماری بیر حکومت یاراتدی، البته بعضیلری ده اونو، او اورتامدا دیکتاتور اولسادا قوردوغو حکومتی چاغداش بیر امپراتورلوق کیمی دیرلندیریرلر.

بیزیم مالیخولیا توتموش بعضی اینسانلاریمیزادا بیر سوال وئرمک لازیمدیر، آیا فرانسه دئوریمینده اوز وئرن بو قدَر اعدام و ترور و جینایتلر، بو دئوریمین اؤنمینه و بؤیوکلویونه ان اوفاق و بالاجا ضرر و زیان وورابیلمیشدیر؟ آیا ایندییه کیمی آیدین و چاغداش تفککورلو بیر نفر (بعضی دیکتاتورلوق یانلیلاری خاریج) تاپیلیبدیرکی بو دؤنمی بؤیوک دمکراسی و جومهوریت حرکتی اولدوغونو دانسین؟ مطمئنا بئیله بیر ساغلام عاغیللی شخص تاپابیلمه‌ریک.

-بؤیوک و قاپساملی دموکراتیک حرکتلرده، دئوریم حرکتینه حاکیم اولان عمومی و گنل تفککور داها اؤنملیدیر و اورتایا چیخان کیچیک و بؤیوک اینحیرافلار البتده کی پیسلنمه‌لی و اؤنلنمه‌لیدیر، آما اونلار ائیلییه‌بیلمز حرکتین آنا تفککورونو سؤال آلتینا آپارسین و اونون آنا و اصلی مساژلارینی کؤلگه‌ده ساخلاسین.

تورکیه دئموکراسی حرکتینده‌ده البتده کی اردوغان ویا اونا تای هر کس ائیلییه‌بیلر دیکتاتورلوق دا یارادسین ویا بیر سیرا چاغدیشی ایشلر گؤرسون، اما هئچکس ائیلییه بیلمز تورک دئموکراسی حرکتینین مساژلارینی و بو حرکتی، توطئه و شوو تفککورلارییلا کؤلگه‌ده بوراخسین.

آیری بیر دئییشله بوتون آیدینلارا و اؤزللیکله تورکچولره ان اؤنملی مسئله بو حرکتین آنا خطلرینی قوروماق و اونلاری ساوونماق دوشر، بو کسیم هر نه قدر بو گئدیشده پاسیو قالارسالار، دئمک اولار عکس جهتده گئدن حادیثه‌لره تسلیم اولورلار و بیر عیدده نین اورتایا آتدیغی اردوغان دیکتاتورلوغونودا داها چوخ برکیتمیش اولورلار.

بورادا قوشقو یوخدور اردوغان کیمی شخصلرده، بؤیوک دؤولتچیلیک آنلاییشینا صاحیب اولان اینسانلار اولاراق، حکومتلرینی بیر طرفدن اولوسلار آراسی اورتاما گؤره دوزه‌نله‌ییرلر و آیری طرفدنده بوتون آیدینلاردان و او جومله دن تورکچو کسیمدن ده ائتگیله‌نیرلر، پاسیو بیر تورکچو کسیم هم تورکیه حکومتینین گئدیشینه منفی تاثیر قویاجاقدیر و هم گونئی آذربایجان میللی حرکتینه ضرر وئره‌جکدیر.

بیر لحظه دوشونون اگر بو ضربه گیریشیمینده و دئموکراسی حرکتینده، گونئی آذربایجان میللی حرکتی نین فعاللاری، دوزگون و دئموکراسیدن یانا و دیکتاتورلوق و کودتا علئیه‌اینه دوزگون شکیلده فعال برخورد ائله‌سَیدیلر، نه قدر بیزیم اؤز میللتیمیزین دئموکراسی آنلاییشینین یوکسه‌لیشینده تاثیر بوراخاجاقدی. نه یازیق کی بیز بو فورصتی الدن وئردیک و بونو آنلایابیلمه گوجوموز اولمادی.

یئنیلگی و قالخیش یاشاییشین بیر پارچاسیدیر

--یئنیلگی یاشاییشین بیر پارچاسیدیر آما آییق اولمالی‌ییق و بوتون گوجوموزو تامامییله توکَتمه‌دن، آیاغا قالخا بیلمه‌لی‌ییک.

بیزلر گونئی آذربایجان میللی حرکیتی‌نین ایچینده اولاراق وضعیتی دوشونه‌بیلمه‌یه‌رک و دوست دوشمنی تشخیص وئره بیلمه‌یه‌رک تورکیه دئموکراسی حرکتینه قاتیلامادیق و بو حاقدا یئنیلگی‌یه اوغرادیق.

تموز آییندا تورک میللتینین اینسانجیل دئموکراسی حرکتینده، بعضیلریمیز، کورد تروریستلرییله و فارس ایرقچیلارییلا بیر جیبهه ده یئر آلدیق.

-توطئه تفککورو، و دوشمنی خاص بیر شئیلرده سمبولیزه ائتمک، و او سمبولو پیسله‌مکله، دوشمنین هر جور یاخشی و پیس شئیلرینی گؤزدن سالماق، فارس راسیستلرینین و فارس شیعه‌لیگینین اساس تفککورودور، نه یازیق کی بیزیم ایچیمیزده ده بیر عدّه بیلمه‌دن بو کولتوره قاپیلیرلار و بوجور سمبولیزه ائدیلمیش شئیلره دیققت ائتمه‌دن فارسلارا قوشولورلار، و فیکر ائدیرلر یالنیز او شخصی ویا بیر قورومو و حیزبی پیسله‌ییرلر و متوجه دئییللرکی بیلمه‌دن تورکیه و اصلینده تورک دوشمانلیغی یاپیرلار.

-آما لازیمدیر بیزلر هر زامان وضعیتی دوزگون دیَرلندیرک، جبهه‌میزی فارسچی ایرقچیلیغیندان و کوردچو و ائرمنیچی تئروروندان آییراق و دئموکراسیدن یانا بیر تاویر آلاراق تورک دئموکراسی و چاغداش دینی حرکت جبهه‌سیندن آیریلمایاق، و مطمئنا بؤیوک قازانیملار الده ائده‌جه‌ییک.

هئچ کس شک ائتمه‌سین‌کی ایندیکی چاغدا آذربایجان تورک میللتی بیر داها و هئچ واخت آذربایجانین میللی قهرمانی شهید خیابانی‌نین اؤلکه خاریجینده اولان تورک سوْیداشلارینا قئیدسیز قالماسی خطاسینا دوشمه‌یه‌جکلر، و عمومیلیکده اؤز گوجلرینه گووه‌نه‌رک دوست دوشمنی‌ده بیربیرینه قاریشدیرمایاجاقلار.

-قوزیئ آذربایجان : گونئی آذربایجانین بعضی آیدین کسیمینده، تشخیص یئترسیزلیگی یانیندا، قوزئی آذربایجان دؤولتچیلیگی اولقونلوغو دیققت چکیجیدیر، ساغ اولسون قوزئی آذربایجان دؤولتیمیز، بیر آز گئجده اولسا دورومو آنلادی و شوو یاپان تلویزیونچولارلا بیرلیکده داعش ترورچو اینانجینین ائلئباشیسی فتح الله گولن‌له اولان مُصاحبه‌لری بیر ترور تبلیغاتی کیمی دیَرلندیره‌رک اؤلکه سیستیمیندن حذف ائتدی و تورک میللتیندن یانا بیر تاویر اولاراق چاغداش دؤولتچیلیک آنلاییشینی اورتایا قویدو. البتده آذربایجاندا اؤزللیکله خصوصی یایین کاناللاری داها اکتیو رول اوینایا بیلیردی.

--منیم آرزولاریم

--من آرزو ائدردیم گونازتی وی 15 تموز ویا ان آزیندان 16 تموز گونو عادی پروقراملارینی کسمیش اولایدی، و بو تریبوندان نه اینکی فقط اورادا ایشله‌ینلر بلکه بوتون آیدینلار و میللی تفککور صاحیبلری، تلفونلا اونا قوشولاراق خالقی ضربه علئیه‌اینه و دئموکراسی‌نی ساوانماق اوچون اوُیاراردیلار و میللتی سئچیلمیش یاسال دؤلتیندن و حیزبلریندن دفاع ائتمک اوچون خیابانلارا تؤکولمه‌یه چاغیراردیلار، بوجور اولسایدی شک یوخدور کی بیزلر اؤز تاریخی و دؤولتچیلیک آنلاییشیمیزین اولقونلوغونو دونیایا ثبوت ائتمیش اولاجایدیق، آما بئیله اولمادی.

کاشکی بیزیم میللی تلویزیونوموز و اینتئرنئت سایتلاریمیز ائله بؤیوک آنلاییشا صاحیب اولاردیلارکی حتی تورکیه گنل‌ینده آیدینلار و میللت تمثیلجیلری و دؤولت آداملاری گونئی آذربایجانلیلارا گووه‌نه‌رک و اونلارا مراجعت ائده‌رک اونلارین واسیطه‌سییله تورکیه تورک میلتینه مساژ وئرردیلر و خالقا ضربه گیریشیمی علئیه‌اینه چاغیریش وئرردیلر. و بیلردیلر کی تورکیه تورک میللتی بئیله گونلرده تک دئییلدیلر و اونلارین یانیندا آذربایجان تورک میللتیده یئر الیر. آما بئیله اولمادی.

هر حالدا بیزلر اورتامی آنیندا دوشونه بیلمه‌دیک و آنیندا تپگی وئره‌بیلمه دیک.

بیزلر مگر عؤموروموزده، دمکراسینی دادمیشیق کی بو دورومو آنلایابیلک؟ آلتی آیلیق خیابانی حکومتی و بیر ایللیک آذربایجان میللی حکومتی‌نین، ائتدیکلری و گؤرودوکلری ایشلر، کیمین یادیندا قالاجاقدیر؟

بیزلر مگر یاخین دؤنملرده دؤولتچیلیک قورموشوق؟ مگر دؤولتچیلیک مفهومونو بیلیریک کی؟ تورکیه تورک میللتینین دؤولتچیلیک آنلاییشینی دوشونه‌بیلک؟

بیزی هئچکس دادامادیغیمیز، گؤره‌مه‌دیگیمیز، تجروبه ائده‌مه‌دیگیمز دمکراسی دان دولایی، و میللی دؤولتی ساوونماق اوچون، میللی اوردویلا بیرلیکده بیر جونتاچی ضربه گیریشیمی علئیه‌اینه جانیمیزدان و مالیمیزدان گئچه‌مه‌دیگیمیزدن دولایی سوچلامامالیدیر. زیرا بیز بونلارین هئچ بیرین گؤرمه‌میشیک.

بیز گونئی آذربایجان تورکلری یالنیز باشیمیزین اوستونده اولان بیر ایرقچی فارس شاهی و ترورچو تورک دوشمنی اولان فارس شیعه‌لیگیندن باشقا هئچ بیر ذئهنیتیمیز یوخدور.

سونوندا اشاره ائتمه‌لییم یوخاریداکی سؤزلرده یالنیز تورکیه سَویه‌سینده کیمی حرکتدن سؤز گئدیر، اگر بیز آذربایجانلیلار ائیلییه‌بیلمه‌دیک کوتله‌وی حالدا و اؤزللیکله توپلو یایین اورقانلاری سَویه‌سینده تورکیه قارداشلاریمیزا کؤمک ائدک، آما بونادا اشاره اولونمالیدیر کی آذربایجاندا بوتون تورکلر بو حادیثه‌دن سون درجه ناراحات و اوزونتولویدولر، من حتی بیر نفر آذربایجان تورکونه‌ده راستلامادیم کی بو اتفاق دان خوشحال اولموش اولسون، و سئویندیریجی جهت ده بورادادیر، آذربایجان تورکلریده تک اورک کیمی تورکیه میللتینین اوُدقوسوندان و دئموکراسی حرکتی‌نین اوستونلویوندن و ضربه گیریشیمینین یئنیلمه‌سیندن بؤیوک اؤلچوده خوشحال‌ایدیلار و تورک میللتی‌نین بو تهلیکه‌نی آتلاماسیندان، راحاتلامیش اولدولار.

گله‌جگه باخیش

بو بؤلومده حادیثه‌لری اولموش کیمی حئسابلایاراق بو حاقدا من گله‌جک اوچون اؤز دوشونجه‌لریمی دیله گتیرمک ایسته‌ییرم.

تورک دوشمانلاری اوردونون علئیه اینه اولاراق بیر سیرا کوچومسه‌مه‌لرله و اوردونون بو ضربه‌ده فداکارلیقلارینی کؤلگه‌ده ساخلایاراق، اونو ییپراتماغا چالیشابیلرلر، آما تورک میللتی اوردو کوموتانلارینین و اوردو سوبایلارینین فداکارلیقلارینی اصلا یاددان چیخارمامالیدیر، بو ضربه‌نین پوسکورتولمه‌سینین اؤنملی سببی و اؤزللیکله تئکنیکی جهتدن تاماما اوردونون بؤیوک دیققتینه و صداقتینه، آییقلیغینا و فداکارلیغینا باغلی ایدی، شاید هر حالدا و سونوندا خالق، چته‌جیلره غالب گله‌جک‌ایدی آما بؤیوک ضایعه‌لره اوغرایابیلردی، اما اوردونون میللته یاردیمدا اولماسی بو ضربه‌نی ان آز ضایعه اییله سونا اردیردی و بو اوزدن تورک خالقی گرک بئیله بیر ساغلام ائییتیلمیش اوردویا منتدار اولمالی و اونا صاحیب چیخمالیدیر و البتده‌کی ضعفلرده گؤزدن گئچیرمه‌لیدیر.

--بو سوره‌جین گئدیشاتیندا خالق دئموکراسی‌یه صاحیب چیخمالیدیلار و قوشقوسوز بونودا ائده‌جکلر.

--تورکیه‌نین دئموکراسی حرکتی، چته‌چی و فارس شیعه‌لیگی‌اییله بیرلیکده گولنچی و نورچو دینچیلره‌ بؤیوک درس وئردیکلرینده هئچ قوشقو یوخدور و دونیا بیلدی کی تورکیه‌نین اورتا دوغودا یئر آلدیغی حالدا، داعش و فارس امامیه شیعه‌لیگی کیمی ترورچو دینچیلره، ان بالاجا ائییلیمی (تمایلو) و علاقه‌سی یوخدور، گرچکدنده بو میللت اؤز اینانج سینیرلارینی آیدین و آشکار شکیلده اورتاچاغ دینسل تفککورلردن آییردی، بو حرکت تورک میللتینین گله‌جگی اوچون هر شئیدن چوخ اؤنملیدیر.

شکسیز تورک دوشمنلری ایسته‌ییردیلر تورکی میللتینی داعش و فارس شیعه‌لیگی طرزینده و ترور اورتامی یاراداراق بیربیرلرییله قارشی قارشییا گتیرسینلر، آما بوتون فاناتیک دینچیلر، خاچلیلار، کورد تئرورچولر و فارس شیعه‌چیلری بؤیوک خیال قیریقلیغینا و پوزقونا اوغرادیلار و طبیعتا بو میللت اثبات ائتدی گلجکده‌ده بو حرکتین سونوجلارینی قوْروماق و اونون ائتگیلرینی گئنیشلتمک ایشی، یئنه‌‌ده تورک میللتینین اصلی گؤرَوی و اینانجی اولاجاقدیر، اونلار اؤزلرینین حرکت دوغرولتولارینی بللی ائده‌رک گله‌جگی دوشمنلره بیلدیردیلر و اثبات ائتدیلر بو میلت بئیله راحات اونلارین اویونلارینا گلمه‌یه‌جکلر.

البتده بو حرکتین گئنیش ائتگی‌لرینین اولماسیندا قوشقو اولمایاراق دوشمنلری بیر طرفدن بؤیوک اومودسوزلوغا سوروکله‌دی و آیری طرفدنده دوشمنلره گؤستردیکی بو میللت راحاتجاسینا دوشمنلرین تله‌سینه دوشمه‌یه‌جکلر، بو اوزدن دوشمنلر ائیله‌یه‌بیلرلر داها بؤیوک و اوزون مدتلی توطئه‌لر فیکرینده اولسونلار بو اوزدنده تورک میللتی بوجور مسئله‌لر حاققیندادا داها چوخ اوْیانیق اولمالیدیلار.

ضربه گیریشیمی بیر داها ثبوت ائله‌دی خالق‌ین رولو اؤلکه‌ده و اؤزللیکله دموکراتیک اؤلکه‌لرده تصوّر ائتدیگیمیزدن داها چوخ اؤنملیدیر، و حکومت ائدنلر بو پارامئتری گؤز آردی ائتسه‌لر گئج ویا تئز اودوزاجاقلار.

منیم دوشونجه‌مده تورکیه‌نین دئموکراسی حرکتی اصلینده بیر دئموکراسی دئوریمی‌ کیمی آدلاندیریلمالیدیر. بو دئوریم بوتون تورک خالقلارینی و اورتادوغو خالقلارینی دریندن ائتگی‌له‌یه‌جکدیر، بونو ثبوت ائتمک یالنیز گله‌جکده مومکون اولاجاقدیر

مقاله‌نین یازارلاری: آلتای اورمولو، چنگیز حسینی قمی، 23 تموز 2016 (2 مرداد 1395).

قایناقلار

سون بؤلومده یارارلاندیغیمیز قایناقلار و داها دوغروسو بیزلره یؤن وئرن قایناقلار خاطیرلادیلیر :

1-صمد بایاتلی، آذربایجان شیعه لیگی و فارس شیعه لیگی.

2-صمد بایاتلی، حرکت ملی آذربایجان و پیام مذهبی اخلاقی ان، مترجم ارسلان تورانلی. (نقدی بر مذهب جعفری آذربایجان و مذهب امامی فارس).

3-حمید دباغی، نادرشاه افشار، بنیانگذار دولت مدرن تورک آذربایجان.

4-صمدبایاتلی، چنگیز حسینی قمی، آلتای اورمولو، پایه های لرزان حاکمیت فارس

5-آیدین یئنیلمز، دیو چهریق (جنایات اسماعیل سیمیتقو)

6-ائلشن آستارالی، ایران باستان : هیاهو برای هیچ!

7-خانم دکتر براند شیفر، مرزها و برادری

8-اوجالان ساوالان، مانقورت نامه

(سؤزلوک : اینسانجیل: اینسانی، ضربه گیریشیمی : کودتا، قالخیشما : شورش، ایلکه: اصل، اساس)

کیتابین سونوندا آذربایجانین میللی حرکتی‌نین گؤروشلرینی یایان مختلیف اینترنئت سیته‌لرینه و اونلارین قوروجولارینا  تشککور ائتمه‌لی‌یم، اونلار بیزیم میللتی آییتماغا بؤیوک ائنئرژی صرف ائدیرلر، من شخصا بئیله اینانیرام اگر بیزلر ائیلیه بیلک بیر نفری ائیله تشویق ائیله‌یک‌کی حتی بیر دانا آذربایجان و تورکلر حاققیندا مقاله و کیتابی  دیققتله اوخوسون، شک یوخدور او اینسان یئنی بیر دونیایا قدم قویاجاق. و دونیانی یالنیز ائشیتدیکلری و گؤردوکلری اساسیندا یوخ، آیریجا تحلیلی شکیلده ده حیس ائده‌جک و بو حالدا جدّی و چالیشقان بیر نفر فعال، حرکتیمیز اوچون قازانمیش اولوروق.

بو اوزدنده مخصوصا آذربایجان اؤیرنجی حرکاتی سیته‌سینی یولا سالانلارا (آزوح)، و یئنه‌ده آرازنیوز، گونئی نیوز، تریبون، اویان نیوز، یورد نئت و چوخلو دیرلی دیگر سیته‌لری ایشله‌دنلره منّتدارام و اونلارین اللری و آیاقلاری آغریماسین.

Share/Save/Bookmark