ارمنیستاندا مخالیفت آزادلیق میدانینی اشغال ائتدی
ارمنیستانین باشکندی ایرواندا اوچ ایل آرادان سونرا ایلک کز مخالیفت آزادلیق میدانینی اشغال ائتدی. مخالیف لیدر لئون تر-پتروسیان اؤنجولویونده "ارمنیستان اولوسال کونقرهسی"نین دوزنلهدیگی میتینگه قاتیلان اون مینلرجه انسان اوچ ایلدیر قاپالی اولان "آزادلیق میدانی"نا دوغرو یورویوشه گئچدی. چئویک قووتین گؤستریجیلرین میدانا گیرمهسینه ایذین وئرمهسی ندنیله هر هانسی بیر سورون یاشانمازکن، میدانی دولدوران یاخلاشیق ۱۲ مین نفرین گؤستریلره داوام ائتدیگی قید اولونور.
۲۰۰۸-ده جمهور باشقانلیغی سئچیملرینین آردیندان میداندا توپلانان مخالیف قروپلارا پولیسین مداخلهسی سونراسی ۱۰ نفر یاشامینی ایتیرمیشدی. ریا نووستی خبر آژانسینین ایرواندان وئردیگی بیلگیلره گؤره، "ارمنیستان اولوسال کونقرهسی" کوردیناتورو لئون زورابیان باریشچیل بیر دئوریم یولونو سئچدیکلرینی سؤیلهدی. "مخمل دئوریم" چاغریسی یاپان زورابیان، خالقی شیدتدن اوزاق توتدوقلارینی و قانسیز بیر دئوریم یاپاجاقلارینی بلیرتدی.
"ارمنیستان اولوسال کونگرهسی" آقوست ۲۰۰۸-ده ۲۰ سیاسی پارتی و اورقانیزاسیون بیر آرایا گلهرک قورولموشدو. کونگره، ارکن پارلامنت و جمهور باشقانلیغی سئچیملرینین یاپیلماسینی ایستهییر، سیاسی توتوقلولارین سربست بوراخیلماسی و وطنداش حاقلارینین آنایاسال دوزنلهمه ایله گوونجه آلتینا آلینماسی ایله ایلگیلی ده طلبلر وار.
ارمنیستان اولوس حرکتی لیدری آرام مانوکیان انسانلاری "آزادلیق میدانینی دولدورماغا چاغیردی و آرتیق زامانین گلدیگینی بلیرتدی. میتینگه قاتیلیملا ایلگیلی پولیسدن هر هانسی بیر آچیقلاما یاپیلمازکن، مخالیفته گؤره ان آز ۱۰۰ مین نفر واردی. کونقره آلدیغی قرارلا ۳۱ مارسا قدر هر گون فرقلی یاخلاشیملارلا میتینگ یاپماغا داوام ائدهجک.
ایروان ماتئناداراندا توپلانان خالقا خطاب ائدن تر-پتروسیان، ۱ مارس میتینگینده قراری آلینان ۱٥ مادهلیک طلب لیستهسینه حکومتین بلیرلنن سورهده جواب وئرمهدیگینی قید ائتدی. اقتیدارا اومود باغلامانین آرتیق امکانسیز اولدوغونا توخونان تر-پتروسیان، "ارمنیستاندا دوروم پاتلاماغا حاضیر. اقتیدار اؤلکهنی تالان ائتمه پولیتیکالارینی سوردورور" الشدیریسی گتیردی.
اقتیداری بوتون دیگر دیکتاتورلار کیمی مخالیفتی سیندیرمک اوچون الیندن گلنی یاپماقلا سوچلایان تر-پتروسیان، "اقتیدارین خالقین ارادهسینه بویون اگهجگیندن شبههمیز یوخ. آرتیق دیکتاتورلارین بوتون خالقا قارشی اولدوغونو هرکس بیلیر..." دئدی.
ترند