AZOH: Suriyada günlərdir davam edən aksiyalar nəticəsində Bəşər Əsad hökuməti geri addım atamağa məcbur oldu.

Əsad iqtidarı ölkədə 48 ildir davam edən fövqəladə vəziyyət rejimini ləğv etməyi, mətbuat və siyasi partiyalar qanununun dəyişəcəyini açıqlayıb.

Suriya prezidentinin müşaviri mətbuata açıqlamasında yeni qanunun Bəəs Partiyası xaricində başqa partiyaların da fəaliyyətinə imkan verəcəyini söyləyib.

Açıqlamada korrupsiya ilə mübarizə üçün yeni müxanizm yaradılacağı və dövlət qulluqçularının maaşlarının yaxşılaşdırılacağı qeyd edilib.

Ancaq müxalifət verilən açıqlamaları yetərli saymayıb. Müxalifət liderləri açıqlamanın siyasi məhbusların azadlığa buraxılması və fövqəladə vəziyyətin qeyd-şərtsiz ləğvinə təminat vermədiyini bildiriblər.

TRT