بيلديغينيز کيمي سون هفته لرده آزربايجانين بؤيوک شهرلرينده مجليسين اورمو گؤلو قورتارماسي نين لاييحه سيني رد ائتمک ندنييله اعتيراضا قالخميشلار.

ايران دئولتي آذربايجانين آييق ميلتيني سوسدورماق اوچون  يالانچي بير بودجه تسويب ائديب. خبرلر بئله گلير کي اورمو گؤلونو قورتارماق اوچون دئولت 9 ميليون دلار بودجه آييريب کي آرازدان اورمو گؤلونه سو چکيلسين.

آما بيلديغينيز کيمي بوردا ايکي مسئله وار. بيرينجيسي ايران دئولتي آرازدان سو چکمه ک ايستييرسه شومالي آذربايجانلا موزاکيره ائتمه سي لازيم آما شومالي آذربايجانلا بئله بير موزاکيره يه کئچيلمييبدير.

ايکينجي آرازادان سو چکمه اولايي نئچه ايللر بويونجا سورر و اورمو گؤلو ايکي ايلين ايچينده قورويوب و بير دوز چؤلونه چئوريليبدير.

وورغولاديغيميز قونولاردان بئله گؤرونور کي ايران دئولتي بئله بير اينانديريجي يالانلاري سؤيله مکدن آزربايجانين ميللي قيياملاريني سوسدورماغا چاليشير.

ان اؤنملي مثله لردن بيريده بودور کي فارس سوسيال شبکه لري و مئديالاري بو آکسييالاري اؤزلرينه چيخماق چاباسينداديلار.

او اوزدن اؤنريريک کي خياوانلاردا اؤز ميللي شوعارلاريميزي اورمو گؤلو شوعارلارييلا بيرليکده سسلنديرک.

بو ندنله بيز مرند ميللي فعاللاري قرارا گلميشيک اؤز اعتيراضلاريميزي اورمو گؤلونون قورودولماسينا اؤز ميللي شوعارلاريميزلا بيلديريک و اينديدن دئييريک کي بو اعتيراضلارا آزربايجانين بوتون شهرلرييله بيرليکده سدلر آچيلامايانا قدر دوام ائده جگيک.

گؤروش يئريميز: المئهدي و مرکز خيياونالاري، ساعات 17 ، شنبه گونو 19 شهريور

شوعارلاريميز: "  ياشاسين آزربايجان " ،  " اورمو گؤلو جان وئرير ، مجليس اونون قتلينه فرمان وئرير "  ،  " اورمو گؤلو بيزيمدير ، خليج عربلريندير "  ، " سدلري سينديرين ، اورمو گؤلون دولدورون " ، " آذربايجان دو سس وئر، اورمو گؤله نفس وئر " ، " هاراي هاراي من تورکم "  ،  " اورمو گؤلو سوسوزدو ، آذربايجان اويانماسا اودوزدو "  ،  " تورک ديلينده مدرسه ، اولماليدير هر کسه "