مراجعت: ایرانین گونئی آذربایجاندا یوروتدوگو ایرقچیلیک بارهده راپورت
سای: ۵۵۲/ ۲۰۱۱
ایلایگون : ۱۴ دسامبر ۲۰۱۱
ب.م.ت، اینسان حاقلاری اوزره آلی کومیسسارلیق، جنوره؛ لطفاً بو راپورتو دؤکتور احمد شهیده چاتدیرینیز و ائلهجه ده آشاغیداکی قروپلارا چاتدیرمانیزی توققه ائدریک:
اؤز-خوشونا توتوقلانما اوزره چالیشان قروپ
بئیان و فیکیر سربستلیگینین ایرلیلییشی و قورونماسی اوزره اؤزل راپورتئر
چاغداش ایرقچیلیک، ایرقی آیری-سچکیلیک و یاد-ائللیلره قارشی قاتلاشمازلیق اوزره اؤزل راپورتر
میللی آزلیقلار اوزره موستقیل متخصص
قاضیلارین و وکیللرین باغیمسیزلیغی اوزره اؤزل راپورتر
اوزو: دایک بئی، و خانیم هاریسون، آمنئستی اینتئرناشنال، لندن
هابئله: اینسان حاقلارینی گؤزتن و اینسان حاقلارینا قوللوقچو، ب.م.ت هابیتات، باشقا قوروملار
سایین جنابلار،
مراجعت: ایرانین گونئی آذربایجاندا یوروتدوگو ایرقچیلیک بارهده راپورت
ایران یئتکیلیلری طرفیندن گونئی آذربایجانلیلارا قارشی یورودولن آشاغیداکی بیر نئچه دوسیئنی بو راپورت واسطهسی ایله سیزین قایغیلی دقتینیزه چاتدیرماق ایسته ییریک کی، بونلاردا، ایراندا آریا ایرقینا دایانان فارس شووینیزمینین دامغاسی وار:
ایرانین بیلهرکدن آپاردیغی اورمو گؤلونو چؤللشدیرمه توتومونا قارشی اعتراضچیلارا اؤز-خوشونا دیوان توتماق
ایران تئرروریزمی ایندی داها گونئی آذربایجان حدودوندان آشیریلیب و قوزئی آذربایجانا کؤچورولمکده و بونا توشلانمیش اولان جناب رفیق تاغی تأسفله ۲۳ نوامبر ۲۰۱۱-ده قوربانلیق اولدو
فردلرین دوستاقلانماسی- قاداقدا ساخلانماسی- و هدلنمهسینه بیر ایجمال
گونئی آذربایجانلی فوتبال آزارکئشلرینه یورودولن قاراقورخولار
بیز بیلیریک کی، ب.م.ت اینسان حاقلاری آلی شوراسینین ایران اوزرئ دنتچیسینین راپورتونو بوراخماغا واخت اولدوقجا دارالمیش. سایین آهمد بئی شاهیدین ایلکین راپورتو اوچون آشاغیداکی اوجباتدان میوس اولدوغوموزو قاباقجا حضورلارینیزا چاتدیردیق کی:
راپورتونوز ایران ایرقچیلیگینی آپ-آچیق ایفشا ائتمکده اولدوقجا چاتیشمایان ایدی، آخی ایراندا سیراوی وطنداشدان توتدو آلی حکومت اورقانلارینین باشینداکیلارا قدر ایرقچیلیک ایله قایناشیرلار. بو ایسه، سیزین ایشلتدیگینیز ایراندا ایرقی توتوم ایفادهسی اوراداکی قددار ایرقچیلری باریندیریر . بو ایفادهنیز ایله، سیز ایراندا ایرقچیلری موشتبئه سالیرسینیز. ایرانا قارشی ایرقچی و ایرقچیلیک تئرمینلرینی آپ-آچیق ایشلتمهسهنیز، عدالتسیزلییه یول وئرن سیز اولاجاقسینیز.
راپورتونوزدا اورمو گؤلونده بیلهرکدن یورودولن چؤللشدیرمه سیاستینی ایفشا ائتمدینیز و بونلا یاناشی اورادا بیلهرکدن قوندورولان چئوره دوشگونلوگونو ده ایفشا ائتمدینیز.
راپورتونوزدا ایران یئتکیلیلری طرفیندن گونئی آذربایجانا قیییلان گئنیش-اؤلچوده توتوقلامالار عکس ائدیلمهدی و بورادا ایران یئتکیلیلری آرالاریندا جور-به-جور گئدن آلتدان-آتلدان دوزلیشمهلره قارشی سؤز آچیلمادی
راپورتونوزدا ایراندا ایدمان اوزرینده قیزغین گئدن ایرقچیلیگی ایفشا ائتمهیه فورصتی بئله قاچیردینیز
بیزیم بو راپورت سیزین اوچون علاوه ایضاحلاری قارشینیزا قویور کی، انجکی معلوماتلارا آرتیراسیز ، ایستر بیزیم طرفدن گؤندریلن، ایسترسه ده باشقا آذربایجانلی قوروملار طرفیندن یاخود اؤلکهده باشقا میللتلر طرفیندن گؤندریلن معلوماتلارین دقته آلینماسی آرزو ائدیلمیکدهدیر. بیز ایستردیک کی، ماسانی بیر داها چئویرک و آپ-آچیق دئیک کی ائتنیک فارس میللتی سیزین یاردیمینیزا احتیاجلاری وار کی، اونلارین اوزونه بیرباشا اعلان ائدسینیز کی، اونلارین ایرقچیلیگی بوندان بویانا دونیا توپلومونا قبول اولونان دئییل. ایر ایراندا گئدن ایرقچیلیگی ایفشا ائتمهسهنیز (منزوروموز ایرقی توتوم دئییل، بیزیم دئمک ایستدیگیمیز آپ-آچیق ایران ایرقچیلیگینی دیله گتیرمکدیر)، سیز اوزرینیزده اولان مانداتلاری یئرینه یئتیرممیشسینیز. بیز بیلهرکدن سؤزلریمیزی چوخ گوبودجا سئچمیشیک، بونا گؤره عذر ایسته ییریک لاکین اونلاری، گرچیی گؤستردیگینه گؤره دییشمک ایستمیریک. قاباقجادان قایغینیز اوچون میننتدارلیغیمیزی بیلدیریریک.
حؤرمتله
بؤیوک رسولوغلو
دونیا آذربایجانلیلارینین حاقلارینی مدافعه کومیتهسینین صدری