سعیدلریمیز قلم لرده
سعیدلریمیز قلم لرده(1) (عباس لسانی، مهندس راشدی، بهبود قلیزاده،اسماعیل جمیلی)
اؤزگورلوک آدی ایله
عباس لیسانی
بیرگون حسین لر ، حسن لر،آیت لر،بهروزلار،علیرضالار،غلام رضالار،... وبوگون سعید لر،دئمک یولچولار چئشیدلی اولسادا یول بیر یولدور و او یالنیز کوتله وی و اؤلکه وی آذربایجانین اؤزگورلوگه دوغرو گئدن یولودور .
یول دوام ائدیر نییه کی سارسیلماز یولچولار بوتون ائنیش یوققوشلاری آشاراق یولا دوام ائدیرلر. بللی دیرکی یول ساده و سیرادان بیر یول دئییل،اؤزللیکله یاشام شوشه سینی سارسیلماز یولچولارین قارانلیق ساراینا چاتماسی ایله سینیب داغیلماقدا گؤره ن دئو(فارس شونیزمی)
بوتون یاراق یاساقلارین دئوره یه کئچیریب تا دارسیقال یوللاردا جانین اوووجونا آلیب ایره للمه یه دوام ائدن قهرمانلاری دوردورسون.
توزاخلار سَریر،بوسقولار قورور،داشلار دیغیرلادیر، آسیر- باسیر – کسیر آنجاق یئنه اؤزگورلوک ائلچیلری دورمادان قوتسال آماجا دوغرو آددیملارین داها گوجلندیریرلر.
نه ایسه قارانلیق گوجلری ده دینج اوتورماییرلار، یوکسک باراژلارلا دورمایان اؤزگورلوک آخینین دیققتله بؤیوده ج آلتینا آلیر و آراشدیریرلار.
نه یازیق کی آرادیقلارین بعضی لرده تاپیب سئوینجدن هالایلار قوشورلار،قارانلیق سئودالیسی اولان بایقوشلار بانلایاراق شوم قاه قاهالار چکیرلر قیناماق اولماز نییه کی آتار داماری بولموشلار "ایچدن بوشالتماق" نئجه اولاجاقدیر بو آلچاق اویون؟! ، آماج ندیر؟ یولچولاری دوردورماق اولمورسا یولدان جایدیرماق!، نئجه اولابیلر؟ .
وآختاردیلار یولچولار آرا؛ قورخاق، سست عنصر،ضعیف النفس، اینامسیز،قیسقانج، آنجاق جاه طلب شخصلری، و بو آماجلا چئشیدلی چالیشقانلارلا ایلگیلر قورلدو اوخلارینین چوخو داشا ده یدی آنجاق آرا سیرا باشاردیلار و شوم اویون باشلاندی؛ دانیشدیرما ،دادیزدیرما،داریخدیرما- ائله کی بوتون یولاقلاری سینادیلار و ایچیمیزدن سئچیلن و بعضآ ائیتیم گؤرن شخصلرله گیزملی بیر جیبهه یاراتدیلار،قارانلییق ائلچی سی اولان قارا جیبهه!.
گؤره و ندیر؟!، سارسیلماز موباریزلر آرا تفرقه سالماق- سلیقه ایختیلافلارین درینلتمک،موباریزه پرنسیپ و ده یرلرین قارانلیغین ایسته دیگی آماجلارا اویغون یازیب یوزماق، او جومله دن:قورخو، اینفیعال و پاسیویزمی، عقلانییت- دایانیش، دیره نیش و جسارتی، غیر عقلانی و غیر مدنی داورانیش!- اؤزگورلوک اوغروندا هر تورلو هزینه نی، حیماقت- پرده آرخاسیندا اولان معامله نین آدین دیالوگ و تعامل- بوتون هژمونیک ایمکانلارا مالیک اولان شوونیزم عامیللریله بیر چاتی آلتیندا ایشلمگی قانون گرالیق(سانکی بو گونه دک بوتون چالیشمالار غیر قانونی ایمیش)- اؤره کدن چالیشان، حرکتین چوخونلوغونوتشکیل ائدن و ایللر بویو میللی حرکتی بؤیوک باشاریلارا اوغرادان میللی حرکتین موتورو اولان گنج و سیّال (ایستیبدادی و توتالیتر فضانین ایقتیضاسی) چالیشقانلاری ،آرالیق و کوچه بازار میللتچیلری( بو چیرکین ایفاده لر تاسفله بعضآ صاف دویغولو گنجلرده ایشکنجه لرین باشارامادیغی منفی ائتگیلری قویور) آدلاندیردیلار– شوونیزمین ایچگین عامیللرین میللی حرکته بیر قورتاریجی کیمی تانیتدیریب و تحمیل ائتمک و بو ایشلرله میللی حرکتده ایللر بویو قارا گوجلرین آرزیسی اولان مووازی جریانین یارانماسینا یول هامارلایان و بئله لیکله سارسیلماز موباریزلره تلقین ائتمک کی:سیز اؤزلوگوزده هئچ سینیز گره ک رسمی بیریسی سیزینله اولا تا ساییلاسیز. بونونلا اؤز گووه ن و اعتماد به نفسی میللی موباریزلردن آلماقلا ایچدن پیچالتماق پروژه سی داها مورکب اویونلارلا دوام ائدیر ، او جومله دن: ایشی ائیله آپاریبلارکی میللی ده ییرلری گوزه آلیب یولا دوشنلر آددیملارین آتاندا شوونیزمین دوستاغین و ایشکنجه لرین یوخ بلکه اؤزوموزده ن گؤرونوب اؤزگه قوللوغوندا اولانلارین چیرکین اویونلارین دوشونورلر.
قوشقوسوزکی گونئی آذربایجانین قهرمان اوغول- قیزلاری ،اؤزللیکله سعیدلریمیز فارس فاشیزمینین بوتون ایشکنجه لرینه اوستون گلره ک اؤز دایانیشلاری ایله بوتون زنجیرلری قیراجاقلار، آنجاق گؤره سن ایچیمیزده ن آتیلان قارانلیق داشلاریندان قورتارا بیله جکلرمی!!؟؟.
سونوندا اعتیراف ائتملییم کی ایسارتده اولان سیمالاریمیز فرشی لریمیز و سعیدلریمیز یوخ بلکه اصیل ایسارتده اولان بیزلریک!دینج یاشاماق ایسارتینده و چوخ ده یرلری ده بونا قوربان وئریریک.
اوچ سعيد ، اوچ آسلان !
حسن راشدي
اوچ سعيديميز ، اوچ آسلانيميز دمیر حاصارلا آرخاسينداديرلار !
سعيد متين پورون دوستاقلانماسيندان ايكي ايل كئچدي ، ايكي ايلدن چوخدور قيزيل آذربايجانيميزين ، يعني زنگانيميزين آسلاني ميله لر آرخاسيندا نعره چكير ؛ آمما اونون آرخاسيندا باشقا بير آسلان وار !
عطيه خانيم ؛ عطيه خانيم سعيدين يئرين دولدوروب ، آسلانين يئري زنگانيميزدا بوش دئييل ، عطيه آسلانيميز بوردادير ؛ سعيد آسلانيميز شهريميزده يوخسادا عطيه آسلانيميزين نعره سي گلير :
آتا - بابالار دئييب لر : آسلانين ائركك ديشيسي اولماز ، آسلان ، آسلاندير !
سعيد نعيمي ده قفس ده دير ، قفس ميله لري داها ميلّي فعاللاريميزا تانيش بير عنصردور !
دمير ميله لر آرخاسيندان كيتابلار دوغولاجاق آنا ديليميزده ؛ عؤمور بويو اوخوللاريميز و مدرسه لريميزده آنا ديلينده يازيب اوخوماغا حسرت قالساقدا ميلّي ايگيدلريميز دمير مفتيللر قارنيندان آنا ديليميزده كيتابلار دوغدوراجاقلار مكتبلريميز اوچون !
سعيد موغانلي يميز گونوموزون دوروموندان آسيلي اولاراق ديدرگين دوشن موغان جئيرانلاريميز كيمي موغان طبيعتيندن زورلا آيريلدي ، او موغاندان آيريلدي تا يئني بير قانداللا كئفي اولسون ! :
بيرگون مني قانداللاياجاقلار ، كئفيم اولسون
دويستاقلارا پاي يوللاياجاقلار ، كئفيم اولسون
كؤكسومده چوخور باختيما نيسگيل دولاجاقلار ،
كؤلگه مده اؤلوم ياللاياجاقلار ، كئفيم اولسون ..... !
Özgür tutsaqlar
Behbud Qulizadə
Üç Səidlərimiz və Azərəbaycanımız uğruna məhbus düşən bütün vətən evladları bir millətin varlıq səsinin hayxırışıdırlar. Bu liberal əsrdə, özün və özəl çıxarların hərşeydən üstün tutulduğu dönəmdə, Milli varlıq və toplumunun dəyərlərini qoruma uğrunda, mənligini qurban verən insalar o millətin varlığının yaşam nöqtəsidirlər.
Səid Mətinpur, Səid Muğanlı, Səid Nəimi, Bəhmən Araz, Sima Didar, Əlirza Fərşi, Rəsu Bədəli, Hüsen Ronəqi və adların sayamaqla bitirəbilmədigimiz varlıq simbollarımız bizi aydın gələcəyə götürə bilən güclərimizdirllər.
Heç zindan ömür boyu sürməyəcək düşüncəsindəyik. O zindanlara keçıb gedən minlər igidlərimiz olub, olmaqda və olacaqda...
Başı dim-dik düran igidlərimizə eşq olsun diyə Səid Muğanlının Maraqlı bir SMSilə bitirirəm: ‘Mən sevirəm və Zindandayam’.
سعیدلر
شاعیر اسماعیل جمیلی
ائل اوبانین سعادتی سوراغیندا سعیدلر /
یوباز یادین توتساغیندا دوستاغیندا سعیدلر /
داغلار کیمی سایسیز داغا دایانانلار سعیدلر /
ائل گوجونه اؤزگورلویه اینانلار سعیدلر
سعیدلریمیز قلم لرده(فاخته زمانی، محمدرضا لوایی، عاریف کسگین، دومان ساوالان)
فاخته زمانی
بو گونلری تهرانین اوین حبس خاناسیندا سککیز ایللیک حبس مدتینی چکمکده اولان دگرلی فعال سعید متینپورون، و کئچن آیلاردا حبس ائدیلر ک تبریز ایطلاعاتینا آپاریلان آذربایجانین ایکی تانینمیش فعالی سعید موغانلی و سعید نعیمی دورومو بیزی اورکدن سارسیدیر.
اونلار آذربایجانین یئنی نسیل حرکتینین اورنک اولان فعاللارینداندیلار. آزادلیقدا اولدوقلاری زامان بوتون باسقی و تضییقلره باخمایاراق اؤز فعالیت لرینی دوام ائتدیرمکله داها گنج نسیلدن اولان بیر چوخلارینی میللی، مدنی و اینسانی حاقلاری اوغروندا دینج موباریزه یه روحلاندیرمیش و بو گونده روحلاندیریرلار. بو فعاللار اوز آماجلاری یعنی میللت لرینین آزادلیغی و سعادتی اوچون اؤز آزادلیق و راحتلیقلاریندان کئچدیلر. حاقسیز یئره زیندانلارا دوشمه لری بیزیم هامیمیزی ناراحات ائتسه ده مقدس آماللار بیزی هر زامان دئموکراتیا، سوز آزادلیغی و اینسان حاقلاری اوغروندا چالیشمالاریمیزی دوام ائتدیرمه یه روحلاندیریر.
بوتون ویجدان محبوسلاریمیزا آزادلیق آرزیسی ایله...
Faxtə Zəmani
Bu günlər Tehranın Eyin həbsxanasında səkkiz illik həbs müddətini çəkməkdə olan dəyərli fə`al Səid mətinpurun, və keçən aylarda həbs edilərək Təbriz ittilaatına aparılan Azərbaycanın iki tanınmış fə`alı Səid Muğanlı və Səid Nəimi durumu bizi ürəkdən sarsıdır.
Onlar Azərbaycanın yeni nəsil hərkətinin örnək olan fə`allarındandırlar. Azadlıqda olduqları zaman bütün basqı və təzyiqlərə baxmayaraq öz fə`aliyətlərini davam etdirməklə daha gənc nəsildən olan bir çoxlarını milli, mədəni və insani haqları uğrunda dinc mübarizəyə ruhlandırmış və bu gündə ruhlandırırlar. Bu fə`allar öz amacları yə`ni millətlərinin azadlığı və səadəti üçün öz azadlıq və rahtlıqlarından keçdilər. Haqsız yerə zindanlara düşmələri bizim hamımızı narahat etsə də müqəddəs amallar bizi hər zaman demokratiya, söz azadlığı və insan haqları uğrunda çalışmalarımızı davam etdirməyə ruhlandırır.
Bütün vicdan məhbuslarımıza azadlıq arzısı ilə...
--------------------------------------------------------------------------------------------------------------
محمد رضا لوایی
در مبارزه با استبداد و سلطه فرهنگی حاکم بر ما، بدون شک آنان که جان و مال و زندگی خود را فداکارانه و بی هیچ منتی هزینه می کنند قهرمان و انسان ابدی نوشته های من هستند۰ به قول سعید موغانلی؛ "یاشاسین بیزدن آرتیق داریخانلار." اکنون سعید متین پور، سعید نعیمی و سعید موغانلی ترجمان و طراحان نقشه سعادتی هستند که آرزوی همه ماست تا به آن برسیم ۰ رنج زندان، رنج افترا و رنج مرگ رنجی نیست که امثال سعید های ما را دل نگران می سازد۰" سئوگی ده سؤیوش ده وار، سویولماق دا". و عاشق بی خیال اینهمه، سرگرم دوست داشتن خویش است۰ سعیدهای ما عاشقند، عاشق هویت۰ و رنج آنها رنج بی هویتی کسانی است که اسارتشان را رقم زده اند۰ آنها بهترین های این دفاع مظلومانه فرهنگی و هویتی هستند۰ ما شرمسار نجابت معصوم آنها هستیم۰ آنها به خاطر آزادی بیان و زبان زندانی هستند و ما زبان بستهایم بر اعتراض۰ دوستشان دارم نه به خاطر زندانی شدنشان. به این خاطر دوستشان دارم که ما را اسیر شهامت و شجاعت خویش کردهاند.
--------------------------------------------------------------------------------------------------------------
Arif Kəskin
İnsanlığın ən böyük hədəflərindən biri siyasəti əxlaqiləşdirmək olsa da, ancaq günümüzə qədər başarılı olmamışdır. Siyasət əxlaq qılıfında əxlaqi yox etməyi hədəfləmişdir. Düşmən və dost ayrımı siyasətin özünü və əsli mahiyyətini təşkil etmişdir . Düşmən yox olması gərəkən və məhv olması məcburi olan varlıqdır siyasətdə. Bizi düşmən seçənlər məhv olmamızı istəyirlər demək. Zindana atırlar. Edam edirlər. Hədə-qorxuyla susdurmaq istəyirlər bizi . Susmaq yox olmaq deməkdir. Hədə-qorxuyla susmadığımız zaman canımıza qəsd edirlər. Canımızı ala bilmədiklərində böhtan atırlar, təhqir edirlər. Belə işləyir düşmanın bizi yox etmə çarxı.
`Düşünürəm, demək mən varam` demiş ronesans filəsufu. Siyasətdə işlər tərsinə işləyir tə`əssüflə. Tutulursansa, zindana atılırsansa, darağacı gözləyirsə səni, hədə-qorxu eşidirsənsə, təhqir və böhtan atılırsa sənə `mən varam` deyə bilərsən. Özü də şəhərin ən yüksək yerini seçib bütün var gücünlə qışqıra bilərsən ` mən varam`. “Görəsən mən varam?” sualına cavabım yoxdur. Ancaq bütün var gücümlə qışqıra bilərəm ki, sən varsan. `Düşmənin əlində əsirəm, demək ki, varam"
Nə qərib dünyadır dünyamız : söyüldüyümüzdə, döyüldüyümüzdə , tutulduğumuzda, təhqir edildiyimizdə `biz varıq` deyəbilirik. Mübarəzəmiz bu səbəblə. Mən sorqucumdan ( bazcu) ilk yumuruğu yediyim zaman haqlı olduğumu anlamdım. Zindana atıldığım ilk gün azad olduğumun xoşbəxtliyini doyunca yaşadım. İndi sən ən azad insansan .İndi sən ən xoşbəxt insansan. İndi içimizdəki ən diri sənsən. İndi sen o qədər azadsan ki, göylərə baxnda səni görürəm: mehriban əllərinlə qaranlığın kobud çirkinliyini yarırsan. Oqaranliq nə qədər çirkin nə qədər yırtıcı olasa da, sənin kiçik ışığını yox edəbilməz. Çünki, sən əsir olduğun anda günəş oldun, çay oldun, orman oldun və ən gözəli zifiri qaranlıqda aanamın fətirinə bənzəyən görkəmli ay oldun. Gözüm səndə, könlüm səndə. Bax demək ki , varsan. Işığınla məni də yaşadırsan. Düşmən o qədər kordur ki, ışığınla bütün eli aydınlatdığını görəbilmir. `Çiçəklərin ləçəklərinə bunları qoparmayın yazmışlar, təssuflə küləyin oxuma-yazması yoxdur`.
عاریف کسکین
اینسانلیغین ان بؤیوک هدف‌لرین‌دن بیری سیاستی اخلاقی‌لش‌دیرمک اولسا دا، آنجاق گونوموزه قدر باشاری‌لی اولمامیش‌دیر. سیاست اخلاق قیلیفیندا اخلاقی یوخ ائتمگی هدفلمیش‌دیر. دوشمن و دوست آیریمی سیاستین اؤزونو و اصلی ماهیتینی تشکیل ائتمیش‌دیر. دوشمن یوخ اولماسی گرکن و محو اولماسی مجبوری اولان وارلیق‌دیر سیاستده. بیزی دوشمن سئچن‌لر محو اولمامیزی ایستهییرلر دئمک. زیندانا آتیرلار. اعدام ائدیرلر. هده-قورخویلا سوس‌دورماق ایستهییرلر بیزی . سوسماق یوخ اولماق دئمک‌دیر. هده-قورخویلا سوسمادیغیمیز زامان جانیمیزا قصد ائدیرلر. جانیمیزی آلابیلمدیک‌لرینده بؤهتان آتیرلار، تحقیر ائدیرلر. بئله ایشلهییر دوشمانین بیزی یوخ ائتمه چارخی.
`دوشونورم، دئمک من وارام` دئمیش رونئسانس فیلسوفو. سیاستده ایشلر ترسینه ایشلهییر تأسسوفله. توتولورسانسا، زیندانا آتیلیرسانسا، دارآغاجی گؤزلهییرسه سنی، هده-قورخو ائشیدیرسنسه، تحقیر و بؤهتان آتیلیرسا سنه `من وارام` دئیهبیلرسن. اؤزو ده شهرین ان یوکسک یئرینی سئچیب بوتون وار گوجونله قیشقیرا بیلرسن ` من وارام`. “گؤره‌سن من وارام؟” سؤالینا جوابیم یوخدور. آنجاق بوتون وار گوجومله قیشقیرا بیلرم کی، سن وارسان. `دوشمه‌نین الینده اسیرم، دئمک کی، وارام.
نه قریب دونیا‌دیر دونیامیز : سؤیولدوگوموزده، دؤیولدوگوموزده ، توتولدوغوموزدا، تحقیر ائدیلدیگیمیزده `بیز واریق` دئیه بیلیریک. مبارزه‌میز بو سببله. من سورقوجوم‌دان ( بازجو) ایلک یوموروغو یئدیگیم زامان حاق‌لی اولدوغومو آنلامدیم. زیندانا آتیلدیغیم ایلک گون آزاد اولدوغومون خوشبخت‌لیگینی دویونجا یاشادیم. ایندی سن ان آزاد اینسانسان .ایندی سن ان خوشبخت اینسانسان. ایندی ایچیمیزدکی ان دیری سنسن. ایندی سن او قدر آزادسان کی، گؤیلره باخندا سنی گؤرورم: مهربان اللرینله قارانلیغین کوبود چیرکین‌لیگینی یاریرسان. اوقارانلیق نه قدر چیرکین نه قدر ییرتیجی اولاسا دا، سنین کیچیک ایشیغینی یوخ ائدبیلمز. چونکی، سن اسیر اولدوغون آندا گونش اولدون، چای اولدون، اورمان اولدون و ان گؤزه‌لی زیفیری قارانلیقدا آنامین فتیرینه بنزه‌ین گؤرکم‌لی آی اولدون. گؤزوم سنده، کؤنلوم سنده. باخ دئمک کی ، وارسان. ایشیغینلا منی ده یاشادیرسان. دوشمن او قدر کوردور کی، ایشیغینلا بوتون ائلی آیدینلاتدیغینی گؤربیلمیر. `چیچک‌لرین لچک‌لرینه بون‌لاری قوپارمایین یازمیش‌لار، تاسوفله کولیین اوخوما-یازماسی یوخدور`.
--------------------------------------------------------------------------------------------------------------
Duman Savalan
: Sınmaq, günah hissindən başlayır! Günah hissi isə yalnızlıq ehsasından qaynaqlanır. İnfiradi sillullar, uzun müddət bazcuilər və işkəncələr yalnızlığı aşılamaq üçündür; “ Sən yalnızsan, sən günahkarsan, sən sınıbsan”!
Seyyid Cəfər Pişəvəri, zindan xatiratında bir vaqeiyyətə işarə edir: “ Məhbuslar ətrafındakı hər bir olayı öz talelərinə bağlamağa çalışırlar”. Havada bir milçəyin fərqli uçuşu, uzaqdan gələn bir quş səsi, bir yuxu yaxud uşaqlıqdan yadda qalan bir xatirə məhbusları düşündürür! “Yəni, bu nəyin əlamətidir?!” , “ Nəsə mənə bir şeyləri çatdırmaq istəyirmi bu?!” deyə, təfsir olunur və yaxşı ya da pis bir hal-ruhiyyəyə səbəb olur məhbuslarda!
Bəlkə “Səid” adı da bir əlamətdir! Bəlkə bizim Səidlər də elə buna düşünürlər! Səid Nəimi, Səid Muğanlı, Səid Mətinpur, Səid, Səiiid...
Onlar yəqin bunu düşünürlər! Öz talelərini millət taleinə düyünləyən Səidlər yəqin ki bir birini düşünürlər. Talelərinə aid bir əlamət kimi də olmasa, onlar yalnız deyirlər deyə bir birini düşünürlər, bir birini eşitməsələr də, hissləri ilə danışırlar: “ Mən sınmamışam, Mən haqlıyam, Mən yalnız deyiləm, Biz üç Səidik, Biz çoxuq”!
دومان ساوالان
سینماق، گوناه حیسسین‌دن باشلاییر! گوناه حیسسی ایسه یالنیزلیق احساسین‌دان قایناق‌لانیر. اینفیرادی سیللول‌لار، اوزون مدت بازجوئی‌لر و ایشکنجهلر یالنیزلیغی آشیلاماق اوچون‌دور؛ " سن یالنیزسان، سن گوناهکارسان، سن سینیبسان"!
سید جعفر پیشه وری، زیندان خاطیراتیندا بیر واقعیته ایشاره ائدیر: "محبوس‌لار اطرافین‌داکی هر بیر اولایی اؤز طالع‌لرینه باغلاماغا چالیشیرلار". هاوادا بیر میلچگین فرقلی اوچوشو، اوزاق‌دان گلن بیر قوش سسی، بیر یوخو یاخود اوشاق‌لیقدان یاددا قالان بیر خاطره، محبوس‌لاری دوشوندورور! "یعنی، بو نهیین علامتی‌دیر؟!"، "نسه منه بیر شئی‌لری چاتدیرماق ایستهییرمی بو!؟" دئیه، تفسیر اولونور و یاخشی یا دا پیس بیر حال-روحیه‌یه سبب اولور، محبوس‌لاردا!
بلکه "سعید" آدی دا بیر علامت‌دیر! بلکه بیزیم سعیدلر ده ائله بونو دوشونورلر! سعید نعیمی، سعید موغانلی، سعید متین پور، سعید، سعییید...
اونلار یقین بونو دوشونورلر! اؤز طالع‌لرینی میللت طالعینه دوگونله‌ین سعیدلر یقین کی بیر بیرینی دوشونورلر. طالع‌لرینه عایید بیر علامت کیمی ده اولماسا، اونلار یالنیز دئییل‌لر دئیه بیر بیرینی دوشونورلر، بیر بیرینی ائشیتمه‌سه‌لر ده، حیسس‌لری ایله دانیشیرلار: " من سینمامیشام، من حاقلییام، من یالنیز دئییلم، بیز اوچ سعیدیک، بیز چوخوق"!
سعیدلریمیز قلم لرده- اکبر آزاد، والی گؤزتن، حسین تورک ائللی، طغرول آتابای
یاشاسین آذربایجانی یاشادان سعیدلر
اکبر آزاد
جئب تلفونوم سسلندی: "مئساژین وار"، یوروش بی دن SMS گلمیشدی:
«یئدی ایتیهامیم واردیر! ایکی سینه عمومی دادگاهدا [محکمده] بیر ایل زیندان وئردیلر. قالان بئش ایتیهامین هله حکمو قالیر. رژیمین عمرو قدر زیندان وئرسه لرده، دوندو یوخ! یوروش»
بی یین SMS- نه جاواب یازدیم:
«زیندانلار نه قدر بؤیوک اولسا، آذربایجان قارشی سیندا کیچیک دیر!
عمورلر نه قدر اوزون اولسا، آذربایجان قارشی سیندا قیسادیر!
یاشاسین ایگید کیشیلر!»
وطنیمیزی سئوه نلرین بیر چوخو یا زینداندادیرلار و یا زیندان نوو به سینده دیرلر. بئله گئدیرسه هر آذربایجانلی زیندانی تجربه ائتمه لیدیر، وطن اوغروندا آجی بیر تجربه!
علیرضا فرشی حایات یولداشی سیما دیدار ایله، فراز زهتاب، حسین رونقی ملکی، رسول بدلی، بهمن نصیرزاده، سعید متین پور، سعید نعیمی، سعید موغانلی و ... ائله بو ساعت نؤبه لرینی سووماقدادیرلار!!
اونلار وطن لرینه، دیل و کولتورلرینه، اینسان و اینسانلیغا وورغون دورلار، عاشیق کیمی سئویرلر اونون آجیسی نیدا، شیرینلیگینی ده.
زینداندا اولان لاریمیزین اوچونون آداش اولمالاری منه بیر بهانه اولدو بوتون زیندانیلریمیز بیرداها خاطرلایام!
بوگون آذربایجاندا طبیعی حق لریندن محروم ائدیلمیش مظلوم بیر مللت یاشاییر! بلکه آذربایجان [گونئی آذربایجان] بیر توتساق دیر! سعید متین پور، سعید نعیمی، سعید موغانلی و باشقا عزیزلریمیز بؤیوک بیر توتساق ایچینده کیچیک بیر دوستاغا سالینیبلار!
سعید متین پور ایکی ایلدن آرتیق، سعید نعیمی 90 گوندن آرتیق و سعید موغانلی 60 گوندن آرتیق دیر زیندان آجی سینی تجربه ائدیرلر بو آجی تجربه ملت اوغروندا دیر!
من سعیدلر بهانه سیله بوتون زینداندا اولانلاریمیزا آزادلیق آرزو ائده رک اؤزومو بیرینجی نؤبه ده آذربایجان میلتینه و سونرا فاصله وئرمه دن دونیا سوییه سینده بوتون آزادلیق سئوه رو اینسان حق لرینه سایغی سی اولان و اونون قورونماسی اوغرودا چالیشان اینسانلارا اؤزومو توتوب وطنی نی، میلتینی سئون اینسانلارین آزادلیغی نی آرزو ائدیرم.
آذربایجان بؤیوک بیر توتساغا چئوریلسه ده یاشاییر و یاشادیر! سعیدلر و باشقا توتساق اولانلاردا آذربایجانلا بیرگه یاشایاجاق لار!
Yaşasın Azərbaycanı yaşadan səidlər
Əkbər Azad
cib telfünüm səsləndi: "mesajin var", yürüş bəydən SMS gəlmişədi: «yeddi ittihamım varıdır! İkisinə umumi dadgahda [məhəkəmdə] bir il zindan verdilər. Qalan beş ittihamım hələ həkmü qalır. Rejimin ömrü qədər zindan versələrdə, döndü yox! Yürüş»
bəyin SMS- nə cavab yazdım:
«zindanlar nə qədər böyük olsa, Azərbaycan qarşısında kiçik dır!
ömürlər nə qədər uzun olsa, Azərbaycan qarşı sında qısadır!
Yaşasın igid kişilər!»
Vətənimizi sevənəlrin bir çoxu ya zindandadırlar və ya zindan novbəsindədirlər. Belə gedirsə hər Azərbaycanlı zindanı təcərübə etəməlidir, vətən uğründa acı bir təcürbə!
Əlirza fərşi hayat yoldaşı sima didar ilə, fəraz zehtab, hüseyn ronqi məlki, rəsul bədəli, bəhmən nəsirzadə, səid mətinpur, səid nəimi, səid muğanlı və ... Elə bu sat nöbələrini sovmaqdadırlar!!
onlar vətənlərinə, dil və kültürlərinə, insan və insanlığa vurğun durlar, aşıq kimi sevirlər onun acısınıda, şırınliyini də.
Zindanda olanlarımızın üçünün adaş olmaları bəhanə oldu bütün zindanilərimiz birdaha xatırlayam!
Bu gün Azərbaycanda təbii həqlərindən məhərüm edilmiş məzlüm bir millət yaşayır! Bəlkə Azərbaycan [güney Azərbaycan] bir tutsaq dır! Səid mətinpur, səid nəimi, səid muğanlı və başqa əzizlərimiz böyük bir tutsaq içındə kıçık bir dustağa salınıblar!
Səid mətinpur iki ildən artıq, səid nəimi 90 gündən artıq və səid muğanlı 60 gündən artıq dır zından acısını təcrübə edirlər bu acı təcrübə millət uğrnda dır!
Mən səidlər bəhanə silə bütün zindanda olanlarımıza azadlıq arzu edərək üzümü birinci nöbədə Azərbaycan millətinə və sonra fasilə vermədən dünya səviyə sində bütün azadlıq sevəru insan həqlərinə sayğısı olan və onun qorunması uğrunda çalışan insanlara üzümü tutub vətənini, millətini sevən insanların azadlığını arzu edirəm.
Azərbaycan böyük bir tutsağa çevrilsədə yaşayır və yaşadır! Səidlər və başqa tutsaq olanlarda Azərbaycanla birgə yaşayacaq lar!
--------------------------------------------------------
Vali Gözeten
Pour les trios
Mətinpur serait-il une pomme de terre ?
Nəimi serait-il un chou-fleur ?
Muğanlı un navet, que les Perses pourraient manger ?
Par conséquent, que font-ils donc, eux trois et des centaines d'autres Azerbaidjanais du Sud incarcérés dans les prisons des Perses? Ils jouent le rôle de légumes ? Ou alors de barbares?
Par conséquent, pourquoi eux trois et des centaines d'autres Azerbaïdjanais Sud sont-ils encore dans les prisons des Perses? Sont-ils vraiment des barbares ? Pourquoi ?
--------------------------------------------------------
حسین تورک ائللی
دراکون یاسا‌لاری ایله ایداره اولونان بیر اؤلکئه هله ده وار: ایران! اورادا “حقوق” سیستئمی قدیم آتینانین دراکون حقوق سیستمینی خاطیرلا‌دیر؛ آغلینیزا گلن و گلمین جزا نوعلری وار؛ اعدام؟! بوندان آغیرلاری دا وار: داشقالاق، 10-12 دفه اعدام.... آمپوتاسیا(بدن اورگان‌لاری‌نین کسیلمسی)، گؤزلره آسید تؤکمه و باشقا توک-اورپئدیجی جزا نوعلری...
دوشوننده کی، بیر محکوم داشقالاغا و یا 10-15 دفه اعداما دئییل، بیر دفه دار آغاجین‌دان آسیلماسینا سئوینه بیلهر دهشتلی گلیرسن! ... آزادلیق و اینسان حاقلاریندان دانیشماغین جزاسی ایسه، اعدام، اوزون مددتلی حبسلر حبس‌خانادا ایشکنجهلر، سورگونده حبس و بنزری جزا‌لاردیر.
ایراندا “آنا یاسا”نین ایجراسی اوغروندا یاسال بیر فعالیتله مشغول اولماقدا دا آغیر جزا‌لارلا نتیجهلنیر. اؤز آنا دیلینده تحصیل حاقی کیمی کونستیتوسیون حاقلارینی طلب ائدن گونئی آذربایجانلی فعال‌لاریمیزین اؤز یاسال فعالیتلرینه گؤره حبس اولونما‌لاری، اونلارین “ایران محکمهلرینده” آپاریلان “ محکمه دوروشما‌لاری” سونوجوندا اوزون مدتلی حبسلره “محکوم” ائدیلمهلری حاقدا هرگون یئنی خبرلر یاییلماقدا‌دیر.
“ایران محکمهلری” ، “ محکمه دوروشما‌لاری”، “محکمه قرارلاری” و ... نئجه ده گولونج سسلنیرلر بو ایفادلر !
2-3 دقیقه‌لیک- وکیلسیز سوروشدورما‌لار-قاپا‌لی کئچیریلن –موتهمین اؤزونو مودافیه حاقی اولمایان- اثبات سورومولوغونون دولت ایتتیهامچی‌سی‌نین اوزرینده دئییل، موتهم اوزرینده اولان- ان توتارلی دلیلین ایشکنجه “اعتراف‌لاری” اولان بو دوروشما‌لار.... نئجه ده قدیم دراکون محکمه وروشما‌لارینی خاطیرلا‌دیرلار!
بو نئجه دئیرلر دوروشما‌لاری‌نین سایسیز، حساب‌سیز قوربان‌لاری‌نین بیری ده حرکات اؤنجوللریمیزدن اولان سعید بی متین پوردور. آذربایجان تورکلری‌نین آنا دیلینده تحصیل آلماق کیمی یاسال حاقلارینی طلب ائدن سعیده اولدوقجا آغیر بیر جزا وئریلیب. 8 ایل حبس! او "ائوین"ده اؤز "جزاسی"نی چکیر..... اطلاعات‌داکی دیندیرملر زامانی معروز قالدیغی فیزیکی و پسیکولوژیک ایشکنجهلر، ائلجه ده ساخلاندیغی ائوین حبسا‌خاناسین‌داکی آغیر شرطلره گؤره جدی خستهلیکلره، او جوملدن اورهک چاتیشمازلیغینا دوچار اولان سعید بی متینپورون دورومو جدی ناراحاتلیق دوغورور. اونون معالیجهسی ایله باغلی هر-هانسی تدبیر گؤرولمور و حیاتینا قارشی جدی تهلوکه وار!
میللتیمیزین قازئتهچی اوغلو، شاعیر بالاسی سعید موغانلی، دیرلی سیاسی چالیشقانی، یازیچی سعید نعیمی آیلاردیر کی دار سئل‌لولاردا آغیر ایشکنجهلری دؤزمکدلر.
گلین آزادلیغیمیز اوچون اؤز آزادلیغین‌دان کئچن سعیدلری و بوتون دوستاق چکنلریمیزی اونوتمایاق!
لطفا آشاغی‌داکی پئتیشنی ایمضا آتاق!
http://www.gopetition.com/petition/44246/signatures.html
Hüsen Türkelli
Drakon Yasaları ile idare olunan bir ölke hele de var: İran! Orada “huquq” sistemi qedim Atinanın Drakon huquq sistemini xatırladır; ağlınıza gelen ve gelmeyen ceza növleri var; Edam?! Bundan ağırları da var: Daşqalaq, 10-12 defe Edam.... Amputasiya(Beden organlarının kesilmesi), Gözlere Asid Tökme ve başqa tük-ürpedici ceza növleri...
Düşünende ki, bir mehkum daşqalağa ve ya 10-15 defe edama deyil, bir defe dar ağacından asılmasına sevine biler dehşete gelirsen! ... Azadlıq ve insan haqlarından danışmağın cezası ise, edam, uzun müddetli hebsler, hebsxanada işkenceler, Sürgünde Hebs ve benzeri cezalardır.
iranda “Ana Yasa”nın icrası uğrunda yasal bir fealiyetle meşqul olmaqda da ağır cezalarla neticelenir. Öz ana dilinde tehsil haqqı kimi konstitusyon haqlarını teleb eden Güney Azerbaycanlı feallarımızın öz yasal fealiyyetlerine göre hebs olunmaları, onların “İran mehkemelerinde” aparılan “ mehkeme duruşmaları” sonucunda uzun müddetli hebslere “mehkum” edilmeleri haqda her gün yeni xeberler yayılmaqdadır.
“İran mehkemeleri” , “ mehkeme duruşmaları”, “mehkeme qerarları” ve ... nece de gülünc seslenirler bu ifadeler!
2-3 deqiqelik- vekilsiniz soruşdurmalar-qapalı keçirilen –müttehemin özünü müdafie haqqı olmayan- İsbat Sorumuluğunun dövlet İttihamçısının üzerinde deyil, müttehim üzerinde olan- en tutarlı delilin işkence “etirafları” olan bu duruşmalar.... nece de qedim Drakon mehkeme duruşmalarını xatırladırlar!
Bu nece deyerler duruşmalarının saysız, hesabsız qurbanlarının biri de herekat öncüllerimizden olan Seid bey Metinpurdur. Azerbaycan Türklerinin ana dilinde tehsil almaq kimi yasal haqlarını teleb eden Seide olduqca ağır bir ceza verilib. 8 il hebs! O "Evin"de öz "cezası"nı çekir..... Ettelaatdakı dindirmeler zamanı meruz qaldığı fiziki ve psikolojik işkenceler, elece de saxlandığı Evin hebsaxanasındakı ağır şertlere göre ciddi xesteliklere, o cümleden ürek çatışmazlığına düçar olan Seid bey Metinpurun durumu ciddi narahatlıq doğurur. Onun müalicesi ile bağlı her-hansı tedbir görülmür ve heyatına qarşı ciddi tehlüke var!
Milletimizin qazeteçi oğlu, şair balas Səid Muğanlı, deyerli siasi Çalışqanı, yazıçı Səid Nəimi aylardır ki dar sellularda ağır işkenceleri dözmekdeler.
Gelin azadlığımız üçün öz azadlığından keçen Seidləri ve butun dustaq çekenlerimizi unutmayaq!
Lütfen aşağıdakı Petition-e imaza ataq!
http://www.gopetition.com/petition/44246/signatures.html
--------------------------------------------------------
آيريجين تيکانلي تئللري
پيشهوري’نين سؤيلمده ساليق وئرديیي "قوپوش" —داهيانه اصابتله هينديستان اؤرنگينه بنزتديگي او "تئهران’لا يول آيريجي"— چاغداش ميللي حرکت’ده آرتيق ان گئج 2006 ايليندن ائيلمده گئرچکلشميشدير:
تک-بوتون "ايرانليليق" تئزيني ديرهدن مرکزيتچيلرين توپلو ائيلملري (آذربايجان’داکي توپلومسال دؤنوشومه قارشي سسسيزليکلري، خبرلرينه قارشي سانسور و اولايلاريني بويکوت توتوملاري، اينکار و ائنديرگهمه سيياستلري) گؤسترير کي: آذربايجان’ين موجادلهسي، تئهران’ين موجادلهسي دئييلدير. هر حالييلا "رنگ"يميز عئيني دئييلدير چونکو. بو آيريمي —و دولاييسييلا آيريمچيليغي— اورتايا قويان دا 100 ايلدير و هله ده هله دير اوستونلوکچو دوزهني سوْوونان اوْ سؤزده "سراسری" اؤرگوتلر و آيدينلاردير. بو دا «سعيد»لرين آديني بئله آنماماقلاريندان، آذربايجان سياسي توتساقلارينا "اؤگئي" معاملهسي گؤسترمهلريندن آپ-آيدين اورتادادير. ائلهيسه حاقلي اولاراق آذربايجان دا توپلو بيلينجله آرتيق اؤزوارليغيني قبول ائدهرک اؤزوندن سايمايان بير بيرلييه و اؤزدش اولماديغي بير توپلوما سون 4 دئوريم’ده اولدوغو کيمي دئموکراسي گتيرمکله اؤزونو مکلّف بيلمهمکدهدير.
سؤزده اوپوزيسيون حاکيم دوزندن داها دا آزيلي بير بيچيمده زامان-زامان اؤفکهسيني سعيدلره قوسماقدان دا گئري دورمور (و سعيدلر کي هله "تجزيه-طلب" ادعاسيني دا ديللنديرمير و اونلارين آنلاديغي ديلدن دانيشير!). ايرانچي موخاليفتين، "اوْيونپوْزان" دئيه آلغيلاديغي آذربايجانلي ائيلَمچيلره قارشی أن تراژي-کوميک توتوملاري دا بو کي: سياسي دوزهنين تکجه یؤنهدیم دهييشيکليیي ايله 1925’دهکي کيمي قوْرونماسيني سوْوونان رئفوْرميست/دهیيشيمچي، آنجاق "استاتيکوْچو" ساييلان بو "اوزئيسل" موخاليفلر، يانليش ياپيلانميش اويدوروق بير اولوس-دؤولتين دئييل دؤنمسل يؤنهديمينه، بلکه بوتونسل وارليغينا و آلتياپيسينا قارشي دئوريمچي دوروشو اولان بير حرکتين اؤنچولريني عئيني دؤولتين حؤکومتييله ايشبيرليیي يا دا ايشلرينه ياراماقلا سوچلاماقدالار!
ايشته بو "بيلمزلنمه" و "گؤرمزدن گلمه" توتومونو سرگيلهين سؤزده دئموکراسي پهلوانلاري، 2006 و اؤنجهسينده-سونراسيندا آذربايجان’داکي قيرغينلار و قييغينلارا جينقيريني چيخارماميشکن، "نهدن آذربايجان بيزيم اؤلوموزه آغلامادي" دئيه ياخينير. آنلاماق ايستهمهديکلري بو کي: بو حرکتين انساني ائله او زامان خالق اولاراق "بو اوجاقدان بيزه فرج يوخدور" دئيه اينانيب آرخايين اولموشدور.
اونلارين أن ليبئراللارينين و سؤزده چوْخولچولارينين "بيز" آنلاييشي، ياپاي بير منليک، بيزدن آنلاييشلاري ايسه أن کيچيک آزينليغا ائنديرگنميش، بؤيوکسهديکلري کاغيذدان، کیچیک دونيالاريني ييخماياجاق قدر ضررسيزلشديريلميش و يؤنهديمه، سياسي ارکه قاريشمايان بير کوچه-بازار کولتورو کيمليیي دوزئييندهدير.
ديلسيز بوراخديقلاري و سياسي ارکي پايلاشماديقلاري بو توپلوم، سياسي ائيلمده قوْندارما "مرکز" اوْلايلارينا قارشي بو ديلسيزليیيني "سوسماق"لا أن گؤزل بيچيمده ايفاده ائتدي و ارکسيزليیيني قاتيلمازليقلا "منفي ديرهنيش" و "سيويل ايطاعتسيزليک" قيليغيندا اورتايا قوْيدو.
سعيدلرين بير اوْرتاق دوروشو دا بو استاتيکوْچو آنلاييشا خيطاباً بيزي بنزشديرمهچيلرين ايستهديکلري و ايشلرينه ياراديغي کيمي دئييل، گئرچکده اولدوغوموز کيمي گؤرمهلريني و تانيمالاريني ساغلاماغا چابالاماقدي. آنلاتديلار مي، آنلاتديلار. آنلاديلار مي، قانديلار مي، اونلار بيلر.
آيريجا اوچ سعيد’ه قارشي دوزهنين سرگيلهديیي توتوم دا بونو گؤسترير کي: آنلاشيلان، ائگهمن گوجلري داها چوخ دينجسيز ائدن و داها ائتکيلي هده اولوشدوران، توْپلومون ايچينده ائتکين اولان و دوْغرودان-دوغرويا توپلوملا ايلهديشيمه کئچهبيلن، اوْبيري ياندان دا أسنک داورانيشلارييلا دار ياسال انگللري آشابيلديکلري اوچون سيستئمله اؤز "ديل"ييله دييالوْق قورابيلن بو "آراچي" آيدينلاردير. دوزن بو "ائلچي" آيدينلاردان داها چوخ هورکور و بونلارا قارشي توتومو راديکاللاردان دا داها سرتدير.
بئلهجه سؤمورگه توْپلومونون آيديني ايکي ياندان دا سسسيزلييه "محکوم" ائديلمکدهدير. تکجه يؤنهديمه دئييل، اؤزولدن سؤمورگه دوزهنينه قارشي چيخان و "اوچونجو يول" آراييشيندا اولان "پوْست-کوْلوْنييال آيدين"ين يازغيسي هميشه بئله "سسسيزليک" ايله يانقيلانماق اولموشدور. آنجاق هميشه ده گاندي، ماندئللا، صفرخان اوزون سوْلوقلو سسسيز ديرهنيشي و ساتينآلينماز ردچي دوروشو ايله قازانميشدير...
طوْغرول آتابای
چنگل کؤی
AYRICIN TİKANLI TELLƏRİ
Pişəvəri’nin söyləmdə salıq verdiyi “qopuş” —dâhiyânə isâbətlə Hindistan örnəyinə bənzətdiyi o “Tehran’la yol ayrıcı”— çağdaş Milli Hərəkət’də artıq ən gec 2006 ilindən eyləmdə gerçəkləşmişdir:
Tək-bütün “İranlılıq” tezini dirədən mərkəziyətçilərin toplu eyləmləri —Azərbaycan’daki toplumsal dönüşümə qarşı səssizlikləri, xəbərlərinə qarşı sansor və olaylarını boykot tutumları, inkar və endirgəmə siyâsətləri— göstərir ki: Azərbaycan’ın mücâdələsi, Tehran’ın mücâdələsi deyildir. Hər hâlıyla “rəng”imiz eyni deyildir çünkü. Bu ayrımı —və dolayısıyla ayrımçılığı— ortaya qoyan da 100 ildir və hələ də hələdir üstünlükçü düzəni sovunan o sözdə “sərâsərî” örgütlər və aydınlardır. Bu da Səidlərin adını belə anmamaqlarından, Azərbaycan siyasi tutsaqlarına “ögey” muâmələsi göstərmələrindən ap-aydın ortadadır. Eləysə haqlı olaraq Azərbaycan da toplu bilinclə artıq özvarlığını qəbul edərək özündən saymayan bir birliyə və özdəş olmadığı bir topluma son 4 Devrim’də olduğu kimi demokrasi gətirməklə mükəlləf bilməməkdədir.
Sözdə opozisyon hâkim düzəndən daha da azılı bir biçimdə zaman-zaman öfkələrini Səidlərə qusmaqdan da geri durmur (o Səidlər ki hələ “təcziyə-tələb” iddiasını da dilləndirmir və onların anladığı dildən danışır!). İrançı muxalifətin, “oyunpozan” deyə alğıladığı Azərbaycanlı eyləmçilərə qarşı ən traji-komik tutumları da bu ki: siyasi düzənin təkcə yönədim dəyişikliyi ilə 1925’dəki kimi qorunmasını sovunan reformist/dəyişimçi, ancaq “statikoçu” sayılan bu “üzeysəl” muxaliflər, yanlış yapılanmış uyduruq bir ulus-dövlətin deyil dönəmsəl yönədiminə, bəlkə bütünsəl varlığına və altyapısına qarşı devrimçi duruşu olan bir hərəkətin önçülərini eyni dövlətin hökümətiylə işbirliyi ya da işlərinə yaramaqla suçlamaqdalar!
İştə bu “bilməzlənmə” və”görməzdən gəlmə” tutumunu sərgiləyən sözdə demokrasi pəhləvanları, 2006 və öncəsində-sonrasında Azərbaycan’dakı qırğınlar və qıyğınlara cınqırını çıxarmamışkən, “Nədən Azərbaycan bizim ölümüzə ağlamadı” deyə yaxınır. Anlamaq istəmədikləri bu ki: bu hərəkətin insanı elə o zaman xalq olaraq “Bu ocaqdan bizə fərəc yoxdur” deyə inanıb arxayın olmuşdur.
Onların ən liberallarının və sözdə çoxulçularının “biz” anlayışı, yapay bir mənlik, bizdən anlayışları isə ən kiçik azınlığa endirgənmiş, böyüksədikləri kağızdan, kiçik dünyalarını yıxmayacaq qədər zərərsizləşdirilmiş və yönədimə, siyasi ərkə qarışmayan bir küçə-bazar kültürü kimliyi düzeyindədir.
Dilsiz buraxdıqları və siyasi ərki paylaşmadıqları bu toplum, siyasi eyləmdə qondarma “mərkəz” olaylarına qarşı bu dilsizliyini “susmaq”la ən gözəl biçimdə ifâdə etdi və ərksizliyini qatılmazlıqla “mənfi dirəniş” və “sivil itâətsizlik” qılığında ortaya qoydu.
Səidlərin bir ortaq duruşu da bu statikoçu anlayışa xitâbən bizi bənzəşdirməçilərin istədikləri və işlərinə yaradığı kimi deyil, gerçəkdə olduğumuz kimi görmələrini və tanımalarını sağlamağa çabalamaqdı. Anlatdılar mı, anlatdılar. Anladılar mı, qandılar mı, onlar bilər.
Ayrıca Üç Səid’ə qarşı düzənin sərgilədiyi tutum da bunu göstərir ki: anlaşılan, egəmən gücləri daha çox dincsiz edən və daha etkili hədə oluşduran, toplumun içində etkin olan və doğrudan-doğruya toplumla ilədişimə keçəbilən, obiri yandan da əsnək davranışlarıyla dar yasal əngəlləri aşabildikləri üçün sistemlə öz “dil”iylə diyaloq qurabilən bu “araçı” aydınlardır. Düzən bu “elçi” aydınlardan daha çox hürkür və bunlara qarşı tutumu radikallardan da daha sərtdir.
Beləcə sömürgə toplumunun aydını iki yandan da səssizliyə “məhkum” edilməkdədir. Təkcə yönədimə deyil, özüldən sömürgə düzəninə qarşı çıxan və “üçüncü yol” arayışında olan “post-koloniyal aydın”ın yazğısı həmişə belə “səssizlik” ilə yanqılanmaq olmuşdur. Ancaq həmişə də Qandi, Mandella, Səfərxan uzun soluqlu səssiz dirənişi və satınalınmaz rədçi duruşu ilə qazanmışdır...
Toğrul Atabay
سعیدلریمیز قلم لرده- بؤیوک رسول اوغلو، محمود بیلگین، صدیقه عدالتی، یونس شاملی
سعیدلر و میللی سیاسی ادبیاتیمیز
بؤیوک رسول اوغلو
سایین اکبر بی آزاد-ین 3 سعید حاققیندا یازدیغی موناسیبتی اوخورکن، بیر داها میللی دویغولاریمین جوشدوغونو اؤنله مم مومکون اولمادی. میللی دویغوسوز میللی موباریز اولما ایمکان سیزلیغی دا بیر قایدا اولاراق بیلینمکده‌دیر. آنجاق، دویغولو آنلاردا گؤستریلن موناسیبت‌لرین منطیقی یانسیتمییاجاغی دا اینکار ائدیلمز. اؤلچو دیرینه بو زاوییه‌دن باخاندا، دؤزوب، اورک چیرپینتی‌لاری ایله بئیین یاریق‌لارینین هماهنگ اولدوغو زامانی یاخالاماغین صرورتی آیدینلاشیر.
اکبر بی آزاد-ا گلن اس ام اس-ده دیرلی میللی فعال سایین یوروش بی مهرعلی بگلی‌نین “نه اولورسا اولسون، دؤندو یوخدور” یازماسی، بیر ده اونا گؤره منی دویغولاندیردی کی، بو سؤزو کئچمیشده بؤیوک بیر اوستادیمیزدان دا ائشیتمیشدیم. دیرلی دوستوم جناب حسن بی آذربایجان، 2006-جی ایل قیایمین‌دان سونرا گوناه‌سیز اولاراق زنجیرلندیگی تبریز زیندانین‌دان یازدیغی او موراجتده دئمیشدی “اؤلدو وار دؤندو یوخدور- یاندی وار سؤندو یوخدور”. “دیرلی دوستوم دئیرکن بیر مسئله‌یه آیدینلیق گتیرمک ایستردیم. هر کس بیلیر کی، گونئی ده اولاندا یاشیت میللی دوشونجه‌لی‌لرله، خاریجده اولدوغومدا دا بورداکی‌لارلا یاخین ایلیشگی و دوستلوغوم اولموشدور. آنجاق، یازیلاریمدا یازدیغیم ویا دانیشیقلاریمدا ایشلتدیگیم، دوستوم، قارداشیم، اوغلوم و قیزیم ایفاده‌لرینه گؤره، بعضی دوست‌لاریمیز بعضی سبب‌لره گؤره منی شدتله تنقید ائدیب، یایین اورگان‌لاریندا دانیشماقدا و یا یازماقدا‌دیرلار. بیلینمه‌لی‌دیر کی، بو مظلوم میللتین میللی حاقلارینین تامینی اوچون چالیشانلارین هامی‌سینین بیر بیرینه دوست اولدوغو، فیکیرداش‌لارین بیرینه قارداشدان دا یاخین اولدوغو منیم دوشونجه طرزیمدیر، بو یاناشمانی اکبر بَیین یازیسیندان دا آنلاماق اولار. حتی، تنقید بهانه‌سی ایله تخریب ائتمه‌یه چالیشانلارا دا ایشلتدیگیم “دوست” سؤزو بو تفککوردن قایناقلانماقدا‌دیر، قوی اونلار باشقا یئره یورسونلار. بیزیم ساییمیز او قدر دئییل کی، یالانلارلا بیر بیریمیزی تخریب ائدهرک صحنه‌دن چیخارماقلا بیر شئی قازاناق، بو باخیمدان داخیل‌دهکی‌لره عشق اولسون، خاریج‌دهکی‌لر قویسا‌لار. قالدی کی، میللی گلنهییمیز اولان، آذربایجانلینین ادب و نزاکتینه یاراشان ایفاده‌لر اولان، یوخاریداکی ایفاده‌لرله دئییل، بیر بیریمیزه نئجه خطاب ائتملیییک سوروسو دا جاواب آخداریر”.
اوچ سعید-لر حاققیندا یازارکن دوشونورسن کی، هانکی جهت‌لرین اؤنه چیخاریب، میللتیمیزین اوریینده اولان یئرلرینی داها دا گئنیشلن‌دیرمک اولار. گرچی، مظلومیت ساجیندا قوورولان بو آیدین‌لاریمیزین، عدالت اوغرونا بارماق‌لارینین آراسیندا اوینایان قلم‌لری‌نین سیندیریلماسی، ایستی عایله اوجاغیندان آییرا‌راق، سویوق، نملی و قارانلیق زیندانلاردا توتساقلانما‌لاری اؤزو اؤزلوگونده میللت قوجاغیندا میللت سئوگی‌سینی قازانماق‌دان باشقا بیر شئی دئییل‌دیر. شوبهه یوخدور کی، بو ایفتیخار و سئوگی، تکجه سعیدلر دئییل، بوگون زیندانلاردا یاتان بوتون سویداشلاریمیزین، سیرا گؤزلوین گنجلریمیزین، گئچمیشده زنجیرلنن دوستلاریمیزین و تعقیب ائدیلن بوتون سویداشلاریمیزین هامی‌سینا عایددیر. آما 3 سعیدیمیزین دورومو بیر آز فرقلی زاویه‌لردن ده باخیلما‌لی، یارقی دیرلری طرزی‌سی ایله ده اؤلچولمه‌لی‌دیر منجه. چونکی، آدلاری کیمی، داورانیش، دیر اؤلچوسو و فیکیر اورتگن‌لیک‌لری، سانکی بیر قالیب‌دان چیخمیش کیمی اوخشاماقدا‌دیر. افراط تفریته یول وئرمه‌دن، زامان و مکان شرایطینی دوزگون دیرلندیرن، مظلوم آما مغرور دوروش سرگی‌له‌ین، حاق و عدالت یولون‌دان ساپمییان دئموکراتیک دوشونجه‌لرینده‌کی یاخینلیقدا، اونلاری سیرداش دئییل، قارداش دئییل، اوندان دا یاخینلاشدیرمیش‌دیر.
سعید بی متینپور-ون ایللر اؤنجه توتولان دوستو رضا عباسی حاققیندا یازدیغی “آندیجی” اوخورکن توکلریم دیکلمیش، گؤزلریم یاشارمیش، اورییم تیر تیر اسمیشدی. بیر اینساندا اینسانلارا سئوگی‌نین درین‌لیک‌لری، دوستونا اینانجین سوییه‌سی، همسنگرینه گووه‌نین سینیرسیزلیغی آنجاق بو بویدا سینه سیپر گرکدیرر. کاشکی، منیم ده قلمیم‌ده، عینی ایفاده‌لری ایشلتمه‌یه قابیلیت اولایدی. عالمه هارای چکیدیم “ائی اینسانلار نه یاتیب‌سیز کی، پیغمبرجه‌سینه بیر معصوم اینسان، ایینه‌نین اوجو قدر گوناهی اولمایان شرفلی بیر آذربایجان بالاسی، ادب-نزاکت قایناغی، دوروست-پاک- آرینمنیش بیر اینسانین قوللارینی زنجیر یارا‌لاری اینجیدیر”. هئچ و پوچ بیر اتهاملا سککیز ایل زیندان کسیلمیش بو اینسانین آلتی ایل داها ائوین زیندانیندا قالا‌راق چورومه‌سینه ایمکان وئرن بیزلر و بین الخالق اینسان حاقلارینی قورویان بوتون قوروم‌لار گوناهکاردیر، بسدیر دئمه‌نین زامانی چاتمیش‌دیر.
سعید بی موغانلی-نین ادبی اثرلرینی اوخورکن، ایشلتدیگی مئتودون درین معناسی، سؤز داغارجیغین‌داکی دولغونلوق و داشقینلیق، ادبی آخیش و مودئرن دوشونجه سوییه‌سینه حئیران قالیرام. میللی ادبیاتیمیزین اینکیشافیندا قلم اوینا‌دانلارین یازیلاریندان حاضیرلادیغی 200 جیلده یاخین کیتابا چکیلن زحمت، آنجاق آذربایجان عشقی ایله یوغرولموش بیر ووجودون نتیجه‌سی اولا بیلر. باشچی‌لیق ائتدیگی درگی‌لرین آدی بئله قریبه تأثیر بوراخیر اینساندا “یاشماق- یارپاق”. گؤره‌سن، آنا دیلینده تحصیل آلمایان، میللی مکتب گؤرمه‌ین، میللی وارلیغی ایله آکادئمیک سلوبدا تانیش اولمایان بیر اینسانین بو استعدادی، بشریتین اینکشافی یولوندا‌می ایشلدیلمه‌لیدی، یوخسا زیندانلاردا چورودولمه‌لیدی. گؤره‌سن، شعرلری روحا اوخشایان، یازیلاری دونیا یازارلارینین، پوست مودئرنیسترینین سوییه‌سینه یوکسلسن بو گنج سویداشیمیز نئیه زینداندا‌دیر. بو سوالا جاواب آخدارارکن، سعید موغانلی‌نی اوخویانلار، اونون حاققیندا یازدیقلاریمین افراط اولمادیغینی بیلدیکرینی وورغولایا‌راق بیر خاطره یادیما دوشدو. آما خاطره‌یه کئچمه‌دن اؤنجه، اونو اوخومامیش سویداشلاریمیزا، بو نوقصانی گئدرمک اوچون تلسمه‌لرینی آرزو ائدیرم.
1999-دا حؤرمت‌لی تورکولوق، دیرلی اوستاد ساوه‌لی “سولئیمان اوغلو” جناب‌لارینین “ آذربایجان علملر آکادئمیاسی‌نین” ادبیات بؤلمه‌سینده “پوست مودئرنیزمله” باغلی مروزه‌سی نظرده توتولموشدو. بعضی پروفوسورلارین دا ایشتیراک ائتدیگی او ایجلاسدا، سایین سولئیمان اوغلو-نون پست مودئرنیزمله باغلی دانیشیغی اؤیله‌سینه درین، دولغون ، یوکسک سوییه‌لی و مؤحتوا‌لی ایدی کی، دوشوننلر حئیران قالیردی، آنلامایانلار ایسه آغیز بوزوردو. چونکی، بئینی ایشلتمه‌یه چالیشمایان، کلاسیک ادبیاتی اوزدن کئچمه ازبرله‌یه‌رک پروفوسور اولان، دونیا ادبیاتی و اینکیشافین‌دان خبری اولمایان باشلارین او سؤزلری آنلاماسی گرچکدن چتین ایدی. اصلینده سولئیمان اوغلو-نون سؤزلرینی آچماق اوچون، بئیین‌لرده آنی اولاراق بیر ریاضی فورمولونو چؤزمک گرکیردی. بو ایسه گئری قالمیش قافا‌لاردا آچیلماق یئرینه بیر آز دا دویونلنیردی.
فیکریمجه، سعید بی موغانلی‌نی زیندانا سالان تهران حاکیمیتی، اونون محکمه سیستئمی، قرار اورگان‌لاری، مودئرنیته‌دن اوزاق، گئری قالمیش دوشونجه و دونیانین یئنی‌لیک‌لرین‌دن آنلامادیق‌لارینا گؤره بو یارامازلیغا قول چکمیش‌لر.
سعید بی نعیمی، دموکراسی دوشونجه‌سی ایله، ایچ ایچه آپاردیغی فعالیتده، اصلینده علئیهینه بیر سوچ بهانه‌سی بوراخماسا دا یاخالانماسی لاپ شاشیرتیجی‌دیر. قریبه‌دیر، تهرانین کرج شهرینده یاخالاییب، تبریزین ایطیلاعاتینا کؤچورمک‌دن هدف نه‌یمیش، آنلاماق مومکون دئییل. بلکه باشقا‌لارینا گؤز داغی وئرمک ویا ساده‌جه اوجوز دوشمنچی‌لیگین نتیجه‌سی‌دیر. بلکه ده، اینسان حاقلارینی مدافعه‌ده‌کی جدی‌لیگی، باشینا بلا آچمیش‌دیر، آما اینسان حاقی بوگونکو دونیامیزین اساس فیکیر دایره‌سی‌نین دانیلماز اؤزیی‌دیر. بئله‌دیرسه، دئمه‌لی سعید نعیمی‌نی یاخالایان‌لار اینسان، اینسانلیق و اینسان حاقین‌دان آنلاماماقدا‌دیرلار. بلکه ده، حساس اولان چالیشما حیاتینا ضربه، اقتصادی چؤکوشه سوروتله‌مک و بئله‌لیکله ده اینتیقام حیس‌لرینی سویوتماق نیتی گودموش‌لر. آیلارلا عائله‌سی ایله گؤروش یاساغیندا ساخلاماق، اولمازین تضییق‌لرین آلتیندا ازمک اوچون من کی هئچ بیر دلیل تاپا بیلمه‌دیم، آما یونتا‌لییانلار بو ایشده چوخ اوستا‌دیرلار. بلکه ده زنجان بیلیم‌یوردوندا باشچی‌لیق ائتدیگی “سس” ژورنا‌لی ایله مظلومیت سسیمیزی هارایلادیغینین اینتیقامی اوچون فورصت یاخالامیش‌لار. آخی، اونیوئرسیته‌نین “ایسلامی درنَیی‌نین” مرکزی شوراسیندا اولماق ویا “ادواری تحکیم وحدت” دئییلن قورومون عوضوو اولماغین هاراسی گوناه، هاراسی دینیمیزین علئیهینه‌دیر. دئمک کی، آسدی- کسدی سیایستینی یورودن‌لرین ایسلامی قوروماق تبلیغاتی یالان، میللتیمیزین سسینی بوغماق اساس هدفی‌دیر. ایکی سعید-ی عینی گونده تبریز ایطیلاعاتین‌دان تبریزیزن عمومی زیندانینا گتیرمک ایسه اؤزو اؤزلوگونده دوشوندوروجودور.
سعید-لره سلام، بوتون سیاسی زیندانی‌لریمیزه آزادلیق دیله‌یی ایله:
12.08.2011
Səid-lər və millisiyasi ədəbiyatımız
Böyük Rəsuloğlu
Sayın Əkbər bəy Azad-ın 3 Səid haqqında yazdığı münasibəti oxurkən, bir daha milli duygularımın coşduğunu önləməm mümkün olmadı. Milli duygusuz milli mübariz olma imkansızlığı da bir qayda olaraq bilinməkdədir. Ancaq, duygulu anlarda göstərilən münasibətlərin məntiqi yansıtmıyacağı da inkar ediləməz. Ölçü dəyərinə bu zaviyədən baxanda, dözüb, ürək çırpıntıları ilə beyin yarıqlarının həmahəng olduğu zamanı yaxalamağın zərurəti aydınlaşır.
Əkbər bəy Azad-a gələn SMS-də dəyərli milli fəal sayın Yürüş bəy Mehrəli Bəylinin “nə olursa olsun, döndü yoxdur” yazması, birdə ona görə məni duygulandırdı ki, bu sözü geçmişdə böyük bir ustadımızdan da eşitmişdim. Dəyərli dostum cənab Həsən bəy Azərbaycan, 2006-cı il qiaymından sonra günahsız olaraq zəncirləndiyi Təbriz zindanından yazdığı o müracətdə demişdi “öldü var döndü yoxdur- yandı var söndü yoxdur”. “Dəyərli dostum derkən bir məsələyə aydınlıq gətirmək istərdim. Hər kəs bilirki, Güneydə olanda yaşıt milli düşüncəlilərlə, xaricdə olduğumda da burdakılarla yaxın ilişgi və dostluğum olmuşdur. Ancaq, yazılarımda yazdığım vəya danışıqlarımda işlətdiyim, dostum, qardaşım, oğlum və qızım ifadələrinə görə, bəzi dostlarımız bəzi səbəblərə görə məni şiddətlə tənqid edib, yayın organlarında danışmaqda vəya yazmaqdadırlar. Bilinməlidir ki, bu məzlum millətin milli haqlarının təmini üçün çalışanların hamısının bir birinə dost olduğu, fikirdaşların birinə qardaşdanda yaxın olduğu mənim düşüncə tərzimdir, bu yanaşmanı Əkbər bəyin yazısındanda anlamaq olar. Hətta, tənqid bəhanəsi ilə təxrib etməyə çalışanlara da işlətdiyim “dost” sözü bu təfəkkürdən qaynaqlanmaqdadır, qoy onlar başqa yerə yorsunlar. Bizim sayımız o qədər deyilki, yalanlarla bir birimizi təxrib edərək səhnədən çıxarmaqla bir şey qazanaq, bu baxımdan daxildəkilərə eşq olsun, xaricdəkilər qoysalar. Qaldı ki, milli gələnəyimiz olan, Azərbaycanlının ədəb və nəzakətinə yaraşan ifadələr olan, yuxarıdakı ifadələrlə deyil, bir birimizə necə xitab etməliyik sorusu da cavab axdarır”.
Üç Səid-lər haqqında yazarkən düşünürsən ki, hankı cəhətlərin önə çıxarıb, millətimizin ürəyində olan yerlərini daha da genişləndirmək olar. Gərçi, məzlumiyət sacında qovrulan bu aydınlarımızın, ədalət uğruna barmaqlarının arasında oynuyan qələmlərinin sındırılması, isti aylə ocağından ayıraraq, sovuq, nəmli və qaranlıq zindanlarda tutsaqlanmaları özü özlüyündə millət qucağında millət sevgisini qazanmaqdan başqa bir şey deyildir. Şübhə yoxdur ki, bu iftixar və sevgi, təkcə Səidlər deyil, bugün zindanlarda yatan bütün soydaşlarımızın, sıra gözlüyən gənclərimizin, geçmişdə zəncirlənən dostlarımızın və təqib edilən bütün soydaşlarımızın hamısına aiddir. Ama 3 Səid-imizin durumu bir az fərqli zaviyələrdən də baxılmalı, yarqı dəyərləri tərəzisi ilə də ölçülməlidir məncə. Çünki, adları kimi, davranış, dəyər ölçüsü və fikir ürətgənlikləri, sankı bir qalıbdan çıxmış kimi oxşamaqdadır. İfrat təfritə yol vermədən, zaman və məkan şəraitini düzgün dəyərləndirən, məzlum ama məğrur duruş sərgiləyən, haq və ədalət yolundan sapmıyan demokratik düşüncələrindəki yaxınlıqda, onları sırdaş deyil, qardaş deyil, ondanda yaxınlaşdırmışdır.
-Səid bəy Mətinpurun illər öncə tutulan dostu Riza Abbasi haqqında yazdığı “andıcı” oxurkən tüklərim dikəlmiş, gözlərim yaşarmış, ürəyim tir tir əsmişdi. Bir insanda insanlara sevginin dərinlikləri, dostuna inancın səviyəsi, həmsəngərinə güvənin sınırsızlığı ancaq bu boyda sinə sipər gərəkdirər. Kaş ki, mənimdə qələmimdə, eyni ifadələri işlətməyə qabiliyət olaydı. Aləmə haray çəkəydim “ey insanlar nə yatıbsız ki, peyğəbrərcəsinə bir məsum insan, iynənin ucu qədər günahi olmuyan şərəfli bir Azərbaycan balası, ədəb-nəzakət qaynağı, dürüst-pak- arınmnış bir insanın qollarını zəncir yaraları incidir”. Heç və puç bir ittihamla səkkiz il zindan kəsilmiş bu insanın altı il daha Evin zindanında qalaraq çürüməsinə imkan verən bizlər və beynalxalq insan haqlarını qoruyan bütün qurumlar günahkardır, bəsdir demənin zamanı çatmışdır.
-Səid bəy Muğanlının ədəbi əsərlərini oxurkən, işlətdiyi metodun dərin mənasi, söz dağarcığındakı dolqunluq və daşqınlıq, ədəbi axış və modern düşüncə səviyəsinə heyran qalıram. Milli ədəbiyatımızın inkişafında qələm oynadanların yazılarından hazırladığı 200 cildə yaxın kitaba çəkilən zəhmət, ancaq Azərbaycan eşqi ilə yoğrulmuş bir vücudun nəticəsi ola bilər. Başçılıq etdiyi dərgilərin adı belə qəribə təsir buraxır insanda “Yaşmaq- Yarpaq”. Görəsən, ana dilində təhsil almıyan, milli məktəb görmüyən, milli varlığı ilə akademik slubda tanış olmuyan bir insanın bu istedadı, bəşəriyətin inkşafı yolunda mi işlətilməliydi, yoxsa zindanlarda çürütülməliydi. Görəsən, şeirləri ruha oxşuyan, yazıları dünya yazarlarının, post modernistərinin səviyəsinə yüksəlsən bu gənc soydaşımız niyə zindandadır. Bu suala cavab axdararkən, Səid Muğanlını oxuyanlar, onun haqqında yazdıqlarımın ifrat olmadığını bildikərini vurquluyaraq bir xatirə yadıma düşdü. Ama xatirəyə geçmədən öncə, onu oxumamış soydaşlarımıza, bu nüqsanı gedərmək üçün tələsmələrini arzu edirəm.
1999-da hörmətli Türkoloq, dəyərli ustad Savəli “Süleymanoğlu” cənablarının“ Azərbaycan Elimlər akademiyasının” ədəbiyat bölməsində “post modernizmlə” bağlı məruzəsi nəzərdə tutulmuşdu. Bəzi profosorlarında iştirak etdiyi o iclasda, sayın Süleymanoğlu-nun postmodernizmlə bağlı danışığı öyləsinə dərin, dolqun , yüksək səviyəli və möhtəvali idi ki, düşünənlər heyran qalırdı, anlamıyanlar isə ağız büzürdü. Çünki, beyni işlətməyə çalışmıyan, klasik ədəbiyatı üzdən geçmə əzbərliyərək profosor olan, dünya ədəbiyati və inkişafından xəbəri olmuyan başların o sözləri anlaması gərçəkdən çətin idi. Əslində Süleymanoğlu-nun sözlərini açmaq üçün, beyinlərdə ani olaraq bir rəyazi formulunu çözmək gərəkirdi. Bu isə geri qalmış qafalarda açılmaq yerinə bir azda düyünlənirdi.
Fikrimcə, Səid bəy Muğnlını zindana salan Tehran hakimiyəti, onun məhkəmə sistemi, qərar orqanları, modernitədən uzaq, geri qalmış düşüncə və dünyanın yeniliklərindən anlamadıqlarına görə bu yaramazlığa qol çəkmişlər.
-Səid bəy Nəimi, demokrasi düşüncəsi ilə, iç içə apardığı fəaliyətdə, əslində əleyhinə bir suç bəhanəsi buraxmsa da yaxalanması lap şaşırtıcıdır. Qəribədir, Tehranın Kərəc şəhərində yaxalayıb, Təbrizin ittilaatına köçürməkdən hədəf nəymiş, anlamaq mümkün deyil. Bəlkə başqalarına göz dağı vermək vəya sadəcə ucuz düşmənçiliyin nəticəsidir. Bəlkədə, insan haqlarını müdafiədəki ciddiliyi, başına bəla açmışdır, ama insan haqqı bugünkü dünyamızın əsas fikir dayrəsinin danılmaz özəyidir. Belədirsə, deməli Səid Nəimini yaxalayanlar insan, insanlıq və insan haqqından anlamamaqdadırlar. Bəlkədə, həssas olan çalışma həyatına zərbə, iqtisadi çöküşə sürütləmək və beləliklə də intiqam hislərini sovutmaq niyəti güdmüşlər. Aylarla ailəsi ilə görüş yasağında saxlamaq, olmazın təzyiqlərin altında əzmək üçün mənki heç bir dəlil tapa bilmədim, ama yontalıyanlar bu işdə çox ustadırlar. Bəlkədə Zəncan biliyurdunda başçılıq etdiyi “səs” jurnalı ilə məzlumiyət səsimizi harayladığının intiqamı üçün fürsət yaxalamışlar. Axı, universitənin “islami dərnəyinin” mərkəzi şurasında olmaq vəya “Ədvari təhkimi vəhdət” deyilən qurumun üzvü olmağın harası günah, harası dinimizin əleyhinədir. Demək kİ, asdı- kəsdi siaysətini yürüdənlərin islamı qorumaq təbliqatı yalan, millətimizin səsini boğmaq əsas hədəfidir. Iki Səid-i eyni gündə Təbriz ittilaatından Təbrizizn umumi zindanına gətirmək isə özü özlüyündə düşündürücüdür.
Səid-lərə səlam, bütün siyasi zindanilərimizə azadlıq diləyi ilə:
12.08.2011
------------------------------------------------------------------------------------------
زیندانلاری ازیب کئچن آذربایجان ساونارلاری
محمود بیلگین
ایراندا، گونئی آذربایجان میللی حرکاتی‌نین یاشاما و گلیشمه سورجی زیندان‌لاردان کئچیر. بو آغیر و قوتسال یوکو داشییان اؤندرلریمیز، کولتور و وارلیغیمیزی قورویان‌لار، پارلاق گلهجگیمیزین بینؤوره‌سینی یارا‌دیرلار. ایندیسه (سعیدلریمیز) سعید متینپور، سعید موغانلی و سعید نعیمی تک موباریزه اؤرنک‌لریمیز بو شرفلی گؤرهوی داشیماقدا‌دیرلار. بیر اینسانین ان دگرلی وارلیغی اولان جان وارلیغیندان و عؤمور آنلاریندان خرجلمکده‌دیرلر بیر میللتین سعادتی اوغرونا. بیز خاریجده یاشایان آذربایجانلی‌لار سعیدلریمیزین و باشقا ایسارتده اولان میللتچی‌لریمیزین، بؤیوکلوگونه باش اگه‌رک اونلارین سسی اولماغا چالیشماغی اؤزوموزه میللی بورج بیلیریک. اومود ائدیریک کی سیزلرین زیندانلاردا ساووندوغونوز قدر بیز ده بورا‌لاردا، آز دا اولسا بئله بیر آددیم‌لار گؤتوره بیلک. آزادلیغینیز آرزیسییلا.
Zindanları əzib keçən Azərbaycan savunarları
Mahmıd Bilgin
İranda, Güney Azərbaycan Milli Hərəkatının yaşama və gəlişmə sürəci zindanlardan keçir. Bu ağır və qutsal yükü daşıyan öndərlərimiz, kültür və varlığımızı qoruyanlar, parlaq gələcəyimizin binövrəsini yaradırlar. İndisə (Səidlərimiz) Səid Mətinpur, Səid Muğanlı və Səid Nəimi tək mubarizə örnəklərimiz bu şərəfli görəvi daşımaqdadırlar. Bir insanın ən dəyərli varlığı olan can varlığından və ömür anlarından xərcləməkdədirlər bir millətin səadəti uğruna. Biz xaricdə yaşayan Azərbaycanlılar Səidlərimizin və başqa isarətdə olan millətçilərimizin, böyüklüyünə baş əyərək onların səsi olmağa çalışmağı özümüzə milli borc bilirik. Umud edirik ki sizlərin zindanlarda savunduğunuz qədər biz də buralarda, az da olsa belə bir addımlar götürə bilək. Azadlığınız arzısıyla.
------------------------------------------------------------------------------------------
اسیر آنا دیلیمیزین اسیر سعیدلرینه
صدیقه عدالتی
آذربایجان ائولادلارینین یاخالانما خبرلری منی هر زامان دریندن کدرلندیریر. بو عزیزلرین یاخالانماسی گنج نسلیمیزین ان آکتیو و میللتلرینه ان فایدالی اولمالاری گرکن زامانلاریندا عؤمورلرینین سوچسوزجاسینا زیندان بوجاقلاریندا کئچمه سی بیر یاندان، باشقا بیر یاندان دا هرتوتوقلاما خبری ایله بیر دفعه داها عایید اولدوغوموز توپلومون گئری قالمیش لیغی تیکان کیمی بئینیمه، اورگیمه و گؤزومه باتیر. قلم اهلی و میللتینین اینسانی حاقلاری اوچون چالیشانلارین هر بیرینین بیر بهانه ایله یاخالانمالاری، ایشگنجه یه معروض قالمالاری، یایینلارینین قاپاتیلماسی، اؤزگور دوشونمه و قونوشمانین یاساقلانماسی نین تانیتیمی گئری قالمیشلیق، موطلق تحجور و ایستیبداد دئییلسه نه دیر؟
بیر دفعه داها میللتلرینی آیدینلاتماغا چالیشان یازار، قازئته چی و اینسان حاقلاری آکتیویستلریمیز: سعید متین پور، سعید نعیمی و سعید موغانلی نین یاخالانمالارینی اؤنجه اینسانلیق و سونرا آذربایجانلی لیق آدینا قیناییرام.
بوتون سیاسی، ایجتیماعی و کولتورل محبوسلاریمیزین، او جومله دن اوچ سعیدیمیزین قئیدسیز شرطسیز آزادلیغا بوراخیلمالاری بوتون آیدینلارین و اینسان سئورلرین جیددی ایستگی اولمالیدیر.
7 آگوست هامبورگ
Əsir ana dilimizin əsir Səidəlrinə
Sədiqə Ədalti
Azərbaycan evladlarının yaxalanma xəbərləri məni hər zaman dərindən kədərləndirir. Bu əzizlərin yaxalanması gənc nəslimizin ən aktiv və millətəlrinə ən faydalı olmaları gərkən zamanlarında ömürlərinin suçsuzcasına zindan bucaqlarında keçəməsı bir yandan, başqa bir yandan da hər tutuqlama xəbəri ilə bir dəfə daha ayid olduğumuz toplumun geri qalmışlığı tikan kimi beynimə, ürəyimə və gözümə batır. Qələm ahəli və millətinin insanı haqları üçün çalışanların hər birinin bir bəhanə ilə yaxalanmaları, işəkəncə yə mə'ruz qalmaları, yayınlarının qapatılması, özgür düşünmə və qonuşmanın yasaqlanmasının tanıtımı geri qalmışlıq, mütəlq təhəccür və istibdad deyilsə nə dir?
Bir dəfə daha millətlərini aydınlatmağa çalışan yazar, qəzetəçı və insan haqları aktivistlərimiz: Səid Mətinpur, Səid Nəimi və Səid Muğanlı'nın yaxalanmalarını öncə insanlıq və sonar Azərbaycanlılıq adına qınayıram.
Bütün siyasi, ictımaı və kültürəl məhbuslarımızın, o cümlədən üç Səidimizin qeydsiz şərtsiz azadlığa buraxılmaları bütün aydınların və insan sevərlərin ciddi istəyi olmalıdır.
7 Avqost Hamburg
------------------------------------------------------------------------------------------
سعیدلریمیز آذربایجانین اسارتین هایقیریرلار
یونس شاملی
ایراندا تورک خالقی نین سینمیش قلمی، یارالانمیش اورگی، قارالانمیش گونلر چئوریلیش اوزره دیر. بوگونکو آذربایجان، دوننکی آذربایجان دئییل. کئچن آلتمیش ایلده آذربایجان-ین آدین سانین، بئله، چکن اولمادی، دادینا یئتیشن بئله اولمادی، حتتی مظلومیتینه قارشی دوران یوخ ایدی. خالقیمیزی جایدیرمیشلار و فیکیریمیزه غلبه چالمیشلاردیر.
آما کئچن ایگیرمی ایلده خالقیمیزین ایگیدلری اویانماغا دوغرو حرکته کئچدیلر. هویتلرینه صاحیب چیخماق اوچون میدانا گلدیلر... بابک قالاسینی یئنی دن سؤمورگه چیلرین علیهینه موباریزه میدانی نا چئویردیلر. سیخینتی، یاخالانماق، زیندان، ایشگنجه و حتتی اؤلومو گؤزه آلان قهرمان بالالاریمیز، قیز و اوغلان، میدانا چیخدیلار و آذربایجان-ی یئنی دن دوغوزدوردولار و خالقیمیزا اوغور یولون آچدیلار.
بوگون سعیدلریمیز آذربایجان-ین و تورک خالقینین اویانیش سیمبوللاریدیرلار. سعید متین پور، سعید نعیمی و سعید موغانلی بیزیم خالقیمیزین وارلیق نیشانه سی دیرلر. بوگون آذربایجان-ین وارلیغی و تورک خالقینین اونودولماز حاققینی حقیقتا سعیدلریمیز اؤز اسارتلر ایله گؤستریرلر. سعیدلریمیز اؤز اسارتلری ایله آذربایجان-ین اسارتین باغیریرلار. سعیدلریمیز حقیقتا آذربایجان-ین آزادلیغینا چالیشیرلار.
Səidlərimiz Azərbaycanın əsartin hayqırırlar
Yunis Şamili
İranda türk xalqının sınmış qələmi, yaralanmış ürəyi, qaralanmış günlər çevriliş üzərədir. Bugünkü Azərbaycan, dünənəki Azərbaycan deyil. Keçən altmış ildə Azərbaycan-ın adın sanın, belə, çəkən olmadı, dadına yetişən belə olmadı, hətta məzəlumiyyətinə qarşı duran yox idi. Xalqımızı caydırmışlar və fikirimizə qələbə çalmışlardır.
Ama keçən iyirmi ildə xalqımızın igidləri oyanmağa doğru hərəkətə keçdilər. Hüviyyətəlrinə sahib çıxmaq üçün meydana gəldilər... Babək qalasını yenidən sömürgəçilərin əleyhinə mbarizə meydanına çevirdilər. Sıxıntı, yaxalanmaq, zindan, işəkəncə və hətta ölümü gözə alan qəhrəman balalarımız, qız və oğlan, meydana çıxdılar və Azərbaycan-ı yenidən doğuzədurdular və xalqımıza uğur yolun açdılar.
Bugün Səidlərimiz Azərbaycan-ın və Türk xalqının oyanış simbollarıdırlar. Səid Mətinpur, Səid Nəimi və Səid Muğanlı bizim xalqımızın varlıq nişanəsidirlər. Bugün Azərbaycan-ın varlığı və Türk xalqının unudulmaz haqqını həqiqətən Səidlərimiz öz əsarətlər ilə göstərirlər. Səidlərimiz öz əsartləri ilə Azərbaycan-ın əsartin bağırırlar. Səidlərimiz həqiqətən Azərbaycan-ın azadlığına çalışırlar.
سعیدلریمیز قلم لرده(5)(ضیاء صدرالاشرافی، افسانه سئوگین، محمد آزادگر، نقی محمودی)
سعیدلریمیز دوستاقدادیر، سعادتی میز دوستاقدادیر
ضیاء صدرالاشرافی
اوچ سعیدیمیز آدلاری دا اوزلری کیمی، اویانیب، آیاغا دوروب و کیملیگی ایله، دموکراسی یه اَل تاپماغا گوره، مدافعه ائدن میلتیمیزین سعادت صوبحو دیر لر.
تاریخ بویو سعید لرین دوشمن لری، شَقی لریمیش. میلتیمیزه سعادت صوبحونون چیخیب، طلوع ائتمه سی، یقیناً شقاوتین گئجه سینین سونا چاتماسی دیر.
اؤزونون و میللتی نین حوریت و شرافتین دن مدافعه ائدیب، گوناه سیز مشقت چکمه دن، بویوک سعادت اولارمی؟
من سعید متین پور،سعید نعیمی و سعید موغانلی و اونلارین محترم عایله لرینه باش اییرَم.
سعیدلر تک دایانیش و ایراده سی اولان میللتین، سعادتلی گله جه گی اولاجاقدیر.
Səidlərimiz dustaqdadır, səadtimiz dustaqdadır
Ziya Sədrüləşrafi
Üç Səidimiz adları da özləri kimi, oyanıb, ayağa durub və kimliyi ilə, demokrasiyə əl tapmağa görə, müdafiə edən millətimizin səadt sübhüdürlər.
Tarix boyu Səid'lərin düşmənləri, şəqilər imiş.
Millətimizə səadət sübhünün çıxıb, tulu etəməsi, yəqinən şəqavətin gecəsinin sona çatmasıdır.
Özünün və millətinin hürriyət və şərafətindən müdafiə edib, günahsız məşəqət çəkəmədən, böyük səadt olarmı?
Mən Səid Mətinpur, Səid Nəimi və Səid Muğanlı və onların möhtərəm ailələrinə baş əyirəm.
Səidlər tək dayanış və iradəsi olan millətin, səadtlı gələcəyı olacaqdır.
-----------------------------------------------------------------
افسانه سئویگین
ایرانین دییشیک توتساق‌خانا‌لاریندا قالین و هوندور دووارلارین، دمیر و پاسلانمیش قاپیلارین آرخاسینا کیلیدلنمیش، حاق سسلری دویولماسین دئیه دار و قارانلیق هوجره‌لره سالینمیش، یازماسینلار دئیه قوللاری کلپچه لنمیش، قلم‌لری سیندیریلمیش، اؤزگورلوک سئودا‌لی‌لاری اولدوقلاری اوچون بوتون اؤزگورلوک‌لری اللریندن آلینمیش گونئی آذربایجان توتساق‌لارینی دوشوننده گؤزلریمین اؤنونده ایللر اؤنجه آنا دیلیمیز آذربایجان تورکجه سینه چئویردیگیم بیرلشمیش میللت‌لر تشکیلاتی نین (ب.م.ت) 10 دئکابر 1948 ایلینده اورنسل اینسان حاقلارینین بیلدیری سی سرگی لنیر.
ماده 1: بوتون اینسانلار اؤزگور، دیَر و حاق باخیمیندان ائشیت اولاراق دوغولوب، دونیایا گلیرلر. عقل و ویجدان‌لاری واردیر. بیر_ بیرلرینه قارشی قارداشلیق دوشونجلریله یاناشما‌لی‌دیرلار.
ماده 3 :یاشاماق، اؤزگورلوک و بیرئیسل گوونلیک هر بیر اینسانین حاقی‌دیر.
ماده 5:هئچ کیمسه‌یه ایشکنجه ائدیب یا اونونلا قدارجاسینا داورانیلا بیلمز. بیرینی جزالاندیرماق اوچون، اونو آشاغیلاماق یا دا اینسانلیق دان اوزاق داورانیش‌لار اویغولانا بیلمز.
ماده 6: هر بیر اینسان هارادا اولورسا اولسون، یاسال حاقلارینین تانینماسینا حاقی وار.
ماده 7: بوتون اینسانلار یاسا‌لار قارشی‌سیندا ائشیت حوقوقا یییه‌دیر و آیری سئچکی‌لیک اولما‌دان یاسا‌لارین حمایه‌سینده ائشیت یارارلانمایا حاققی واردیر.. هرکسین، بو بیلدیریده آچیقلانان حاقلارینا ترس اولان، ائله‌جه ده آیری سئچکی‌لیک‌لره یول وئرن داورانیش‌لار قارشی‌سیندا قورونمایا حاقی واردیر.
ماده 8: هر بیر اینسانین، اونا آنایاسا یا دا باشقا یاسا‌لارلا تانینان تمل حاقلارینین تاپدالاندیغی یا دا زدلندیگی چاغ اولوسال محکمه‌لره باشوورماغا حاقی واردیر.
ماده 9: هئچ کیمسه اؤزباشینالیق لا توتوقلانماما‌لی، توتساق ائدیلمه مه لی یا دا سورگونه گؤندریلمه مه لیدیر...
بیلدیگیمیز کیمی ایران دئولتی بو بیلدیریده اولان آنلاشما‌لارین چوخونون آلتینا قول چکمیش و اونایلامیش‌دیر. بونا باخمایاراق ایران وطنداشلیغیندا اولان گونئی آذربایجانلی دوشونورلری هئچ بیر گرکچه‌سی اولما‌دان توتوقلامیش و بو بیلدیریده اولان بوتون حاقلاریندان یوخسون ائتمیش‌دیر. ان سون 2005-جی ایلده ایراندا اینسان حاقلارینین پوزولماسینی اینجه‌لهمه‌یه گئدن ب.م.ت-نین اؤزل تیمی بیر داها اؤلکه‌یه گیرمه‌یه ایزین آلا بیلمه‌سه ده اؤلکه‌ده اینسان حاقلارینین گوبودجا پوزولماسیندان بیلگی‌سی واردیر. اومود ائدیریک دونیا بو حاقسیزلیق‌لارا بوندان آرتیق گؤز یومماسین.
Əfsanə Sevigin
İranın deyişik tutsaqxanalarında qalın və hündür duvarların, dəmir və paslanmış qapıların arxasına kilidlənmiş, haqq səsləri duyulmasın diyə dar və qaranlıq hücrələrə salınmış, yazmasınlar diyə qolları kələpçələnmiş, qələmləri sındırılmış, özgürlük sevdalıları olduqları üçün bütün özgürlükləri əllərindən alınmış Güney Azərbaycan tutsaqlarını düşünəndə gözlərimin önündə illər öncə ana dilimiz Azərbaycan türkcəsinə çevirdiyim Birləşmiş Millətlər Təşkilatının (BMTnin) 10 Dekabr 1948 ilində Evrənsəl İnsan Haqlarının bildirisi sərgilənir.
Maddə 1: Bütün insanlar özgür, dəyər və haqq baxımından eşit olaraq doğulub, dünyaya gəlirlər. Ağıl və vicdanları vardır. Bir- birlərinə qarşı qardaşlığ düşüncələriylə yanaşmalıdırlar.
Maddə 3: Yaşamaq, özgürlük və bireysəl güvənlik hər bir insanın haqıdır.
Maddə 5: Heç kimsəyə işkəncə edib ya onunla qəddarcasına davranıla bilməz. Birini cəzalandırmaq üçün, onu aşağılamaq ya da insanlığdan uzaq davranışlar uyğulana bilməz.
Maddə 6: Hər bir insan harada olursa olsun, yasal haqlarının tanınmasına haqqı var.
Maddə 7: Bütün insanlar yasalar qarşısında eşit hüqüqa yiyədir və ayrı-seçkilik olmadan yasaların himayəsində eşit yararlanmaya haqqı vardır.. Hərkəsin, bu bildiridə açıqlanan haqlarına tərs olan, eləcə də ayrı-seçkiliklərə yol verən davranışlar qarşısında qorunmaya haqqı vardır.
Maddə 8: Hər bir insanın, ona anayasa ya da başqa yasalarla tanınan təməl haqlarının tapdalandığı ya da zədələndiyi çağ ulusal məhkəmələrə başvurmaqa haqqı vardır.
Maddə 9: Heç kimsə özbaşınalığla tutuqlanmamalı, tutsaq edilməməli ya da sürgünə göndərilməməlidir.
V.S
Bildiyimiz kimi İran devləti bu bildiridə olan anlaşmaların çoxunun altına qol çekmiş və onaylamışdır. Buna baxmayaraq İran vətəndaşlığında olan Güney Azərbaycanlı düşünürləri heç bir gərəkçəsi olmadan tutuqlamış və bu bildiridə olan bütün haqlarından yoxsun etmişdir. Ən son 2005-ci ildə iranda insan haqlarının pozulmasını incələməyə gedən BMT”nin özəl timi bir daha ölkəyə girməyə izin ala bilməsədə ölkədə insan haqlarının kobudca pozulmasından bilgisi vardır. Umud edirik dünya bu haqsızlıqlara bundan artıq göz yumamsın.
-----------------------------------------------------------------
سعیدلریمیز
محمد آزادگر
من سعیدلریمیزین هئچ بیرینی گورمه میشم. یاخیندان تانیشلیغیم اولمایب. اونلارلا تیلیفونلا بئله دانیشمامیشام.
سعیدلریمیزین ایجتماعی و ادبی فعالیت لری ایله آز- چوخ تانیشام.
دوستلاریمیزین سیاسی دوشونجه لری ایله ده لازیم قدر تانیشلیغیم یوخدور. آنجاق بونو بیلیرم کی سعید متین پور، سعید نعیمی و سعید موغانلی بیزیم ملی- دموکراتیک حرکتین گورکملی تمثیلچی لریندندیرلر.
سعید متین پور-ون، سعید نعیمی-نین و سعید موغانلی-نین ایستکلری وآرزولاری آذربایجان خالقینین و ایراندا یاشایان تورک میللتینین خوشبختلیگی وسعادتی دیر.
سعیدلریمیز سیلاح ایله ایرقچی ودینچی دیکتاتورلوق رئژیمینه قارشی دورماییبلار! بوتون قانونی یوللارین باغلی اولدوغو حالدا وحتی سیویل اطاعتسیزلیک اقداملارین مومکون اولمادیغی شرایطده؛ اؤزگورلوک ایسته ین اینسانلار نه ائتمه لی دیرلر؟
سعیدلرین بوتون دوشونجه لری وعمللری « اینسان حاقلاری» چرچیوه سینده دیر.
سعیدلرین حبسه آلینمالاری وایشکنجه لره معروض قالمالاری ، ایران ایسلام جمهورییتی نین آذربایجانا وایران تورکلرینه بسله دیگی موناسیبت دن ایره لی گلیر!
بو موناسیبت موستملیکه چی لیک موناسیبتی دیر!
Səidlərimiz
Məhəmməd Azadgər
Mən Səidlərimizin heç birini gürməmişəm. Yaxından tanışlığım olmayb. Onlarla telefonla belə danışmamışam. Səidlərimizin ictmaı və ədəbi fəalyətləri ilə az- çox tanışam.
Dustlarımızın siyasi düşüncələri ilə də lazim qədər tanışlığım yoxdur. Ancaq bunu bilirəm ki Səid Mətinpur, Səid Nəimi və Səid Muğanlı bizim milli- demokratik hərkətin görkəmli təməsilçilərindəndirlər.
Səid Mətinpur'un, Səid Nəimi'nin və Səid Muğanlı'nın istəkləri və arzuları Azərbaycan xalqının və İranda yaşayan Türk millətinin xoşbəxtliyi və səadtidir.
Səidlərimiz silah ilə ırqçı və dinçi diktatorluq rejiminə qarşı durmayıblar! Bütün qanuni yolların bağlı olduğu halda və hətta sivil itaətsizlik iqdamların mümkün olmadığı şəraitdə; özgürlük istəyən insanlar nə etəməlidirlər?
Səidlərin bütün düşüncələri və əməlləri « insan haqları» çərçivəsindədir.
Səidlərin həbəsə alınmaları və işkəncələrə mə'ruz qalmaları , İran İslam Cumhuriyytinin Azərbaycana və İran Türkəlrinə bəslədiyi munasıbtdə n irəli gəlir!
Bu munasibət müstəməlikəçilik munasibatidir!
-----------------------------------------------------------------
نقی محمودی
3 سعیدین توتوقلانماسی‌نین اوزانماسی و 35 میلیونون اینسان حاقلاری قوروم‌لاری‌نین باشاری‌سیزلیغی!
سؤزسؤزه گلنده 35 میلیونوق، چوخ گوجلو میللتیک و نه لر… آما نه یازق کی پراتیک عرصه‌سینده باشقا میللت‌لردن کی نوفوس آچیسیندان بیزدن داها آز نوفوس‌لاری وار بئجریکسیزیک.
بیز اؤزوموزو جدی تنقید ائتمسک و گوجسوزلوگوموزو تانیماساق هئچ بیر ایش گؤربیلمیه جییک.
حتی یئرسیز اؤزوموزو شیشیرتمک و قولتوغوموزا قارپیز وئرمک بیزیم اوچون ان بؤیوک زهردیر .
نئجه اولور کی 6-7 میلیونلوق کوردون بیر قاچاق مالچیسی نین بورنون‌دان قان گلدیگی حالدا بو خبر هر یئرده یاییلیر آما بیزیم ضیا‌لی‌لارین خبرلری یالنیز اؤز سیته‌لریمیزده و یئترسیز وضیعتده یاینلانیر؟
زامانیدیر کی آذربایجاندا بو حرکتسیزلیگه سون وئریلسین.
سعیدلریمیز و اؤزللیکله متین پور جیناب‌لاری گوناهسیزجا بو آغیر آنلارا محکوم اولموش‌لار.
بو اوچوروم دولدوران اللر و گوجلر بیرلشمه‌لیدیر بو بیر چاغیریشیدیر!
Nəği Məhmudi
3 Səidin tutuqlanmasının uzanması və 35 milyonun insan haqları qurumlarının başarısızlığı!
Sözsözə gələndə 35 milyonuq, çox güclü millətik və nələr… ama nə yazəq ki pratik ərsəsində başqa millətlərdən ki nufus açısından bizdən daha az nufusları var becəriksizik.
Biz özümüzü ciddi tənqid etməsək və gücsüzlügümüzü tanımasaq heç bir iş görəbilməyəcəyik.
Hətta yersiz özümüzü şişirtmək və qoltuğumuza qarpız vermək bizim üçün ən böyük zəhərdir .
Necə olur ki 6-7 milyonluq kürdün bir qaçaq malçısın burnundan qan gəldigi halda bu xəbər hər yerdə yayılır ama bizim ziyalıların xəbərləri yalnız öz sitələrimizdə və yetərsiz vəziyətdə yaınlanır?
Zamanidir ki Azərbaycanda bu hərəkətsizligə son verilsin.
Səidlərimiz və özəlliklə mətinpur cinabları günahsızca bu ağır anlara məhkum olmuşlar.
Bu uçurum dolduran əllər və güclər birləşməlidir bu bir çğırışıdır
