English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

Fransanın ekologiya naziri Urmiyəyə səfər edib

Seqolen Royal Qərbi Azərbaycan valisi ilə Urmiyə Gölü ətrafında fikir mübadiləsi aparıb

İrana rəsmi səfərinin ikinci günü Urmiyədə Qərbi Azərbaycan valisi Qurbanəli Səadət ilə görüşən Fransanın ətraf mühit naziri Seqolen Royal ölkəsinin Urmiyə Gölünü canlandırma istiqamətində əməkdaşlığa hazır olduğunu ifadə edib.

Mehr xəbər agentliyinə istinadən, avqustun 29-da keçirilən görüşdə Fransa naziri İran ətraf mühit təşkilatının sədri ilə imzaladığı əməkdaşlıq müqaviləsinə işarə edərək Urmiyə Gölü mövzusunun da həmin müqavilə çərçivəsində gündəmə gələ biləcəyini deyib.

Seqolen Royal həmçinin hazırda Urmiyə Gölü ətrafında yerləşən əkin yerlərində istifadə edilən suvarma metodlarının gölə zərər verdiyinə diqqət çəkib. O, qədim suvarma metodları üzündən suyun 80 faizinin tükəndiyini bildirib.

Urmiyə Gölünü havadan ziyarət edən nazir fransız ekspertlərin yaxın zamanda bölgəyə səfər edəcəyini də bildirib.

Qərbi Azərbaycan valisi Urmiyə Gölü ətrafında cərəyan edən ekoloji fəlakətin böyüklüyünə diqqət çəkərək gölü canlandırmaq istiqamətində beynəlxalq qurumlara daha çox ehtiyac olduğunu vurğulayıb.

Mehr agentliyinin məlumatına görə, xanım Royal 1990-cı illərində də Qərbi Azərbaycana səfər edib. Onun səfəri həmin illərdə İraq Kürdüstanından Qərbi Azərbaycana mühacir axını ilə əlaqəli olub.

Voa

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter