English            Latin   

برای دریافت مطالب جدید به این آدرس www.azoh.net  مراجعه فرمایید

Yeni Adresimiz www.azoh.net

New Address www.azoh.net 

گفتنی است این سایت آرشیو مطالب منتشر شده از اسفند 89 تا دی 92 و همچنین از مهر 94 تا شهریور 95 را شامل می شود
 

اؤیرنجی سیته‌سی‌نین دونیا آنادیلی گونو موناسیبتی ایله بیل‌دیریسی

دونیا آنا دیلی گونو 1999 ایلین‌دن بری اونسکو طرفین‌دن بلیرلنن 21 فئورال (2 اسفند) گونونده بوتون دونیادا قوتلانماقدا‌دیر. بو گونو دیل‌لری یوخ اولما تهلیکه‌سی ایله قارشی قارشییا اولان میللت‌لر اوچون سئچمیش‌لر.  بو گونون سئچیلمه‌سین‌دکی باشقا بیر عامل ایسه دیل‌لرینی مدر‌سه‌لرده اوخویامان اینسان‌لارین دیل‌لرینی اونوتماماق اوچون بیر حرکت اولماسینی ایستدیک‌لری اولموشدور. آذربایجان تورک‌لری ده ایران ایچری‌سینده نه یازیق کی اؤز آنادیل‌لرینی اوخول‌لاردا اوخویابیلمیرلر. ایران آنایاساسی‌نین 15 مادده‌سی فارس اولمایان میللت‌لرین اؤز آنادیلینده اوخومایی اؤن گؤرسه ده هئچ بیر زامان او مادده عملی اولماییب‌دیر. اونون اوچون بیز آذربایجان تورک‌لری و اؤزل‌لیکله آذربایجان اؤیرنجی حرکتی نین منسوب‌لاری اولا‌راق دونیا آنا دیلی گونو اؤنملی بیر گون اولاراق گؤروروک.

آذربایجان میللی حرکتی‌نین موباریزه‌سی‌نین مرکزینده دیلیمیزین یاساق اولماسی یاتماقدا‌دیر. اونا گؤره ده 21 فئورال گونو (2 اسفند) آذربایجان میللی حرکتی فعال‌لاری بوگونون آذربایجانین هر طرفین‌دن چئشیدلی شکیل‌لرده قوتلاما‌لاری لازم‌دیر. آذربایجان میللی حرکتی ان حساس گون‌لرینی یاشاماقدا‌دیر. بؤلگه‌دکی دئییشیک‌لیک‌لر البته کی بیزیم حرکتی ده اؤز تأثیری آلتینا آالا‌جاق‌دیر. 2 اسفند گونون تعطیل اولماسی سببی ایله بیز بو قوتلاما‌لاری 1 اسفند گونو یولا سالمالیییق. تبریز شهرینده آذربایجان تورک‌لری‌نین سسینی بیر داها دونیایا چاتدیرمالیییق. اؤز دیلیمیزه صاحب چیخا‌راق و تورک دیلینده مدرهسه، اؤز دیلینده مدرسه، اولما‌لی‌دیر هر کسه، شعاری ایله تبریز بیلیم یوردو و باشقا یئره‌لرده بو گونه عزیزله مه لییک.

نئجه کی بیلیرنیز 1 اسفند گونو ده ایرانداکی یاشیل جی‌لار بیر برنامه تؤکمک ایسته ییرلر. آذربایجان تورک میللتی اؤز ایستک‌لرینی بیلدیگی اوچون بو اولای‌لاردان ایل یاردیم‌دیر کی اوزاق دورور. آما بیز 1 اسفند گونونده اؤز آنا دیلیمیزه صاحب چیخماق اوچون و میللی شعارلار ایله تبریز شهرینده چیخیش ائده بیلریک. حرکتیمیزین مصادره اولونماماسی اوچون 2 نکته یه جدی شکیلده دقت ائتمه لیگیک. بیرینجی‌سی وئریلن شعارلار تکجه آذربایجان تورک‌لری‌نین میللی ایستک‌لری چرچوه‌سینده اولما‌لی‌دیر. ایکینجی‌سی، ایسه رنگ اولا‌راق تراختوروموزون قیرمیزی رنگینی ایستیفاده ائتمه لیگیک. بو ایکی خصوصیت بیزیم حرکتین فارس‌لارین حرکتی ایله فرق‌لی اولدوغونو دونیایا چاتدیرابیلر. بیز اؤز آنادیلیمزینده تحصیل ایستیریک. بو ایسته ییمیزی و بونون یانیندا میللی ایستک‌لریمیز بیزیم حرکتمیزین ماهیتینی تشکیل ائدیر.

گله‌جک بیزیم‌دیر

یاشاسین آنادیلیمیز

یاشاسین آذربایجانیمیز

یاشاسین تورکلوگوموز

Share/Save/Bookmark
 
آدرسهای ما - Follow us

YouTube

 -----

Facebook

----- 

Twitter