ايبراهيم اردبيلي : " ميللي حاقلاريميز اوغروندا موجاديله ميزي بوندان سونرا داها فعال، داها قطعيتله داوام ائتديره جگيک "

فئورالين 16- دا ايرانين عالي ديني ليدئري، آيتوللاه سيد علي خامنه ای تبريزده اولارکن يئرلي ساکينلرله گؤروشونده آذربايجان خالقي نين يوکسک موباريزليگي نين ايسلام اينقيلابيندا چوخ تاثيرلي اولدوغونو بيلديريب:

" 33 ايل بوندان اؤنجه بونون شاهيدي اولموشوق. همين موباريزه گوجو بو گون ده وار و گله جک نسيللره ده اؤتوروله جک. ايرانين بو گون قودرتلي دؤولته چئوريلمه سي، علم، تئخنولوگييا ساحه سينده اينکيشافي آذربايجان خالقي نين 33 ايل اؤنجه ائتديگي موباريزه سايه سينده باش توتوب. حاضيردا ايرانا قارشي ايقتيصادي بلوکادالار تطبيق اولونور، علمين اينکيشافينا مانعه لر ياراديلير، عاليملريميزي تئررورا معروض قويورلار " .

اونون سؤزلرينه گؤره، میصر خالقي ظولم و ايستيثماردان تنگه گله رک مؤحتشم بير اينقيلاب ائتدي: " آذربايجان خالقي بئله حاللاردا يئري گلديکده اؤز شوجاعتي و غئيرتييله وارليغيني ثوبوتا يئتيريب. اوزاق گؤرن، آييق و موباريز اولماق آذربايجان خالقي نين اساس خصوصيتلريدير " . تبريزده کي سويداشلاريميز ايسه ايران عالي ديني ليدئري نين دئديکلريني بيرمعنالي قارشيلاماييبلار.

مسلئه يه موناسيبت بيلديرن گونئي آذربايجان ميللي حرکاتي نين فعالي ايبراهيم اردبيلي دئيير کي، آيتوللاه خامنه ای نين دئديکلري نين آرخاسيندا بير چوخ معنالار وار: " او، آذربايجانليدير و تبريزده اولارکن ده باشقا جور دانيشا بيلمزدي. بلي، ايراندا و دونيادا هامي بيلير کي، تاريخ بويو بو دؤولتين وار اولماسيندا آذربايجانليلار موستثنا رول اويناييبلار. ايرانين بو گون مؤوجودلوغونا گؤره دؤولت بيزلرين بابالاريميزا بورجلودور. شاه رئژيمي نين دئوريلمه سينده و ايسلام اينقيلابيندا دا آذربايجانليلار اولماسايدي، هئچ نه باش توتان دئييلدي. آما بو، ايرانين اينديکي رئژيمين آذربايجان تورکلريني دستکله مه سي آنلامينا گلمير. تام عکسينه، بيزه قارشي غدارليق، جللادليق و آمانسيزليقدا شاه خاندانيندان هئچ ده گئري قالمايان بو هؤکومت، بو حاکيميت نيظامي بيزيم دوشمنيميزدير " .

اونون سؤزلرينه گؤره، ايراندا آذربايجان تورکلري نين موقاويمت و ميللي آزادليق حرکاتي نين گوجلنديگي هر دؤورده اؤلکه رهبرليگي سويداشلاريميزا موراجيعت ائدير، اونلارين قهرمانليق و شوجاعتلريندن بحث ائتمکله اينسانلاري ساکيتلشديرمه يه چاليشير: " ايران رهبرليگينه ايناناراق ساکيتلشمک نيتيميز يوخدور. ميللي حاقلاريميز اوغروندا موجاديله ميزي بوندان سونرا داها فعال، داها قطعيتله داوام ائتديره جگيک. خامنه ای علمين اينکيشافينا مانعه لر ياراديلديغيندان، عاليملرين تئررور ائديلديگيندن دانيشير. آما او سؤيلمير کي، هانسي علمي نظرده توتور. او علم نووه تدقيقاتلاري، اورانين زنگينلشديريلمه سيدير کي، بوتون دونيا ايران رهبرليگيني بو ايشلري دايانديرماغا چاغيرير "

خالق جبهه سی .