آراز ائل سسين كونسئرتي سون آندا ايبطال اولدو
آذوح: بوگون آلینان خبرلره گؤره 24 مارت 2011 گونو یئني گون ارگنقون بایرامی موناسبتیله گئرچکلشمهسی پلانلانان آراز ائلسس باکی کونسئرتی سون آندا ایبطال ائدیلمیشدیر.
دؤولت سالونلاریندا یاپیلماسینا موساعده ائدیلمهین کونسئرت شخصي گیریشیملرله اؤزل بیر سالوندا (مونتئ کارلو شادلیق سارایی) گئرچکلشدیریلمک ایستنیرکن سونوندا “بلیرسیز” قایناقلاری باسقی سییلا دوردورولدو. اویساکی ایندییه دک قوقوش، ستتار، منصور حتی داریوش کیمی رئژیم قارشیدی فارس خوانندلرینی اؤزو ده دؤولت سارایلاریندا̶ کونسئرت وئرمهلرینه رغمن، یاخیندا یئنه بو گوروهدان بیری 30 مین دولارلیق “دؤولت سارایی”ندا فارس دیلینده کونسئرت وئربیلجککن آراز ائلسس’ی باکی’دا کونسئرت وئرمهسینه 2002 ایلیندن بری ایمکان تانینمامیشدیر. بیر دئییشه گؤره اوچ می نفرین قاتیلیمینین گؤزلندیی بو کونسئرت سؤزده 28 ماییس گونونده چیخیش ایزنی سؤزویله ائرتلنمیشدیر.
1999’دا دا بنزری بیر اورتامدا باکی’دا 6 مین نفرلیک بیر کونسئرت میللتین گؤزو اؤنونده ایبطال ائتدیریلمیشدی. هر کونسئرتده “تصادوفا” تئکنیک سورونلارلا قارشیلاشیلدی و آشیلدی. ایندییه دک قوزئی’ده گئرچکلشن بوتون سورونلاری و سیخینتیلاری “قول سینار یئن ایچینده” آنلاییشییلا “تئکنیک سورون” دئیه آتلاداراق یوخ آبیرینیزی قورودوق. بو سفر آرتیق یؤنتمه آپاراتینزدا بیر “تئکنیک سورون” وار دئمک، افندیلر!
بو اؤلکه بیر صنعتچينين حاق سسیندن هورکهجکسه و دیگر بیر اؤلکه اؤز یوردسوز سویداشینا ییه چیخابیلمهیهجکسه ایکیسی ده بیز دار گلیر دئمکدیر. ایکی اولوسسوز دؤولت ده بیزه آر گلیر دئمکدیر.
نه ائلسس’ین نه ائلین سسینی سوسدورابیلمهیهجکلر. تورکولریمیز میدانلاردا عیصیان بایراغیمیز اولاجاق: هم باغیمسیزلیق یاغیلارینا قارشی، هم اؤزگورلوک دوشمنلرینه قارشی. دیلیمیزی بیری کسدایسه، سسیمیزی اوبیری کسمک ایستییر. آنجاق باشیمیز کسیلسه ده سسیمیز کسیلمهیهجک...
اویرنجی