گادپ-این بایراملا ایلگی لی مئساژی
یئنی گون بایرامینیز (نووروز بایرامی) قوتلو اولسون
یئنی گون بایرامی آذربایجان تورک میللتینین ان تانینمیش و سئویملی بایرامیدیر. محمود کاشغارلی دیوانئ لوغاتی تورکده بو بایرامی یئنی گون آدلاندیرمیشدیر. زامان زامان بو بایرام ائرگئنئکون ، اوغوز، چاغان، اولوسون اولو گونو، سلطانی نووروز یا بوگون دئییلئن نووروز آدی ایله تانینمیشدیر! آذربایجان دؤولتینین اؤنریسی اساسی ایله بمت-ده یئددی اؤلکهنین رسمی بایرامی کیمی آنیلمیشدیر.
یئنی گون بایرامی (نووروز بایرامی) طبیعتین یئنیدن جانلانماسیندان و یازین گلمهسیله تانینمیشدیر. یاز بایرامی گونئی آذربایجاندا یئنی ایلین باشلانماسیلا دا باغلانیلیبدیر.
اؤیرنجی حرکاتینین بیر بؤلومو یئنی ایلی، بیرلیک ایلی آدلاندیرمیشدیر. بیز بو اؤنملی اؤنرییه قاتیلاراق، یئنی ایلده اولو میللتیمیزی، فارس شووئنیزمینه و ایستئمارا قارشی میللی موباریزهسینده داها سیخ بیر آرادا اولماغا چاغیراراق میللی موجادیلهسینده داها باشاریلار دیلییریک.یاخین گلهجکده قوزئی آذربایجانیمیزدا اولدوغو کیمی گونئی آذربایجانیمیزدا دا بو بایرام میللی دؤولتیمیزده دؤولت سویهسینده کئچیرلمهسین آرزو ائدیریک. بوتون تورک دونیاسی، نووروزو قوتلایانلار، اؤزللیکله آذربایجان تورکلرینین بو تاریخی و اؤنملی بایرامین قوتلاییریق.
گونئی آذربایجان دئموکرات پارتییاسی (گادپ)-این مرکزی شوراسی
20.03.2011
Yeni Gün bayramınız (novruz bayramı) qutlu olsun
Yeni Gün bayramı Azərbaycan Türk millətinin ən tanınmış və sevimli bayramıdır. Mahmıd Kaşğarlı divane loğatı Türkdə bu bayramı Yeni Gün adlandırmışdır. zaman zaman bu bayram Ergenekon , Oğuz, Çağan, Ulusun ulu Günü, Sultanı Novruz ya bugün deyilen Novruz adı ilə tanınmışdır! Azərbaycan dövlətinin önərisi əsası ilə BMT-də yeddi ölkənin rəsmi bayramı kimi anılmışdır.
Yeni Gün bayramı (Novruz bayramı) təbiətin yenidən canlanmasından və yazın gəlməsilə tanınmışdır. Yaz bayramı Güney Azərbaycanda yeni ilin başlanmasıla da bağlanılıbdır.
Öyrənci hərəkatının bir bölümü yeni ili, birlik ili adlandırmışdır. Biz bu önəmli önəriyə qatılaraq, yeni ildə ulu millətimizi, Fars şovenizminə və istemara qarşı milli mübarizəsində daha sıx bir arada olmağa çağıraraq milli mücadiləsində daha başarılar diləyirik.Yaxın gələcəkdə Qüzey Azerbaycanımızda olduğu kimi Güney Azərbaycanımızda da bu bayram milli dövlətimizdə dövlət səviyyəsində keçirlməsin arzu edirik. Bütün Türk dünyası, Novruzu qutlayanlar, özəlliklə Azərbaycan Türklərinin bu tarıxı və önəmli bayramın qutlayırıq.
Güney Azərbaycan Demokrat partıyası (GADP)-ın Mərkəzi Şurası
20.03.2011