سایقی ده یرلی یوردداشلار,

ایران فارس رژیمی اسارتینده گونئی آذربایجاندا مدرسه لرین آچیلدیغی گوندور بو گون. میلونلار آذربایجان اوشاق و ینی یئتمه لری اؤز آنا دیللرینده دگیل, یابانجی دیلده, یعنی فارس دیلینده, درس آلماغا مجبوردورلار. هله بو مدنی سویقریم بس دگیل میش, ایران فارس رژیمی گونئی آذربایجانین حیات داماری ساییلان اورمیه دنیزینی ده قوروتماغا باشلامیشدیر. ایران رژیمینین بو جنایتلرینه قارشی اؤز اعتراضلارینی بیلدیرن یوزلرله مدنی فعال آذربایجانلی لار دورمادان حبسه آلینیرلار. توتوقلانانلاردان فرانک خانم فرید و عباس لسانی بیگی آد چکمک اولار. حالی حاضردا فرانک فرید اشگنجه یه معروض قالیبدیر و عباس لسانی بیگ ایسه اعتراض علامتی اولاراق آجلیق گروینه باشلامیشدیر. بیز, گونئی آذربایجان دموکرات پارتیاس اولاراق, بوتون محبوسلارین بیرآن اوول آزادلیغا بیراخیلماسینی طلب ائدیریک.

چاغداش عصریمیزده، دنیا خالقلاری اؤز مد نی، سیاسی و اجتماعی حاقلارینی الده ائتمه آرزوسوایله دونیادا باریش، آزادلیق،اؤزگورلوک، دموکراسی و اینسان حاقلارینین قورونماسینی ایسته ییرلر.

بوتون آزادلیق سئور میللت لر سیراسیندا، گونئی آذربایجان تورک میللتی ده چاغداش و مدنی سوییه ده،اینسانی، قانونی، میللی و سیاسی ایستک لرینی الده ائتمک اوچون دینج حرکتلره باشلامیش دیر. بونون قارشی سیندا، گونئی آذربایجان میللی حرکتی، ایسلام دونونا بورونموش، تهران فارس شوونیست رژیمی طرفینده ن هرتورلو توهین و تحقیره معروض قالیر، میللتین حاقلی اعتراض لاری زندان و اشکنجه ایله جواب لانماقدادیر. نئجه کی منفور پهلوی سلاله سی زامانی گوناهسیز گونئی آذربایجان تورک بالالاری اوخول لاردا  فارس دیلینین یئرینه سهو اولاراق بیر سوزجوک آنا دیلینده ایشلتد یکلری تکلیفده بیر سوچلو کیمی نقدی جریمه اؤده مه لری  گره کیرایدی، بو گونده ده ایسلام جمهورلوغو طره فینده ن آنا دیلینده اوخول لاردا یازیب اوخوماق ایزنی وئریلمه ییب،گئنیشلنمه سینه  مانع لر توره دیلیر.  بونلارین نتیجه سینده گونئی آذربایجان تورک میللتی آغیر میللی خسارته معروض قالیب، ذره ذره اوز وارلیقی اولان «آنادیلینین » محو اولوب، آرادان گئتمه سی ایله سسسیز سوی قیریمینا شاهید اولور.

دیگر طرفدن بو سوی قیریما اعتراض ائدن گونئی آذربایجانلی تورک ایگیدلر ایران رژیمی طرفیندن توتوقلانیر و آغیر ایشکنجه لره معروض قالیر.

گونئی آذربایجان دموکرات پارتیا سی اولاراق، ایران ایسلام جمهورلوغونا اوز اعتراضلارینی بیلدیره رک، گونئی آذربایجاندا یاشایان تورک میللتینین ایستکلرینی بیر داها وورغولاییب، اینسان حاقلارینی قورویان تشکیلاتلارین وبوتون  دونیا ایجتیماعییاتینی بو چرکین سیاستین افشا اتمه سینه چاغیریریق.

اؤلکه ده یاشایان ٣٥ میلیون تورکون « آنا دیلی » اؤلکه نین رسمی و میللی دیللی اولاراق  بوتون اوخول لاردا، ایلک اوخولدان بیلیم یوردادک، دولتی حمایتلردن فایدالانیب، تدریس و تحصیل اولونمالیدیر.

ایران ایسلام جمهورلوغونون رسمی اریتمه سیاستینی(آسیمیلاسییا سیاستینی)، دولتی ترور و گوناهسیز اینسانلارین وارلیغی تلفاتی کیمی ده یرلندیریلمه لیدیر.

ایراندا یاشایان بوتون اینسانلارین برابر حوقوقو تضمین اولونماقلا، قادینلار، اوشاقلار حاقلاری  قورونمالی و هرتورلوآپارتایدا سون قویولمالیدیر.

گونئی آذربایجان دموکرات پارتیا سی

2011-09- 23