تیکان تپه میللی فعاللاری نین بیانیه سی
تبریز و اورمو آیاقدادیر و بو ایکی شهرین هارای سسلری بوتون آزربایجاندا یاییلماقدادیر. بو هارای سسینه قاتیلماق و اونو داها گؤیلره قالدیرماق، بوتون آزربایجانلی لارا بیر وطن بورجو ساییلیر. هر بیر وطن سئور آزربایجانلیا واجیب دیر خیاوانلارا چیخسین و اورمو گؤلونون قوروماسینا اعتراضی نی بیلدیریب و آزربایجانین گله جک گونلرینه اومود و یاشام قاتسین. تیکان تپه بو گونلرده ان شان گونلرینی یاشاییر و میللی فعاللار اؤزلرینی بیر بؤیوک اعتراض گونونه حاضیرلاییرلار. بیز بونا اینانیریق کی میللتیمیزین ائودن دیشاری چیخماسی و خیابانلاردا آکسیا ائتمه سی، آزربایجانیمیزین آزادلیغینا گئدن یولودور. آزربایجانین بو کیچیک اما پارلاق شهری ده شهریورین 19 دا ساعات 18 ده آیاغا قالخاجاق.
میللی فعاللار و بوتون تیکان تپه نین میللتی نین گؤروش یئری: انقلاب خیاوانی(مرکزی چهارراه دان انصار پاساژی اونونه قدر) اولاجاق.
گله جک بیزیمدیر