AZOH: Sülh və Azadlıq Hərəkatının 37-ci ildönümü mərasimlərinə qatılmaq üçün Şimali Kıbrıs Türk Cümhuriyyətinə gedən başş nazir Rəcəb Tayyib Ərdoğan, birlik və bərabərlik mesajları verib.

Baş nazir Ərdoğan, Şimali Kıbrıs Türk Cümhuriyyətində təntənə ilə qarşılanıb.

Ercan hava limanında vətəndaşlara müraciət edən baş nazir deyib ki, biz ətlə dırnaq kimiyik, bu torpaqlar üzərində heç kimə hərbi əməliyyat aparmağa imkan vermərik.

'Hal-hazırda Kıbrıs adlı bir dövlət yoxdur' deyən baş nazir, Adada Cənubi Kıbrıs Rum rəhbərliyi və Şimali Kıbrıs Türk Cümhuriyyətinin olduğunu xatırladıb və Şimali Kıbrısa embarqo və blokada tətbiq edilə bilməyəcəyini vurğulayıb.

Baş nazir Ərdoğanın, prezident Derviş Eroğlu ilə görüşündən sonra da hər iki lider həmrəylik mesajları verib.

Şimali Kıbrıs Türk Cümhuriyyətinin prezidenti Dərviş Əroğlu bildirib ki, 1974-cü ildə Türkiyənin müdaxiləsi olmasaydı, hazırda bizim vəziyyətimiz də Fələstinlə eyni olardı.

TRT və BRT-nin ortaq yayımına da qatılan Ərdoğan, Kıbrısda Türkiyəni istəməyənlərin Cənubla əməkdaşlıq etdiyini vurğulayıb.

TRT