اؤزتچه ۲: اکیز تبریز/اورمو شهرلری هوجومچو فارس قوه‌لرینه قارشی دوردو
سای: ۵۴۶/۲۰۱۱
ایلایگون: ۰۵.۰۹. ۲۰۱۱
ب.م.ت، اینسان حاق‌لاری اوزره آلی کومیسسارلیق، جنوره؛ لطفاً بو قئیدیاتی آشاغی‌داکی قروپ‌لارا چات‌دیرین:
• اؤز-خوشونا توتوقلانما اوزره چالیشان قروپ
• بئیان و فیکیر سربست‌لیگی‌نین ایرلیلییشی و قورونماسی اوزره اؤزل راپورتئر
• چاغداش ایرقچی‌لیک، ایرقی آیری-سچکی‌لیک و یادد-ائللی‌لره قارشی قاتلاشمازلیق اوزره اؤزل راپورتر
• میللی آزلیق‌لار اوزره موستقیل متخصص
• قاضی‌لارین و وکیل‌لرین باغیم‌سیزلیغی اوزره اؤزل راپورتر
اوزو: دایک بئی، و خانیم هاریسون، آمنئستی اینتئرناشنال، لندن
هابئله: اینسان حاق‌لارینی گؤزتن و اینسان حاق‌لارینا قوللوقچو، ب.م.ت هابیتات، باشقا قوروم‌لار
سایین جناب‌لار؛
اؤزتچه ۲: اکیز تبریز/اورمو شهرلری هوجومچو فارس قوه‌لرینه قارشی دوردو
گونئی آذربایجانین اکیز اورمو و تبریز شهرلری، اورمو گؤلونون باتی-و-دوغو کئشیکچی‌لری، ۳ سئپتامبر ۲۰۱۱-ده چئوره کامپانیاسینی ، بیر داها زیروه‌یه قالدیردی‌لار. بو اؤزتچه، قاباقکینا (باخ سای: ۵۴۵/۲۰۱۱، ایلایگون: ۳۰ آگوست ۲۰۱۱) آرتیرا‌راق سیزی، آشاغیدا سیرا‌لانان اولای‌لار ایله بیلگیلندیریک:
• اعتراضلار اورمودا، آخشام ساعت ۶-یا یاخین باش توتدو و بو جسارت‌لی حرکت یاریم ساعت سونرا تبریزده مایالاندی؛ هر ایکی شهر بیر-بیرلرینه دایاق اولدو.
• گونئی آذربایجانین داخیلینده کی فعال‌لار یاریم ساعت چکمه‌دن اعتراض فیلمینی، شیکاقودان یاییم‌لانان، گونئی آذربایجان تئلئویزیونو (گوناز ت.و) -ده جانلاندیردی‌لار؛ بو همی دونیادا آذربایجان‌لی‌لاردا سئوینج یاراتدی هم ده اعتراضا کونکرئت ثبوت اولدو.
• هر ایکی شهرده اعتراض دالغا‌لاری بیر ساعت ایچری‌سینده چوخ‌لو محله‌لره یاییلدی.
• اعتراضچیلار هر ایکی شهرده والی ایداره‌سینی چئوره‌له‌دی‌لر کی، گوج مؤوزئینده اولما‌لارینی گؤسترسین‌لر، لاکین او بینا‌لاری اله کئچیرمک ازمینده دئییلدی‌لر.
• اعتراضچیلار خیاوان‌لاردا باسقینچی قوه‌لره گؤره اوستون دورومدا ایدی‌لر.
• آذربایجان‌لی پلیس قوه‌لری اعتراضچیلارین عمل‌لرینی چوخ انگللمه‌دی‌لر و دالی چکیلدی‌لر.
• ایران یئتکی‌لی‌لری گونئی آذربایجانی ایرانین باشقا بؤلگه‌لرین‌دن گتیردیک‌لری پلیس قوه‌لری ایله دول‌دوردولار. بو قوه‌لر، آدی وطنداش‌لارا قارا-قورخو گله‌رک، دینج آکسیانی تخریباتا چالیشیر، اود-وورما فیتنه‌لری تؤرئ‌دیر، دینج اعتراضچیلار گلوله هدفینه آلیر، بو یول ایله چوخ‌لو آدام‌لار یارالاییر، آلدیغیمیز ایلکین معلومات‌لارا وگؤره اورمودا و تبریزده بیر ویا ایکی شخص اؤلدورولور.
• دینج اعتراضلار، گونئی آذربایجانین هر ایکی شهرینده قاش قارالینجا دوام ائدیر..
• باسغینچی قوه‌لر پروووکاسیا تؤره‌ده‌رک اعتراضچیلار اعتراض ائتمک اینسان هاققیننی چئینییر و چوخ‌لارینی توتوقلاییر.
• شوارلار هامی‌سی آذربایجان دیلینده ترننوم ائدیلیر و قصداً بون‌لارین اوداغی اورمو گؤلو فلاکتینی قاپساییر.
• گونئی آذربایجانین هر شهرینده پلیس قوه‌لری سفربر اولونماسینا باخمیوا‌راق اورا‌لاردا دا گرگین دوروم یارنیر، سالماسدا و قوشاچایدا دا کیچیک حجم‌لی اعتراضلار باش توتور.
• ائتیراچی‌لارین تلباتی آپ-آچیق‌دیر و بونا بیر اؤرنک جدول ۱-ده تقدیم اولونور.
بو اؤزتچه اولای‌لاری تکجه اولای‌لاری دقتینیزه چات‌دیرماق اوچون‌دور و بو او دئمک‌دیر کی، توتوق‌لولار آدلاری‌نین لیستی هله بیزیم طرفیمیزدن هازیرلانمامیش لاکین بون‌لار گونئی آذربایجان websitələrində یاییملانمیش. چوخ‌لو مئدیا لار بو اولای‌لارین بعضی دئتای‌لارینی یاییملادی‌لار، لاکین اعتراضلارین نووه‌سینی ایفاده ائتمکده آیاق سوروتده‌دی‌لر. اؤرنیین بی.بی.سی اولای‌لاری درج ائتدی ([1] www.bbc.co.uk/…)، لاکین آیرینتی‌لار فننی نوکته‌لره حصر ائدیلمیشدی و اعتراضین چکیمی پرده دالیندا قالدی. بیزجه سوکوت، آنجاق ایران یئتکی‌لی‌لری‌نین، گونئی آذربایجان چئوره‌سینه و چئورچی‌لرینه اولان باسقی‌سی‌نین اوستونو اؤرتور و بیلگی قیت‌لیغینا یول وئریر. بیز سیزین آمنئستی اینتئرناتیونالین موداخیله‌سین‌دن نتیجه اوموروق. سیزین و باشقا اینسان حاق‌لاری قوروم‌لاری‌نین تپکی‌سیزلیگی آنلاشیلمازدیر. بون‌دان دولایی، ایران موخالیفتی ده جسارت قازانیر و ایرقچی پروپاقاندا آپارماغا شیرنیکیر و اولای‌لاری اؤز آدلارینا قسب ائدیب هاکیممیت داواسینا یؤنلتمک ایسته ییر، آما هر سؤزون بیر مقامی وار. باخمایا‌راق کی، ایرانین سیاستی گونئی آذربایجانا قارشی فلاکت تؤرتمکده، لاکین جریان‌داکی اعتراضلار اورمو گؤلونو قورتارماق نیتی آپاریلماقدا‌دیر. ایران-مرکزلی موخالیفتی آرا قیزیش‌دیرا‌راق یالانچی ملوماتلارو یاییر، آنجاق سیزین کیمی مقام‌لار دوغرو بیلگی‌لره سؤیکنه‌رک موناسیبت بیلدیررسه‌لر، اونلار بو بویدا آجینا‌جاق‌لی چئوره ایتگی‌سینی سیاسی‌لش‌دیرمک‌دن چکینرلر. ایر هامی دئموکراتیک تدبیرلر توکنسه، آذربایجان میللتی گونئی آذربایجاندا آراشدیردیق‌لاری باشقا سئچنک‌لری ده بیر-به-بیر سینایا‌جاق‌لار. دقتینیزی کوردچولر و اونلارین سیمپات‌لارینا دا یؤنلتمک ایستردیک. دئمک اونلار دا جریاندا اولان اعتراض دالغاسینی یایالاییب و اؤز آدلارینا چیخارتماق کلیینی سیناییرلار، جدول ۲ بیر اؤرنک تقدیم ائدیر. دئموکراتیک اؤلکه‌لر ده بیانیه ایفاده‌سینی کئجیکدیرمه‌لری ایله ترورچولاری و اونلارین سیمپات‌لارینی شیرنیکدیریرلر، گونئی آذربایجانین کوتلوی اعتراضلاری قایناغینا داراشسین‌لار و نئجه دئیرلر سامان آلتین‌دان سو داشی‌سین‌لار.
باخمایا‌راق کی، توتوق‌لولارین آدلارینی درله‌ییب و سیزین ساوونمانیز اوچون سونماق ایسته ییریک، بو آندا ایسه دقت مرکزیمیز سیزی بیلگیلن‌دیرمک‌دیر. لاکین، تعجیلی اولا‌راق، دقتینیزه چات‌دیرماق ایستردیک کی، ایران یئتکی‌لی‌لری جناب عباس لئیسانلینی آرا وئرمه‌دن باسقییا معروض ائدیرلر و نئجه دئیرلر گؤز وئریب ایشیق وئرمه‌دن اونو اینسان حاقلاین‌دان یوخسون ائدیرلر. ائله‌جه ده، فرانک خانیم فرید توتوقلانمیش. بو خانیم گونئی آذربایجانین فئمینیزم آپاریجی‌سی، اینسان حاق‌لاری ساوونانی و میللی حرکتین قوجامانلاریندان‌‌دیر.
گونئی آذربایجان سیزین دستک‌لرینیزی آرزیلاییر، یوخسا ایراندا ایرقچی اونسورلر و ترورچولار فورصت‌دن ایستیفاده ائدیب، بؤیوک فاجعه‌لر تؤره‌ده‌جک‌لر. بو یول ایله اونلار آذربایجان‌لی‌لارین دینج چئوره کامپانیا‌لارینی جای‌دیرماق ایسته ییرلر و اورمو گؤلونون فلاکتینی سوردورمک ایسته ییرلر. اومید ائدیریک کی، اورمو گؤلونو دیرچئلتمک اوچون ماندات‌لارینیزا گؤره گرکن آددیم‌لاری آتاجاقسینیز و ایران یئتکی‌لی‌لرینه گرکن تمسیلچی‌لیگی ائدجکسینیز و ایران یئتکی‌لی‌لری‌نین باسقی‌سی ایله سربست‌لیک حاقین‌دان مهرون اولونموش گونئی آذربایجان‌لی‌لارین سربست‌لیگینی طلب ائدجکسینیز.
حؤرمتله؛
بویوک رسولوغلو
دونیا آذربایجان‌لی‌لاری‌نین حاق‌لارینی مدافعه کومیته‌سی‌نین صدری
